完整藏文原文 · 德格版页 当前仅加载第 4 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་སེམས་མཉམ་པར་བཞག་ན་རྒྱལ་པོའི་ཁབ་ནས་མི་སྣང་བར་གྱུར་ཏེ་ཙམ་པར་ཕྱིན་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །གྲོ་བཞིན་སྐྱེས་བྱེ་བ་ཉི་ཤུ་པ་ཉི་མ་ལ་དད་པས་དེ་ཉི་མ་རེ་རེ་ཞིང་ནང་པར་སྔར་ལངས་ཏེ་ཉི་མ་ལ་ཕྱག་བྱེད་པ་ན་ཚེ་དང་ལྡན་པ་མཽད་གལ་གྱི་བུ་ཆེན་པོའི་
D1.004.0202b01.01རྫུ་འཕྲུལ་གྱིས་ཉི་མའི་དཀྱིལ་འཁོར་བརྟོལ་ནས་བབས་པ། ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པས་མཐོང་ངོ་། །མཐོང་ནས་ཀྱང་བདག་གིས་མངོན་སུམ་ཁོ་ནར་ཉི་མ་ཉིད་ཀྱི་གཟུགས་མཐོང་ངོ་སྙམ་ནས་མཆོག་ཏུ་ངོ་མཚར་སྐྱེས་སོ། །མཐོང་ནས་ཡང་ཚིགས་སུ་བཅད་ནས་སྨྲས་པ།
D1.004.0202b02.01ཉི་མ་བརྟོལ་ནས་ས་སྟེང་མངོན་ཕྱོགས་མྱུར་ཉིད་དུ། །བདག་གི་གནས་སུ་བྱོན་པ་འདི་ཀོ་སུ་ཞིག་ལགས། །འདི་ཅི་ཉི་མའམ་ནོར་སྦྱིན་ཟླ་བའམ་བརྒྱ་བྱིན་ནམ། །འོན་ཏེ་ལྷ་ཡི་བདག་པོ་མོད་ལ་གཤེགས་ཤིག་གུ། །ཚེ་དང་ལྡན་པ་མཽད་གལ་གྱི་བུ་ཆེན་པོའི་སེམས་ཀྱིས་ཀྱང་དེའི་བསམ་པ་
D1.004.0202b03.01ཤེས་ནས་ཡང་ཚིགས་སུ་བཅད་དེ་སྨྲས་པ། ཁོ་བོ་འོད་ཟེར་སྟོང་གི་འོད་འབར་ཉི་མ་མ་ཡིན་རྒྱུ་སྐར་བདག་པོ་མིན། །ཁོ་བོ་རྣམ་ཐོས་མ་ཡིན་མཆོག་ལྡན་མ་ཡིན་ལེགས་པའི་བརྟུལ་ཞུགས་དབང་ཕྱུག་མིན། །ཁོ་བོ་ཐུགས་ཞི་གཟི་བརྗིད་ཀྱིས་འབར་སངས་རྒྱས་སྲས་པོ་ཡིན་པར་ཤེས་པར་
D1.004.0202b04.01བྱོས། །ཁོ་བོ་ཐུབ་ལ་བསོད་སྙོམས་དགོངས་ནས་བསླང་བའི་ཕྱིར་ནི་ཁྱོད་ཀྱི་དྲུང་དུ་འོངས། གྲོ་བཞིན་སྐྱེས་ཀྱིས་སྨྲས་པ། ཅི་ཤེས་ལྡན་ཉིད་ཐུབ་པ་ཡིན་ནམ། དེས་ཚིགས་སུ་བཅད་དེ་སྨྲས་པ། ཇི་ལྟར་གསེར་གྱི་རི་བོ་ལྷུན་པོའི་ཟླར་ནི་ཡུངས་ཀར་ཁྱེར་ཏེ་འོང་བ་དང་། ཇི་ལྟར་ཉི་
D1.004.0202b05.01མའི་ཟླར་ནི་ས་སྟེང་སྲོག་ཆགས་སྲིན་བུ་མེ་ཁྱེར་འཇལ་བ་དང་། །རིན་ཆེན་གྱིས་ཕྱུག་རྒྱ་མཚོའི་ཟླར་ནི་འདི་ནི་གནག་གི་རྨིག་རྗེས་སྒྲུན་པ་ལྟར། །དེ་བཞིན་མི་མཆོག་བླ་མ་སངས་རྒྱས་ལ་ལྟོས་སྟོན་པའི་སྲས་དག་རིག་པར་གྱིས། གྲོ་བཞིན་སྐྱེས་ཀྱིས་སྨྲས་པ། རྗེས་སུ་དཔག་པ་འདི་ཡིས་
D1.004.0202b06.01ན། །བདག་གིས་ཁྱོད་ཀྱི་འདྲེན་པ་ནི། །ཇི་ལྟར་དཀའ་ཐུབ་རབ་ཆེ་བ། །གསལ་བར་རབ་ཏུ་རྟོགས་ལགས་སོ། །དགོས་པ་ཅི་ལ་བྱོན་བཀའ་སྩོལ་ཅིག །བཅོམ་ལྡན་འདས་ཀྱི་བསོད་སྙོམས་ཕུལ་ཅིག །བཅོམ་ལྡན་འདས་དེ་སུ་ཡིན། ཁྱིམ་བདག་གི་བུ་དགེ་སྦྱོང་གཽ་ཏ་མ་ཤཱཀྱའི་
D1.004.0202b07.01