完整藏文原文 · 德格版页 当前仅加载第 4 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་གནས་གཡོས་པར་བྱས་སྙམ་ན། བྱང་ཆུབ་སེམས་དཔའི་མཐུ་ཡིན་པར་མཐོང་ནས་དེས་དབང་ཕྱུག་ཆེན་པོའི་ཆར་གྱི་རྣམ་པ་དེ་ལྟ་བུ་དག་ཕབ་སྟེ། དེས་ཚོང་པ་དེ་རྣམས་ཚིམ་པར་བྱས་ནས་འབྲོག་དགོན་པའི་ལམ་ནས་བསྒྲལ་ཏོ། །དགེ་སློང་དེ་ཅི་སྙམ་དུ་སེམས།
D1.004.0118a01.01དེའི་ཚེ་དེའི་དུས་ཀྱི་དེད་དཔོན་ཐམས་ཅད་སྐྱོབ་གང་ཡིན་པ་དེ་ནི་ང་ཉིད་ཡིན་ནོ། །ཚོང་པ་ལྔ་པོ་ཆུ་དང་བྲལ་བས་ལྷག་པར་ཡི་བློང་པར་གྱུར་པ་དེ་དག་ནི་ལྔ་སྡེའི་དགེ་སློང་འདི་དག་ཡིན་ཏེ། དེ་ན་ཡང་ངས་འདི་དག་ཆུས་ཚིམ་པར་བྱས་ནས་འབྲོག་དགོན་པ་ནས་བསྒྲལ་ཏོ། །ད་ལྟར་ཡང་ངས་འདི་དག་
D1.004.0118a02.01དམ་པའི་ཆོས་ཀྱི་རོས་ཚིམ་པར་བྱས་ནས་འཁོར་བའི་འབྲོག་དགོན་པ་ནས་བསྒྲལ་ཏོ། །གང་གི་ཚེ་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་འཁོར་བའི་འབྲོག་དགོན་པ་ནས་བཏོན་ནས་དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་གི་རིན་པོ་ཆེ་རྣམས་ཀྱི་བགོ་བཤའ་མཛད་
D1.004.0118a03.01པ་དེའི་ཚེ་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་འཁོར་བའི་འབྲོག་དགོན་པ་ནས་བཏོན་ནས་དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་གི་རིན་པོ་
D1.004.0118a04.01ཆེ་རྣམས་ཀྱི་བགོ་བཤའ་མཛད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་ལྟར་ད་ལྟར་ང་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ་ཞིང་། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་
D1.004.0118a05.01འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ལས་ཡོངས་སུ་གྲོལ་ནས་ཐམས་ཅད་མཁྱེན་ཅིང་རྣམ་པ་ཐམས་ཅད་མཁྱེན་ཏེ། ཡེ་ཤེས་དང་ཤེས་བྱ་ཐམས་ཅད་ལ་དབང་བརྙེས་ནས་ལྔ་སྡེའི་དགེ་སློང་རྣམས་འཁོར་བའི་འབྲོག་དགོན་པ་ནས་བཏོན་ཏེ།
D1.004.0118a06.01དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་རྣམས་ཀྱི་བགོ་བཤའ་མཛད་པ་དེ་ལ་ངོ་མཚར་ཅི་ཞིག་ཆེ། འདས་པའི་དུས་ན་ང་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས་ཤིང་། སྐྱེ་བ་དང་། རྒ་བ་དང་། ན་བ་དང་། འཆི་བ་དང་།
D1.004.0118a07.01