完整藏文原文 · 德格版页 当前仅加载第 4 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་དགོངས་པ། རྩྭའི་གདིང་བ་ལ་འདུག་པར་བྱའོ་སྙམ་པ་དང་། དེ་ལ་རྩྭའི་དགོས་པ་བྱུང་བར་ལྷ་རྣམས་ཀྱི་དབང་པོ་བརྒྱ་བྱིན་གྱི་སེམས་ཀྱིས་བྱང་ཆུབ་སེམས་དཔའི་དགོངས་པ་ཤེས་ནས། རི་སྤོས་ཀྱི་ངད་ལྡང་ལས་ཤིང་བལ་གྱི་འདབ་མ་ལྟར་རེག་ན་བདེ་བའི་རྩྭ་ཁུར་གཅིག་
D1.004.0029a01.01བླངས་ནས་རྩྭ་འཚོང་བཀྲ་ཤིས་ཀྱི་ཁ་དོག་ཏུ་བདག་ཉིད་མངོན་པར་སྤྲུལ་ཏེ་བྱང་ཆུབ་སེམས་དཔའི་སྤྱན་སྔར་བསྡད་དོ། །བྱང་ཆུབ་སེམས་དཔས་གསུངས་པ། བཞིན་{བཟངས་,བཟང་}རྩྭའོ་ནི་དག་ང་ལ་ཕུལ་ཅིག །ལྷ་རྣམས་ཀྱི་དབང་པོ་བརྒྱ་བྱིན་གྱིས་བྱང་ཆུབ་སེམས་དཔའི་ཞབས་གཉིས་
D1.004.0029a02.01ལ་གཏུགས་ནས་གུས་པ་དང་བཅས་པས་ཕུལ་ལོ། །དེ་ནས་བྱང་ཆུབ་སེམས་དཔས་བཀྲ་ཤིས་ཀྱི་རྩྭ་འཚོང་ལས་རྩྭ་བཞེས་ཏེ་ལྷ་རྣམས་ཀྱིས་བསྟན་པའི་ལམ་ནས་བྱང་ཆུབ་ཀྱི་སྙིང་པོ་གང་ན་བ་དེར་གཤེགས་ཏེ་བྱོན་ནས་རྩྭ་རྣམས་མ་འཁྲུགས་པ་དང་། སྟུག་སྲབ་མེད་པ་དགྲམ་པར་
D1.004.0029a03.01བརྩམས་སོ། །དེ་ནས་རྩྭ་དེ་རྣམས་བསྐོར་ཐབས་སུ་ལྷུང་ནས་བྱང་ཆུབ་སེམས་དཔས་དགོངས་པ། ཇི་ལྟར་རྩྭ་འདི་རྣམས་བསྐོར་ཐབས་སུ་ལྷུང་བ་ལས་བདག་གིས་གདོན་མི་ཟ་བར་དེང་བླ་ན་མེད་པའི་ཡེ་ཤེས་རྟོགས་པར་འགྱུར་རོ་སྙམ་དུ་དགོངས་ནས་རྡོ་རྗེའི་གདན་ལ་འཛེགས་ཏེ་བྲང་
D1.004.0029a04.01གིས་འགྲོ་བའི་རྒྱལ་པོ་གཉིད་ལོག་པའི་ལུས་བསྐྱིལ་བ་ལྟར་སྐྱིལ་མོ་ཀྲུང་བཅས་སྐུ་དྲང་པོར་བསྲང་དྲན་པ་མངོན་དུ་ཕྱོགས་པར་བཞག་སྟེ་བཞུགས་ནས་སེམས་བསྐྱེད་ཅིང་ཚིག་ཏུ་ཡང་གསུངས་པ། ཇི་སྲིད་ཟག་པ་ཟད་པ་མ་ཐོབ་ཀྱི་བར་དུ་སྐྱིལ་མོ་ཀྲུང་གཞིག་པར་མི་བྱའོ་ཞེས་དེས་རེ་
D1.004.0029a05.01ཞིག་ཟག་པ་ཟད་པ་མ་ཐོབ་ཀྱི་བར་དུ་སྐྱིལ་མོ་ཀྲུང་མ་བཤིག་གོ། །བདུད་སྡིག་ཅན་གྱི་རྒྱལ་མཚན་གཉིས་པོ་དགའ་བའི་གནས་དང་། དོགས་པའི་གནས་གཉིས་ཡོད་པ་ལས། དོགས་པའི་གནས་ཀྱི་རྒྱལ་མཚན་གཡོ་བར་བརྩམས་སོ། །སྡིག་ཅན་གྱིས་བསམས་པ། ཇི་ལྟར་
D1.004.0029a06.01རྒྱལ་མཚན་འདི་གཡོ་བ་ལས་གདོན་མི་ཟ་བར་གནོད་པ་བྱེད་པ་ཞིག་བྱུང་ངོ་སྙམ་སྟེ། དེ་བསམ་པ་ལ་ཞུགས་པ་དང་། ཇི་ཙམ་ན་བྱང་ཆུབ་སེམས་དཔའ་རྡོ་རྗེའི་གདན་ལ་བཞུགས་པ་མཐོང་ངོ་། །དེ་འདི་སྙམ་དུ་སེམས་ཏེ། ཤཱཀྱ་ཟས་གཙང་གི་བུ་འདི་རྡོ་རྗེའི་གདན་ལ་འདུག་གིས། ཅི་ཙམ་
D1.004.0029a07.01