完整藏文原文 · 德格版页 当前仅加载第 4 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་བདེན་པར་མི་འགྱུར་གྲང་། གཞོན་ནུ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འགྱུར་དུ་འོང་གིས། མ་ལ་བདག་གིས་གཞོན་ནུ་ཞིང་པའི་གྲོང་དུ་བཏང་ལ་ཅི་ནས་ཀྱང་དེ་ལ་
D1.004.0006a01.01སེམས་གཡེངས་པར་འགྱུར་བར་བྱའོ་སྙམ་ནས། གཞོན་ནུ་ཤཱཀྱ་ཐུབ་པ་ལ་འདི་སྐད་ཅེས་སྨྲས་སོ། །གཞོན་ནུ་ཚུར་ཤོག །ཁྱོད་ཞིང་པའི་གྲོང་དུ་སོང་ལ་ལས་ཀྱི་མཐའ་ལ་ལྟོས་ཤིག །དེ་ནས་བྱང་ཆུབ་སེམས་དཔའ་རྒས་པ་དང་། ནད་པ་དང་། ཤི་བ་མཐོང་ནས་ནི་ཡིད་བྱུང་ངོ་། །
D1.004.0006a02.01རབ་ཏུ་བྱུང་བ་ལ་ནི་མངོན་པར་ཞེན་པའི་བློས་ཡབ་ཤཱཀྱ་ཟས་གཙང་གི་ཚིག་གསན་ནས་ཤིང་རྟར་ཞུགས་ཏེ་ཞིང་པའི་གྲོང་དུ་སྐུས་གཤེགས་ཀྱི་ཐུགས་ཀྱིས་ནི་མ་ཡིན་ནོ། །དེ་ལ་ལམ་ཀར་གཏེར་ལྔ་བརྒྱས་ཁ་ཉེ་བར་བསྟན་ཏེ་སྒྲ་ཕྱུང་བ། གཞོན་ནུ་བདག་ཅག་ནི་ཁྱོད་ཀྱི་ཉེ་དུའི་གཏེར་ལགས་
D1.004.0006a03.01ཀྱིས་བདག་ཅག་བཞེས་ཤིག །བྱང་ཆུབ་སེམས་དཔས་གསུངས་པ། རེ་ཞིག་དེ་རྣམས་ཀྱིས་བླུན་པོའི་ཡོངས་སུ་གཟུང་བ་བྱས་ནས་ཅི་ཞིག་བྱས། ཁྱེད་ང་ལ་དགོས་པ་མེད་ཀྱིས་སོང་ཤིག །ཚིགས་སུ་བཅད་པས་ཀྱང་གསུངས་པ། གང་གིས་ང་ལ་འཆི་བའི་གཏམ་སྨྲས་པ། །དེ་
D1.004.0006a04.01དག་ཀྱང་ཤི་གཏམ་དུ་གྱུར་པ་ཡིན། །བདག་ཀྱང་ཤི་ནས་རིང་པོ་མི་ཐོགས་པར། །གཞན་དག་གི་ཡང་གཏམ་དུ་འགྱུར་བར་འོང་། །དེ་རྣམས་ཀྱིས་ཡང་སྒྲ་ཕྱུང་བ། །གཞོན་ནུས་གལ་ཏེ་མི་བཞེས་ན། །བདག་ཅག་རྒྱ་མཚོ་ཆེན་པོར་འཇུག་གོ། །བྱང་ཆུབ་སེམས་དཔས་ཅི་བདེ་བར་
D1.004.0006a05.01ཞུགས་ཤིག་ཅེས་གསུངས་པ་དང་། དེ་རྣམས་རྒྱ་མཚོ་ཆེན་པོའི་ནང་དུ་ཞུགས་སོ། །བྱང་ཆུབ་སེམས་དཔའ་གཤེགས་པ་དང་། ཇི་ཙམ་ན་ཞིང་པ་སྐྲ་གྱེན་དུ་འགྲེང་བ། ལག་པ་དང་རྐང་པ་སེར་ག་བྱུང་བ། ལུས་རྡུལ་གྱིས་ཡོག་པ་དག་ཅིག་དང་། རྨོན་པ་ལྕག་གཟེར་བུ་རྣོན་པོ་
D1.004.0006a06.01ཅན་གྱིས་ལུས་དྲལ་བས་རྒྱབ་དང་མཇུག་དོའི་ཕྱོགས་ཁྲག་གིས་ཡོག་པ། ལྟོགས་པ་དང་སྐོམ་པས་དབུགས་བརྫགས་ཤིང་སྙིང་གའི་ཕྱོགས་ནས་དབུགས་བརྫགས་པ་རིང་དུ་འདྲེན་ལ་གཉའ་ཤིང་གིས་མནན་པའི་རྨ་ལས་རྣག་ཁྲག་འཛག་པ་ལ་སྦྲང་བུ་དང་འབུའི་ཚོགས་ཟ་བ། ཐོང་
D1.004.0006a07.01