完整藏文原文 · 德格版页 当前仅加载第 4 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
བབ་པའི་ཚིག་གིས་དལ་གྱིས་སྨྲས་པ། གལ་ཏེ་ཁྱོད་ཀྱིས་ཐག་བཀུམ་ན། །མ་ལ་བདག་ཅག་གཉིས་ཀྱི་ཕྲིན། །ཁྱོད་ཀྱིས་བཟོད་པ་མཛོད་ཅིག་ཅེས། །ཡབ་ཅིག་ཁྱོད་ཀྱིས་གསུང་དུ་གསོལ། །ཡབ་གཞན་ཡང་བྱིས་པར་གྱུར་པས་བླ་མ་ཁྱོད་ལ་
D1.004.0197a01.01ནོངས་པ་བགྱིས་པ་གང་། །གལ་ཏེ་ལ་ལར་ཐུགས་ལ་མི་བབ་ཚིག་འགའ་སྨྲས་པའམ། །གུས་པར་མཉན་པས་ཡོངས་སུ་མཉེས་པ་ཉིད་དུ་མ་བགྱིས་པ། །དེ་ནི་བྱིས་པའི་ནོངས་པ་ལགས་ཞེས་བཟོད་པ་མཛད་དུ་གསོལ། །དེ་སྐད་ཅེས་སྨྲས་ནས་ཕ་ལ་ཕྱག་འཚལ་ཏེ་ལན་
D1.004.0197a02.01གསུམ་དུ་བསྐོར་བ་བྱས་ནས་མིག་མཆི་མས་གང་བཞིན་བླ་མ་ལ་སྨྲ་བར་ཡིད་ལ་གཅགས་པས་ཡང་དང་ཡང་ཕྱིར་ལྟ་ཞིང་བསྟི་གནས་དེ་ནས་བྱུང་སྟེ་སོང་ངོ་། །དེ་ནས་བྱང་ཆུབ་སེམས་དཔའ་བྱིས་པ་གཞོན་ནུའི་ཚིག་ཤིན་ཏུ་སྙིང་རྗེར་རུང་བ་དེ་དག་གིས་སྙིང་བློང་ནས་ཡིད་ཀྱི་བྱང་ཆུབ་ཏུ་
D1.004.0197a03.01སྨོན་ལམ་བཏབ་སྟེ། དཀའ་ཐུབ་ཀྱི་ཚལ་གྱི་ལོ་མའི་སྤྱིལ་བུར་ཞུགས་སོ། །བྱིས་པ་གཞོན་ནུ་དག་དོང་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་གཡོས་སོ། །ལྷ་སྟོང་ཕྲག་དུ་མས་ཡང་བར་སྣང་ལ་ཅ་ཅོ་དང་ག་ཞའི་སྒྲ་འབྱིན་ཅིང་། ཨེ་
D1.004.0197a04.01མའོ་རབ་སྦྱིན་བདག་ཉིད་ཆེ། །བྱིས་པ་འདི་གཉིས་བཏང་ནས་ཀྱང་། །གང་གི་ཡིད་ནི་འགྱུར་མེད་པ། །དེ་ནི་ངེས་པ་རྨད་ཅིག་གོ། །དེ་ནས་རྒྱགས་སྦྱིན་མ་རྩ་བ་དང་འབྲས་བུ་རྣམས་ཁྱེར་ཏེ་བསྟི་གནས་ལོགས་སུ་ཆས་པ་ལས་ས་ཆེ་ཐང་དུ་གཡོས་པ་དེས་མྱུར་བ་ཁོ་ནར་བསྟི་གནས་དེ་
D1.004.0197a05.01ཉིད་དུ་སོང་བ་དང་། ལྷ་གཞན་ཞིག་གིས་རྒྱགས་སྦྱིན་མ་བྱང་ཆུབ་སེམས་དཔའ་སེམས་ཅན་ཐར་བར་བྱ་བར་བརྩོན་པ་བྱས་པའི་སྦྱིན་པའི་ཕ་རོལ་ཏུ་ཕྱིན་པའི་བར་ཆད་བྱེད་པར་འགྱུར་དུ་འོང་ངོ་སྙམ་ནས་སེང་གེ་མོ་ཞིག་གི་གཟུགས་སུ་བསྒྱུར་ཏེ་ལམ་བཀག་ནས་འདུག་པ་དང་རྒྱགས་སྦྱིན་
D1.004.0197a06.01མས་{རི་དགས་,རི་དྭགས་}ཀྱི་རྒྱལ་པོའི་ཆུང་མ་དེ་ལ་སྨྲས་པ། {རི་དགས་,རི་དྭགས་}རྒྱལ་པོའི་ཆུང་མ་སྒེག་སྒེག་མ། །ཁོ་མོ་ལམ་འདིར་བཀག་ནས་ཅི་སྟེ་འདུག །ཇི་ལྟར་བདག་ནི་མི་འཕྱོ་ངེས་གྱུར་ན། །ལམ་ལས་བཟུར་ཏེ་མྱུར་དུ་འགྲོ་བར་གྱིས། །གཞན་ཡང་ཁྱོད་ཀྱང་{རི་དགས་,རི་དྭགས་}རྒྱལ་པོའི་ཆུང་མ་ལ། །
D1.004.0197a07.01