完整藏文原文 · 德格版页 当前仅加载第 4 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་དུ་དགོངས་ཏེ། ཨེ་མའོ་སྒྱུ་རྩལ་ཤེས་ཀྱི་བུ་རིང་དུ་འཕུར་ཤི་བ་དེ་ནི་ཏེ་པོར་མ་སྟེས་སོ། །ཨེ་མའོ་སྒྱུ་རྩལ་ཤེས་ཀྱི་བུ་རིང་དུ་འཕུར་ཤི་བ་དེ་ནི་ཤིན་ཏུ་ཏེ་པོར་མ་སྟེས་ཏེ་ཆོས་འདུལ་བ་འདི་མ་ཐོས་སོ། །གལ་ཏེ་དེས་ཆོས་འདུལ་བ་འདི་ཐོས་ན་ཤེས་པར་འགྱུར་བ་ཞིག་སྙམ་མོ། །དེ་ནས་
D1.004.0040b01.01བཅོམ་ལྡན་འདས་འདི་སྙམ་དུ་དགོངས་ཏེ། མ་ལ་ངས་ཐོག་མར་སུ་ཞིག་ལ་ཆོས་བཤད་སྙམ་མོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། མ་ལ་ངས་རངས་བྱེད་ཀྱི་བུ་ལྷག་སྤྱོད་དེ་ལ་ཐོག་མར་ཆོས་བཤད་པར་བྱ་སྟེ། དེ་ནི་ངའི་ཐོག་མའི་སློབ་དཔོན་ཁོ་ན་ཡིན་བཞིན་དུ་རྗེད་
D1.004.0040b02.01པའི་དམ་པས་རྗེད་ཅིང་མཆོད་པའི་དམ་པས་མཆོད་ལ་རྟོགས་པ་དམ་པ་དག་ལ་ཡང་ཡིད་རངས་ཤིང་དད་པར་གྱུར་ཏོ་སྙམ་མོ། །བཅོམ་ལྡན་འདས་ལ་ལྷ་རྣམས་ཀྱིས་གསོལ་པ། བཙུན་པ་རངས་བྱེད་ཀྱི་བུ་ལྷག་སྤྱོད་མདང་སུམ་སྲོད་ལ་གུམ་ལགས་སོ། །བཅོམ་ལྡན་འདས་ཀྱིས་ཀྱང་
D1.004.0040b03.01དགོངས་པ་ལ་ཞུགས་ཏེ་ཡེ་ཤེས་གཟིགས་པ་བསྐྱེད་ན་རངས་བྱེད་ཀྱི་བུ་ལྷག་སྤྱོད་སྲོད་ལ་ཤི་བར་གྱུར་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཨེ་མའོ་རངས་བྱེད་ཀྱི་བུ་ལྷག་སྤྱོད་ཤི་བ་དེ་ནི་ཏེ་པོར་མ་སྟེས་སོ། །ཨེ་མའོ་རངས་བྱེད་ཀྱི་བུ་ལྷག་སྤྱོད་ཤི་བ་དེ་ནི་ཤིན་ཏུ་ཏེ་པོར་མ་
D1.004.0040b04.01སྟེས་ཏེ་ཆོས་འདུལ་བ་འདི་མ་ཐོས་སོ། །གལ་ཏེ་དེས་ཆོས་འདུལ་བ་འདི་ཐོས་ན་ཤེས་པར་འགྱུར་བ་ཞིག་སྙམ་མོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། མ་ལ་ངས་ཐོག་མར་སུ་ཞིག་ལ་ཆོས་བཤད་སྙམ་མོ། །དེ་ནས་འདི་སྙམ་དུ་དགོངས་ཏེ། མ་ལ་ངས་ལྔ་སྡེའི་དགེ་སློང་
D1.004.0040b05.01དེ་རྣམས་ལ་ཐོག་མར་ཆོས་བཤད་པར་བྱ་སྟེ། དེ་དག་གིས་ང་སྔོན་སྡུག་བསྔལ་སྤོང་བའི་རྣལ་འབྱོར་གྱིས་རྗེས་སུ་བརྩོན་པར་གནས་པ་ན་བླ་མ་དང་། གུས་པ་དང་། སྡུག་པ་དང་བཅས་པས་གནས་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ལྔ་
D1.004.0040b06.01སྡེའི་དགེ་སློང་རྣམས་ད་ལྟར་གང་ན་འདུག་སྙམ་ནས་བཅོམ་ལྡན་འདས་ཀྱིས་ལྷའི་སྤྱན་རྣམ་པར་དག་པ་མི་རྣམས་ཀྱི་ལས་འདས་པས་ལྔ་སྡེའི་དགེ་སློང་རྣམས་བཱ་རཱ་ཎ་སཱི་ན་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་ན་འཁོད་པ་གཟིགས་སོ། །གཟིགས་ནས་ཀྱང་ཇི་ཙམ་བཞེད་ཀྱི་བར་དུ་བྱང་ཆུབ་
D1.004.0040b07.01