完整藏文原文 · 德格版页 当前仅加载第 4 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
མདུང་མངའ་ཆེན་བརྡེག་མ་གྱུར། །དེ་ནས་རྒྱལ་པོས་བྱང་ཆུབ་སེམས་དཔའི་མཐུ་ཆེན་པོ་དེ་ཤེས་ནས་བློན་པོ་རྣམས་ལ་སྨྲས་པ། ཤེས་ལྡན་དག་{རི་དགས་,རི་དྭགས་}ཀྱི་དཔོན་པོ་བདག་ཉིད་ཆེན་པོ་འདི་ནི་བསྙེན་བཀུར་བྱ་བར་འོས་ཀྱིས་དེང་ལ་གྲོང་ཁྱེར་དང་ལམ་བྱི་དོར་བྱེད་དུ་ཆུག་ཤིག །
D1.004.0179b01.01དེ་རྣམས་ཀྱིས་གྲོང་ཁྱེར་དེའི་རྡོ་བ་དང་། གསེག་མ་དང་། གྱོ་མོ་རྣམས་བསལ་ཅིང་ཙན་དན་གྱི་ཆུས་ཆག་ཆག་བཏབ། ཤིན་ཏུ་དྲི་ཞིམ་པོའི་པོག་ཕོར་དག་བཞག །རྒྱལ་མཚན་བཙུགས། དར་གྱི་ཆུན་འཕྱང་མང་པོ་དབྱངས། མེ་ཏོག་སྣ་ཚོགས་ཀྱིས་དགའ་དགའ་
D1.004.0179b02.01ལྟར་བཀྲམ་སྟེ། ལྷ་རྣམས་ཀྱི་དགའ་ཚལ་གྱི་སྐྱེད་མོས་ཚལ་བཞིན་དུ་ལམ་ཡང་མཛེས་པར་བྱེད་དུ་བཅུག་ནས་བཱ་རཱ་ཎ་སཱི་ན་གནས་པའི་སྐྱེ་བོའི་ཚོགས་ཀྱིས་མེ་ཏོག་གི་ཕྲེང་བ་དག་ཐོགས་ཏེ་བསུར་དོང་ངོ་། །དེ་ནས་རྒྱལ་པོས་{རི་དགས་,རི་དྭགས་}ཀྱི་དཔོན་པོ་གཟུགས་ཤིན་ཏུ་སྡུག་པ་དེ་
D1.004.0179b03.01འབྱོར་པ་ཆེན་པོས་གྲོང་ཁྱེར་བཱ་རཱ་ཎ་སཱིར་ཞུགས་ནས་སེང་གེའི་ཁྲི་ལ་འདུག་ཏུ་བཅུག་གོ། །དེ་ནས་རྒྱལ་པོ་རྒྱལ་པོའི་འབྱོར་པ་དང་། མཐུ་ཆེན་པོས་བཙུན་མོ་དང་། གཞོན་ནུ་དང་། བློན་པོ་དང་། གྲོང་མི་དང་། ཡུལ་མི་དང་བཅས་པས་ཡོངས་སུ་བསྐོར་ཅིང་
D1.004.0179b04.01འདུག་གོ། །དེ་ནས་{རི་དགས་,རི་དྭགས་}ཀྱི་དཔོན་པོ་བྱང་ཆུབ་སེམས་དཔས་འཁོར་ལ་བལྟས་ནས་རྒྱལ་པོ་དང་འཁོར་དེ་ལ་དེ་ལྟ་བུའི་ཆོས་བཤད་དེ། དེ་ཐོས་པས་རྒྱལ་པོ་འཁོར་དང་བཅས་པས་བསླབ་པ་ལྔའི་གཞི་བླངས་སོ། །སེམས་ཅན་དུ་མ་དག་གིས་ནི་དགེ་བའི་རྩ་བ་དག་
D1.004.0179b05.01ཐོབ་བོ། །དེ་ནས་རྒྱལ་པོས་ནགས་དེ་{རི་དགས་,རི་དྭགས་}རྣམས་ལ་བྱིན་ནོ། །སྲོག་ཆགས་འབྱུང་པོ་ཐམས་ཅད་ལ་ཡང་མི་འཇིགས་པ་བྱིན་ནོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་{རི་དགས་,རི་དྭགས་}ཀྱི་དཔོན་པོ་གསེར་གྱི་གློ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་
D1.004.0179b06.01དེའི་དུས་ཀྱི་མི་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །ད་ལྟ་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །གཞན་ཡང་ཇི་ལྟར་ལྷ་སྦྱིན་འདི་བྱས་པ་མི་གཟོ་ཞིང་བྱས་པ་མི་ཚོར་བ་དེ་ཉོན་
D1.004.0179b07.01