完整藏文原文 · 德格版页 当前仅加载第 4 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་དང་། དགེ་སློང་རྣམས་དང་། སྐྱེ་བོའི་ཚོགས་ལ་ལྷ་སྦྱིན་དང་། ཀོ་ཀ་ལི་ཀ་དང་། རྫོགས་བྱེད་ལ་སོགས་པ་སེམས་ཅན་དམྱལ་བར་སྐྱེས་པ་རྣམས་ཀྱི་གནས་སྐབས་རྒྱས་པར་བསྙད་དོ། །དགེ་སློང་རྣམས་ཐེ་ཚོམ་
D1.004.0293a01.01སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷ་སྦྱིན་གྱིས་བཅོམ་ལྡན་འདས་ཀྱིས་བཀའ་བཀའ་མ་ལགས་པར་བགྱིས་པས་མནར་མ་མཆིས་པའི་སེམས་ཅན་དམྱལ་བ་ཆེན་པོར་ལྟུང་བ་ལ་གཟིགས། བཅོམ་ལྡན་
D1.004.0293a02.01འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདིས་ངའི་ཚིག་ཚིག་མ་ཡིན་པར་བྱས་པས་ཚུལ་མ་ཡིན་པས་སྡུག་བསྔལ་བར་གྱུར་པ་དེ་ཉོན་ཅིག །དགེ་སློང་དག་སྔོན་བྱུང་བ་བྱང་ཆུབ་
D1.004.0293a03.01སེམས་དཔའ་མ་ངེས་པའི་ཕུང་པོ་ལ་གནས་པ་ན་བ་ལང་རྣམས་ཀྱི་ནང་དུ་སྐྱེས་ནས་ཁྱུ་མཆོག་ཏུ་གྱུར་ཏེ། དེ་ནུབ་མོ་གྲོང་ཁྱེར་ནས་བྱུང་ནས་རྒྱལ་པོའི་མོན་སྲན་གྲེའུའི་ཞིང་ལ་ཟ་ཞིང་ཉིན་པར་གྲོང་ཁྱེར་ན་གནས་སོ། །ཇི་ཙམ་ན་དེའི་དྲུང་དུ་བོང་བུ་ཞིག་འོངས་ནས་སྨྲས་
D1.004.0293a04.01པ། ཞང་པོ་ཁྱོད་ཀྱི་ཁྲག་དང་། ཤ་དང་། པགས་པ་ནི་རྒྱས་ལ། ཁྱོད་རྒྱུ་བ་ནི་ལན་འགའ་ཡང་བདག་གིས་མ་མཐོང་ངོ་། །དེས་སྨྲས་པ། ཚ་བོ་བདག་ནི་ནུབ་མོ་རྒྱལ་པོའི་མོན་སྲན་གྲེའུའི་ཞིང་ལ་ཟའོ། །དེས་སྨྲས་པ། ཞང་པོ་བདག་ཀྱང་ཁྱོད་དང་ལྷན་
D1.004.0293a05.01ཅིག་མཆིའོ། །དེས་སྨྲས་པ། ཚ་བོ་ཁྱོད་ནི་སྐད་འབྱིན་འདོད་པས་གནོད་པ་བྱས་པར་མི་འགྱུར་གྲང་། དེས་སྨྲས་པ། ཞང་པོ་མི་དབྱུང་གིས་འདོང་ངོ་། །དེ་གཉིས་ཀྱིས་རྒྱལ་པོའི་མོན་སྲན་གྲེའུའི་ཞིང་གི་འགྲེང་རིབ་རྣམས་དྲལ་ཏེ་ཞུགས་
D1.004.0293a06.01ནས་བོང་བུས་ཇི་སྲིད་འགྲངས་པ་དེ་སྲིད་སྐད་མ་ཕྱུང་ངོ་། །དེ་ནས་སྨྲས་པ། ཞང་པོ་རེ་ཞིག་གླུ་ཞིག་བླང་ངམ། ཁྱུ་མཆོག་གིས་སྨྲས་པ། ཁོ་བོ་མ་སོང་གི་བར་དུ་ཡུད་ཙམ་ཞིག་སྡོད་ལ་དེའི་འོག་ཏུ་ཅི་དགའ་བ་གྱིས་ཤིག་ཅེས་སྨྲས་ནས་བྲོས་པ་དང་།
D1.004.0293a07.01