完整藏文原文 · 德格版页 当前仅加载第 4 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ་ཤེས་སོ། །ད་ལྟར་ཡང་འདིས་ངའི་དགོངས་ཏེ་བཤད་པ་ཤེས་སོ། །འཚོ་བྱེད་ཀྱིས་བསམས་པ། བཅོམ་ལྡན་འདས་ནི་རྡོ་རྗེའི་སྐུ་མངའ་ལ་སྐུ་ཆེ་བ་ཡིན་པས་དེ་ལ་མར་ཉུང་ངུས་ནི་གདངས་པར་བྱ་མི་ནུས་སོ་སྙམ་དུ་བརྟགས་ནས་དེས་མར་སྲང་སུམ་བཅུ་
D1.004.0175a01.01རྩ་གཉིས་སྲང་ལ་བཅལ་ཏེ་ལྷུང་བཟེད་བཟེད་ནས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་ལྷུང་བཟེད་ཀྱི་ལྷག་མ་དགེ་སློང་རྣམས་ལ་འབྲིམ་དུ་བཅུག་པ་དང་། འཚོ་བྱེད་དགེ་སློང་རྣམས་ཀྱིས་བཅོམ་ལྡན་འདས་ཀྱིས་ལྷུང་བཟེད་ཀྱི་ལྷག་མ་བོར་རོ་ཞེས་བྱས་
D1.004.0175a02.01ནས་ཕྱག་བྱས་སོ། །ལྷ་སྦྱིན་གྱིས་བསམས་པ། བདག་གིས་ཀྱང་མར་བཏུང་ངོ་སྙམ་ནས་དེས་འཚོ་བྱེད་ལ་དྲིས་པ། འཚོ་བྱེད་དགེ་སྦྱོང་གཽ་ཏ་མས་མར་ཇི་ཙམ་གྱི་ཚད་ཅིག་གསོལ། དེས་སྨྲས་པ། སྲང་སུམ་བཅུ་སོ་གཉིས་སོ། །དེས་སྨྲས་པ། ཁོ་བོས་ཀྱང་སྲང་སུམ་བཅུ་རྩ་གཉིས་
D1.004.0175a03.01བཏུང་ངོ་། །འཚོ་བྱེད་ཀྱིས་སྨྲས་པ། བཅོམ་ལྡན་འདས་ནི་རྡོ་རྗེའི་སྐུ་མངའ་ལ་སྐུ་ཆེ་བས་འདི་ཙམ་ཡང་འཇུ་བར་སྤྱོད་ཀྱི། ཁྱོད་ཀྱིས་ནི་འཇུ་བར་མི་ནུས་སོ། །དེས་སྨྲས་པ། ཁོ་བོ་ཡང་རྡོ་རྗེའི་ལུས་ཅན་ཡིན་ན་ཅིའི་ཕྱིར་མི་འཇུ། དེས་མར་སྲང་སུམ་བཅུ་རྩ་གཉིས་ལྷུང་བཟེད་ནས་
D1.004.0175a04.01འཐུངས་སོ། །བཅོམ་ལྡན་འདས་ཀྱིས་ནི་ལེགས་པར་ཞུའོ། །ལྷ་སྦྱིན་གྱིས་ནི་མ་ཞུའོ། །ཕྱི་དེ་ཉིན་པར་འཚོ་བྱེད་ཀྱིས་བཅོམ་ལྡན་འདས་ལ་འཇམས་གསོལ་ཏོ། །ལྷ་སྦྱིན་གྱིས་ང་རྒྱལ་བསྐྱེད་ནས་བཅོམ་ལྡན་འདས་ཀྱིས་ཀྱང་གསོལ་ཏོ་ཞེས་མར་མ་ཞུ་བཞིན་དུ་ཐུག་པ་འཐུངས་པས།
D1.004.0175a05.01སྦོས་གཟེར་ནས་གནད་དུ་གནོད་པའི་ཚོར་བ་ཉམས་སུ་མྱོང་བས་དེ་རྒྱུ་དེས་ན་སྡུག་བསྔལ་ཉམ་ང་བ་རྩུབ་པ། དོག་པ། ཡིད་དུ་མི་འོང་བའི་ཚོར་བ་ཉམས་སུ་མྱོང་ཞིང་ཉིན་དང་མཚན་དུ་གཉིད་མི་འོང་ངོ་། །ཚེ་དང་ལྡན་པ་ཀུན་དགའ་བོ་ནི་གཉེན་ལ་གདུང་བ་ཡིན་པས་དེས་གླེང་གཞི་
D1.004.0175a06.01དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱི་ཕྱག་གླང་པོ་ཆེའི་སྣ་ལྟ་བུ་འཁོར་ལོ་དང་། བཀྲ་ཤིས་དང་། གཡུང་དྲུང་འཁྱིལ་བ་ཅན་བསོད་ནམས་བརྒྱ་ཕྲག་དུ་མས་བསྒྲུབས་པ། འཇིགས་པ་རྣམས་ཀྱི་དབུགས་འབྱིན་པར་མཛད་པའི་ཕྱག་མངོན་དུ་བརྐྱང་སྟེ་བྱ་རྒོད་ཀྱི་ཕུང་
D1.004.0175a07.01