完整藏文原文 · 德格版页 当前仅加载第 4 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
མཐོ་རིས་ཐར་པ་ལ། །བསྒྲིམ་མི་འཚལ་བར་བཞག་ལགས་ཏེ། །ཁྱོད་ཀྱིས་དཀའ་བ་མཛད་པ་ལེགས། །མགོན་པོ་བྱམས་པ་ཁྱོད་ཀྱིས་ནི། །བདག་ནི་ཚོང་པ་རྙེད་ལྡན་ལྟར། །མཐོ་རིས་རྙེད་པས་སྲིད་པ་ཡི། །ལོངས་སྤྱོད་དག་ནི་རྙེད་པར་མཛད། །དེ་ནས་
D1.004.0101a01.01རྒྱལ་པོ་ཟས་གཙང་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་
D1.004.0101a02.01གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། བཅོམ་ལྡན་འདས་ཀྱིས་རྒྱལ་པོ་ཟས་གཙང་ལ་ཅང་མི་གསུང་བས་གནང་ངོ་། །དེ་ནས་རྒྱལ་པོ་ཟས་གཙང་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་
D1.004.0101a03.01བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་ཆས་ཏེ། ཟས་དཀར་གང་ན་བ་དེར་སོང་སྟེ་ཕྱིན་ནས་ཟས་དཀར་ལ་འདི་སྐད་ཅེས་སྨྲས་སོ། །གཞོན་ནུ་ཁྱོད་རྒྱལ་སྲིད་ཐོབ་ཀྱིས་རྒྱལ་སྲིད་ཁྱེར་ཅིག །ཅིའི་སླད་དུ་ངས་བཅོམ་ལྡན་འདས་ཀྱི་སྤྱན་སྔར་བདེན་པ་མཐོང་བས་སོ། །
D1.004.0101a04.01གང་གི་གདུགས་ལ་ལགས། དེ་རིང་ཁོ་ནའོ། །བདག་གིས་ཀྱང་བཅོམ་ལྡན་འདས་ཀྱིས་གང་གི་ཉི་མ་ལ་ནྱ་གྲོ་ངྷའི་ཀུན་དགའ་ར་བར་ཆོས་བཤད་པ་དེའི་ཉི་མ་ལ་ཤཱཀྱ་བདུན་ཁྲི་བདུན་སྟོང་དང་ལྷན་ཅིག་བདེན་པ་མཐོང་ལགས་སོ། །དེ་བཞིན་དུ་བྲེ་བོ་ཟས་ལ་རྒྱལ་སྲིད་ཁྱེར་ཅིག་ཅེས་སྨྲས་
D1.004.0101a05.01པ་དང་། དེས་སྨྲས་པ། བདག་གིས་ཀྱང་བཅོམ་ལྡན་འདས་ཀྱིས་གང་གི་ཚེ་ཚངས་པས་བསྐོར་བའི་སྐྱེད་མོས་ཚལ་དུ་ཆོས་བཤད་པ་དེའི་ཚེ་ཤཱཀྱ་བདུན་ཁྲི་དྲུག་སྟོང་དང་ལྷན་ཅིག་བདེན་པ་མཐོང་ལགས་སོ། །དེ་བཞིན་དུ་བདུད་རྩི་ཟས་ལ་རྒྱལ་སྲིད་ཁྱེར་ཅིག་ཅེས་སྨྲས་པ་དང་། དེས་
D1.004.0101a06.01སྨྲས་པ། བདག་གིས་ཀྱང་གང་གི་ཚེ་བཅོམ་ལྡན་འདས་ཀྱིས་རོ་ཧི་ཏ་ཀའི་སྐྱེད་མོས་ཚལ་དུ་ཆོས་བཤད་པ་དེའི་ཚེ་ཤཱཀྱ་བདུན་ཁྲི་ལྔ་སྟོང་དང་ལྷན་ཅིག་བདེན་པ་མཐོང་ལགས་སོ། །གལ་ཏེ་དེ་ལྟར་གྱུར་ན་ད་སུ་ཞིག་རྒྱལ་སྲིད་ལ་གཞག །དེ་རྣམས་ཀྱིས་སྨྲས་པ། ཤཱཀྱའི་རྒྱལ་པོ་
D1.004.0101a07.01