完整藏文原文 · 德格版页 当前仅加载第 4 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་མི་འབྱུང་ངོ་ཞེས་ཇི་ལྟར་མིང་ཆེན་གནས་སྐབས་ཐམས་ཅད་དུ་རབ་ཏུ་བྱུང་བར་ཁས་ལེན་དུ་མ་བཏུབ་བོ། །དེ་ནས་དེས་མ་འགགས་པ་ལ་སྨྲས་པ། བུ་རྒྱལ་པོས་དྲིལ་སྒྲོགས་སུ་བཅུག་པ་ཤཱཀྱ་རྣམས་ལས་ཁྱིམ་རེ་ནས་རེ་རེ་རབ་ཏུ་བྱུང་ཤིག་ཅེས་བསྒོ་ན་ཁྱོད་ཅི་རབ་
D1.004.0103a01.01ཏུ་འབྱུང་ངམ། འོན་ཏེ་ཁྱིམ་པར་འདུག །དེས་སྨྲས་པ། ཡུམ་རབ་ཏུ་བྱུང་བ་ལ་ཕན་ཡོན་ཅི་མཆིས། ཉེས་དམིགས་ཅི་མཆིས། ཁྱིམ་པར་མཆིས་པ་ལ་ཕན་ཡོན་ཅི་མཆིས། ཉེས་དམིགས་ཅི་མཆིས། བུ་རབ་ཏུ་བྱུང་བས་ལེགས་པར་བསྒྲུབས་ན། མྱ་ངན་ལས་འདས་
D1.004.0103a02.01པ་ཐོབ་པར་འགྱུར་རོ། །ལེགས་པར་མ་བསྒྲུབས་ན་ལྷ་དང་མི་ཐོབ་པར་འགྱུར་རོ། །ཁྱིམ་པར་འདུག་སྟེ་ལེགས་པར་བསྐྱངས་ན་ལྷ་དང་མི་ཐོབ་བོ། །མ་བསྐྱངས་ན་སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}འཐོབ་བོ། །ཡུམ་རབ་ཏུ་བྱུང་བའི་ཉེས་དམིགས་
D1.004.0103a03.01གང་ལགས་པ་དེ་ནི་ཁྱིམ་ན་གནས་པའི་ཕན་ཡོན་ལགས་པས་དེ་བས་ན་ཁྱིམ་ན་གནས་པ་མི་འཚལ་གྱིས་གནང་བར་མཛོད་ཅིག་དང་རབ་ཏུ་འབྱུང་ངོ་། །དེས་སྨྲས་པ། བུ་ལེགས་ཀྱིས་དེ་བཞིན་དུ་གྱིས་ཤིག །མ་འགགས་པའི་ནེའུ་ཟླ་ཤཱཀྱའི་རྒྱལ་པོ་བཟང་ལྡན་ཡིན་པས་དེ་དེའི་དྲུང་
D1.004.0103a04.01དུ་སོང་ངོ་། །དེའི་ཚེ་ཤཱཀྱའི་རྒྱལ་པོ་བཟང་ལྡན་པི་བང་ལེན་ཏེ། དེ་པི་བང་ལེན་པ་ན་རྒྱུད་ཆད་ནས་སྒྲ་གཞན་དུ་གྱུར་ཏོ། །མ་འགགས་པ་པི་བང་ལེན་པ་ལ་བྱང་བ་ཡིན་པས་དེས་སྒྲ་ཅི་འདྲ་བར་གྱུར་པའི་རྟགས་བཟུང་ནས་དེ་སྒོར་བསྡད་དེ་སྒོ་སྲུང་གི་མི་ལ་སྨྲས་པ། ཀྱེ་ནང་རྗེ་སོང་
D1.004.0103a05.01ལ་རྒྱལ་པོ་བཟང་ལྡན་ལ་མ་འགགས་པ་ལྷའི་ཞལ་མཐོང་བར་འཚལ་ནས་སྒོ་ན་སྡོད་ཅིང་མཆིས་སོ་ཞེས་གསོལ་ཅིག །སྒོ་སྲུང་སོང་ནས་ཤཱཀྱའི་རྒྱལ་པོ་བཟང་ལྡན་ལ་སྨྲས་པ། ལྷ་མ་འགགས་པ་ལྷའི་ཞལ་མཐོང་བར་འཚལ་ནས་ཆབ་སྒོ་ན་སྡོད་ཅིང་མཆིས་སོ། །དེས་སྨྲས་པ།
D1.004.0103a06.01ཤེས་ལྡན་མ་འགགས་པ་ལ་སུ་འགོག །ཤེས་ལྡན་མ་འགགས་པ་ནང་དུ་ཐོང་ཤིག །དེ་ནང་དུ་ཞུགས་པ་དང་། རྒྱལ་པོས་འཁྱུད་ནས་འདུག་ཏུ་བཅུག་སྟེ་སྨྲས་པ། ཁྱོད་འོངས་ནས་ཇི་སྲིད་ལོན། དེས་སྨྲས་པ། གང་གི་ཚེ་ཁྱོད་པི་བང་ལེན་པ་ན་རྒྱུད་ཆད་ནས་སྒྲ་གཞན་དུ་གྱུར་པ་
D1.004.0103a07.01