完整藏文原文 · 德格版页 当前仅加载第 4 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ཤིང་དྲུང་དུ་བཞུགས་ན་བཱ་རཱ་ཎ་སཱིའི་ཀ་ཤིའི་གྲོང་ཁྱེར་གང་ན་བ་དེར་རྒྱུ་ཞིང་གཤེགས་སོ། །དེའི་ཚེ་ཀུན་ཏུ་རྒྱུ་ཉེར་འགྲོ་ལམ་དེ་ཉིད་དུ་ཞུགས་པར་གྱུར་ཏེ། ཀུན་ཏུ་རྒྱུ་ཉེར་འགྲོས་བཅོམ་ལྡན་འདས་ལམ་ནས་གཤེགས་པ་མཐོང་ངོ་། །མཐོང་ནས་ཀྱང་འདི་སྐད་ཅེས་
D1.004.0041a01.01གསོལ་ཏོ། །དགེ་སྦྱོང་གཽ་ཏ་མ་ཁྱོད་ཀྱི་དབང་པོ་རྣམས་ནི་དངས། བཞིན་གྱི་མདོག་ནི་ཡོངས་སུ་དག །པགས་པའི་མདོག་ནི་གསལ་ན། ཚེ་དང་ལྡན་པ་གཽ་ཏ་མ་ཁྱོད་ཀྱི་སྟོན་པ་ནི་གང་། ཁྱོད་སུ་ལས་བརྟེན་ཏེ་རབ་ཏུ་བྱུང་། ཁྱོད་སུའི་ཆོས་ལ་དགའ། བཅོམ་ལྡན་འདས་ཀྱིས་དེའི་
D1.004.0041a02.01ཚེ་ཚིགས་སུ་བཅད་དེ་བཀའ་སྩལ་པ། ང་དང་འདྲ་བ་ཡོད་མིན་པས། །ང་ལ་སློབ་དཔོན་འགའ་མེད་དོ། །འཇིག་རྟེན་སངས་རྒྱས་ང་གཅིག་པུ། །ཡང་དག་བྱང་ཆུབ་དམ་པ་ཐོབ། །ཐམས་ཅད་ཟིལ་མནན་འཇིག་རྟེན་ཀུན་མཁྱེན་ལ། །འདི་ན་ཆོས་ཀུན་གྱིས་ནི་ང་མ་གོས། །
D1.004.0041a03.01ཐམས་ཅད་སྤངས་ཤིང་སྲེད་བྲལ་རྣམ་གྲོལ་ཏེ། །རང་གིས་མངོན་པར་ཤེས་ན་སུ་ལ་བརྟེན། །དེ་བཞིན་གཤེགས་པ་ལྷ་མིའི་སྟོན་པ་པོ། །ཐམས་ཅད་མཁྱེན་པའི་སྟོབས་ནི་ཀུན་ལྡན་པས། །ཉིད་ཀྱིས་བྱང་ཆུབ་རྟོགས་ནས་རབ་གསུང་བ། །མི་མཉམ་མཚུངས་པ་མེད་ན་སུ་ལ་
D1.004.0041a04.01བརྟེན། །ང་ནི་འཇིག་རྟེན་དགྲ་བཅོམ་སྟེ། །འཇིག་རྟེན་བླ་མེད་ང་ཡིན་པས། །ལྷ་དང་བཅས་པའི་འཇིག་རྟེན་ན། །ང་ནི་རྒྱལ་བ་བདུད་ཟིལ་གནོན། །ཚེ་དང་ལྡན་པ་གཽ་ཏ་མ་རྒྱལ་བ་ཞེས་གསུང་ངམ། །གང་གིས་ཟག་པ་ཟད་ཐོབ་པ། །རྒྱལ་བ་ང་འདྲ་ཤེས་པར་བྱ། །སྡིག་
D1.004.0041a05.01པའི་ཆོས་ནི་ངས་བཅོམ་པས། །དེ་བས་ཉེར་འགྲོ་ང་རྒྱལ་བའོ། །ཚེ་དང་ལྡན་པ་གཽ་ཏ་མ་གང་དུ་བཞུད། །བཱ་རཱ་ཎ་སཱིར་གཤེགས་ནས་ནི། །ངས་ནི་ཆོས་ཀྱི་རྔ་བརྡུང་ཞིང་། །འཇིག་རྟེན་མ་བསྐོར་གང་ཡིན་པའི། །ཆོས་ཀྱི་འཁོར་ལོ་རབ་ཏུ་བསྐོར། །འཇིག་རྟེན་ཆགས་ལས་རྒལ་
D1.004.0041a06.01བ་ཡི། །ཀུན་མཁྱེན་སངས་རྒྱས་ཞི་གྱུར་པ། །འཇིག་རྟེན་བསྒྲལ་བ་མ་བྱས་པར། །སྐྱེས་བུ་དམ་པ་གྲགས་མི་སྲིད། །ཚེ་དང་ལྡན་པ་གཽ་ཏ་མ་རྒྱལ་བ་ལེགས་སོ། །ཞེས་གསོལ་ནས་ཀུན་དུ་རྒྱུ་ཉེར་འགྲོ་ལམ་ནས་སོང་ངོ་། །དེ་ནས་བཅོམ་ལྡན་འདས་ཡུལ་ཀ་ཤིའི་ལྗོངས་རྒྱུ་ཞིང་
D1.004.0041a07.01