完整藏文原文 · 德格版页 当前仅加载第 4 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
འགག །སྐྱེ་མཆེད་དྲུག་འགགས་པས་རེག་པ་འགག །རེག་པ་འགགས་པས་ཚོར་བ་འགག །ཚོར་བ་འགགས་པས་སྲེད་པ་འགག །སྲེད་པ་འགགས་པས་ལེན་པ་འགག །ལེན་པ་འགགས་པས་སྲིད་པ་འགག །སྲིད་པ་འགགས་པས་སྐྱེ་བ་འགག །སྐྱེ་བ་འགགས་པས་རྒ་
D1.004.0254b01.01ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུགས་པ་རྣམས་འགག་པར་འགྱུར་ཏེ། སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར་འགྱུར་རོ། །དགེ་སློང་དག་དེ་ལྟ་བས་ན་བདག་གི་དོན་དང་། གཞན་གྱི་དོན་དང་།
D1.004.0254b02.01གཉི་གའི་དོན་ལ་རྗེས་སུ་ལྟ་བ་རྣམས་ཀྱིས་ནི་འདི་ལ་རབ་ཏུ་བསླབ་པར་བྱ་སྟེ། ཅི་ནས་ཀྱང་རབ་ཏུ་བྱུང་བ་དོན་ཡོད་པ་དང་། འབྲས་བུ་དང་བཅས་པ་དང་། བདེ་བ་སྐྱེད་པ་དང་། རྣམ་པར་སྨིན་པ་བདེ་བ་དང་། གང་དག་གིས་ཆོས་གོས་དང་། བསོད་སྙོམས་དང་། གནས་མལ་དང་།
D1.004.0254b03.01ནད་ཀྱི་རྐྱེན་སྨན་གྱི་ཡོ་བྱད་རྣམས་ཡོངས་སུ་ལོངས་སྤྱོད་པ་དེ་དག་ལ་ཅི་ནས་ཀྱང་དེ་དག་གིས་ཕན་བཏགས་པའི་འབྲས་བུ་ཤིན་ཏུ་ཆེ་བ་དང་། ཕན་ཡོན་ཆེ་བ་དང་། གཟི་བརྗིད་ཆེ་བ་དང་། ཡངས་ཤིང་རྒྱ་ཆེ་བར་འགྱུར་བ་དེ་ལྟར་དགེ་སློང་དག་ཁྱེད་ཀྱིས་བསླབ་པར་བྱའོ། །གང་གི་ཚེ་བཅོམ་ལྡན་
D1.004.0254b04.01འདས་ཀྱིས་དགེ་སློང་དེ་རྣམས་འོངས་པ་ལེགས་སོ་ཞེས་བྱ་བ་དང་རབ་ཏུ་བྱུང་བ་ལེགས་སོ་ཞེས་བྱ་བ་གསུངས་པ་དེའི་ཚེ་དེ་རྣམས་ཀྱི་ཞུམ་པ་དང་། མི་དགའ་བ་དང་། འགྱོད་པ་དང་། རྣམ་པར་འགྱོད་པ་དང་། ཡིད་ལ་གཅགས་པ་གང་ཡིན་པ་དེ་དག་ཐམས་ཅད་ཀྱི་ཐམས་ཅད་དུ་བྲལ་བར་གྱུར་ཏོ། །དེ་
D1.004.0254b05.01ནས་དགེ་སློང་གཞན་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ཕྲིན་ལས་ཅི་ཞིག་མཛད་ན། ཕྲིན་ལས་དེའི་རྣམ་པར་སྨིན་པས་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་བྱེ་བར་གྱུར་ལགས། བཅོམ་ལྡན་
D1.004.0254b06.01འདས་ཀྱིས་བཀའ་སྩལ་པ། དགེ་སློང་དག་དེ་བཞིན་གཤེགས་པ་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ཕྲིན་ལས་བྱས་ཤིང་བསགས་པ་དང་ཚོགས་རྙེད་པ་དག་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་
D1.004.0254b07.01