完整藏文原文 · 德格版页 当前仅加载第 4 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
གཏུགས་པར་མི་འགྱུར་ཏེ་དེའི་སེམས་ཕྱིན་ཅི་མ་ལོག་པ། ཤིན་ཏུ་རྣམ་པར་གྲོལ་བ། ཤིན་ཏུ་བསྒོམས་པ་དེ་ནང་དུ་གནས་པར་འགྱུར་ཞིང་དེ་ལ་ཟད་པར་ཡང་རྗེས་སུ་བལྟའོ། །བཙུན་པ་དཔེར་ན་གྲོང་ཁྱེར་རམ། གྲོང་རྡལ་དང་ཧ་ཅང་ཡང་ཐག་མི་རིང་བ་
D1.004.0209a01.01ཞིག་ན་རི་བྲག་ཆེན་པོ་སེར་ག་མ་མཆིས་པ། ཤིན་ཏུ་མཁྲེགས་པ་གཅིག་ཏུ་འཐས་པ་ཞིག་མཆིས་ན། དེ་ལ་གལ་ཏེ་ཤར་ཕྱོགས་ནས་རླུང་གི་ཤུགས་དྲག་པོ་ལངས་ཀྱང་དེ་གཡོས་པར་མི་འགྱུར། དེ་འགུལ་བར་མི་འགྱུར་ཞིང་དེ་ནུབ་ཕྱོགས་སུ་བཀུར་བར་མི་ནུས་ལགས་སོ། །
D1.004.0209a02.01གལ་ཏེ་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་ནས་རླུང་གི་ཤུགས་དྲག་པོ་ལངས་ཀྱང་དེ་གཡོས་པར་མི་འགྱུར། དེ་འགུལ་བར་མི་འགྱུར་ཞིང་དེ་ལྷོ་ཕྱོགས་སུ་བཀུར་བར་མི་ནུས་ལགས་ཏེ། གང་ནས་རླུང་གི་ཤུགས་དྲག་པོ་ལངས་ཀྱང་དེས་དེ་གཡོས་པར་མི་འགྱུར།
D1.004.0209a03.01དེ་འགུལ་བར་མི་འགྱུར་ཞིང་དེ་གང་དུ་ཡང་བཀུར་བར་མི་ནུས་ལགས་སོ། །དེ་བཞིན་དུ་གལ་ཏེ་དེའི་མིག་གིས་རྣམ་པར་ཤེས་པར་བྱ་བའི་གཟུགས་རྣམས་མིག་ལ་ཤིན་ཏུ་སྣང་བར་གྱུར་ཀྱང་དེའི་རྣམ་པར་གྲོལ་བའི་སེམས་དང་། རྣམ་པར་གྲོལ་བའི་ཤེས་རབ་དེ་གཏུགས་པར་མི་
D1.004.0209a04.01འགྱུར་ཏེ་དེའི་སེམས་ཕྱིན་ཅི་མ་ལོག་པ། ཤིན་ཏུ་རྣམ་པར་གྲོལ་བ། ཤིན་ཏུ་བསྒོམས་པ་དེ་ནང་དུ་གནས་པར་འགྱུར་ཞིང་དེ་ལ་ཟད་པར་ཡང་རྗེས་སུ་ལྟའོ། །གལ་ཏེ་དེའི་རྣ་བས་རྣམ་པར་ཤེས་པར་བྱ་བའི་སྒྲ་རྣམས་དང་། སྣས་རྣམ་པར་ཤེས་པར་བྱ་བའི་དྲི་རྣམས་དང་།
D1.004.0209a05.01ལྕེས་རྣམ་པར་ཤེས་པར་བྱ་བའི་རོ་རྣམས་དང་། ལུས་ཀྱིས་རྣམ་པར་ཤེས་པར་བྱ་བའི་རེག་བྱ་རྣམས་དང་། ཡིད་ཀྱིས་རྣམ་པར་ཤེས་པར་བྱ་བའི་ཆོས་རྣམས་ཡིད་ལ་ཤིན་ཏུ་སྣང་བར་གྱུར་ཀྱང་དེའི་རྣམ་པར་གྲོལ་བའི་སེམས་དང་། རྣམ་པར་གྲོལ་བའི་ཤེས་རབ་དེ་གཏུགས་
D1.004.0209a06.01པར་མི་འགྱུར་ཏེ། དེའི་སེམས་ཕྱིན་ཅི་མ་ལོག་པ། ཤིན་ཏུ་རྣམ་པར་གྲོལ་བ། ཤིན་ཏུ་བསྒོམས་པ་དེ་ནང་དུ་གནས་པར་འགྱུར་ཞིང་དེ་ལ་ཟད་པར་ཡང་རྗེས་སུ་ལྟའོ། །ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པས། དེ་སྐད་ཅེས་གསོལ་ནས་གནས་བརྟན་དགྲ་བཅོམ་
D1.004.0209a07.01