完整藏文原文 · 德格版页 当前仅加载第 4 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི། ཁྱོད་ལ་བསྙེན་བཀུར་བགྱིད་པ་ནི་སླད་རོལ་དུ་མཆིས་ལགས་ཀྱིས་གལ་ཏེ་བཞེད་ན་ཉིད་ཀྱིས་བཞེས་ཏེ་ཡོངས་སུ་ལོངས་སྤྱད་དུ་གསོལ་ཞེས་གསོལ་པ་དང་། དེས་ཕྲུ་བའི་ནང་ན་ཟན་དྲོན་ཡོད་པ་དང་། རྫེའུ་ན་སྲན་ཚོད་ཡོད་པ་དེ་དག་གསོལ་བ་ལྟ་ཞིག །དེ་ནས་རྫ་མཁན་དགའ་སྐྱོང་འདི་སྙམ་དུ་
D1.004.0129b01.01སེམས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གིས་ལེགས་པར་བག་ཕབ་ཅིང་འདྲིས་པར་གྱུར་པ་ནི་བདག་གིས་རྙེད་པ་ལེགས་པར་རྙེད་དོ་སྙམ་དུ་རིག་ནས་དགའ་བ་དང་བདེ་བ་དེ་ཉིད་ཀྱིས་སྐྱིལ་མོ་ཀྲུང་གཅིག་གིས་ཞག་བདུན་འདས་པར་བྱས་སོ། །ཟླ་བ་ཕྱེད་ཀྱི་བར་དུ་ཡང་དེའི་ལྷན་ཅིག་
D1.004.0129b02.01ལྡན་པའི་དྲན་པ་ལུས་མི་འདོར་ཞིང་དེ་རྟག་ཏུ་ལུས་ལ་བར་ཆད་མེད་པར་གནས་སོ། །ཞག་བདུན་གྱི་བར་དུ་ཕ་མའི་ཕྲུ་བ་ན་ཟན་དྲོན་པོ་ཡོད་པ་དང་། རྫེའུ་ན་སྲན་ཚོད་ཡོད་པ་ཇི་ལྟ་བ་དེ་བཞིན་དུ་ཕྲུ་བ་ན་ཡང་ཟན་དྲོན་ཡོད་ལ། རྫེའུ་ན་ཡང་སྲན་ཚོད་ཡོད་དོ། །རྒྱལ་པོ་ཆེན་པོ་ང་དུས་གཅིག་
D1.004.0129b03.01ཅིག་ན་བཻ་བྷི་ཊིང་གའི་གྲོང་ཁྱེར་གྱི་གྲོང་རྡལ་དུ་ཉེ་བར་བརྟེན་ཏེ་དབྱར་བཞུགས་པར་ཞལ་གྱིས་བཞེས་པ་ལས་ང་ལ་དེར་ཐོག་མར་ལྷས་ཆར་ཕབ་པས་གཙུག་ལག་ཁང་ཟགས་པར་གྱུར་ཏོ། །དེའི་ཚེ་རྫ་མཁན་དགའ་སྐྱོང་གི་ལས་བྱེད་པའི་ཁང་པ་རྩྭ་སར་པས་གཡོགས་སོ། །ངས་དགེ་སློང་
D1.004.0129b04.01ཞབས་འབྲིང་བྱེད་པ་རྣམས་ལ་བཀའ་སྩལ་པ། དགེ་སློང་དག་ཁྱེད་ཅག་དེང་ལ་རྫ་མཁན་དགའ་སྐྱོང་གི་ལས་བྱེད་པའི་ཁང་པ་གཡོགས་པའི་རྩྭ་སར་པ་ཤུས་ལ་ངའི་གཙུག་ལག་ཁང་གཡོགས་ཤིག །དེ་རྣམས་ཀྱིས་བཀའ་བཞིན་འཚལ་ཞེས་ང་ལས་མཉན་ནས་རྫ་མཁན་དགའ་སྐྱོང་གི་
D1.004.0129b05.01ལས་བྱེད་པའི་ཁང་པ་རྩྭ་སར་པས་གཡོགས་པ་འཆུ་བར་བྱེད་དོ། །དེའི་ཚེ་རྫ་མཁན་དགའ་སྐྱོང་དགོས་པ་འགའ་ཞིག་གི་ཕྱིར་ཕྱི་རོལ་དུ་སོང་བར་གྱུར་ཏོ། །རྫ་མཁན་དགའ་སྐྱོང་གི་ཕ་མ་ལོང་བས་ལས་ཀྱི་ཁང་པ་ཐོག་འཆུ་བའི་སྒྲ་ཐོས་སོ། །ཐོས་ནས་ཀྱང་འདི་སྐད་ཅེས་སྨྲས་སོ། །རྫ་
D1.004.0129b06.01མཁན་དགའ་སྐྱོང་གི་ལས་ཀྱི་ཁང་པ་རྩྭ་སར་པས་གཡོགས་པ་འཆུ་བའི་འཕགས་པ་དེ་སུ་ཞིག །བཞིན་{བཟངས་,བཟང་}དེ་སུ་ཞིག །དེ་རྣམས་ཀྱིས་འདི་སྐད་ཅེས་སྨྲས་སོ། །ཁོ་བོ་ཅག་ནི་ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་འབྲིང་བ་དགེ་སློང་རྣམས་ཡིན་ཏེ། ཡང་དག་པར་
D1.004.0129b07.01