完整藏文原文 · 德格版页 当前仅加载第 4 函德格 288b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་གྱི། ངས་གང་ནས་ལྷ་སྦྱིན་ལ་དཀར་པོའི་ཆོས་ཆུང་ངུ་ན་སྐྲའི་རྩེ་མོའི་ཆ་ཤས་ཙམ་ཡང་མ་གཟིགས་པ་དེ་ནས། ངས་འདི་ལྟར་ལྷ་སྦྱིན་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་བའོ་ཞེས་ལྷ་སྦྱིན་ལུང་བསྟན་ཏོ། །དགེ་སློང་
D1.004.0288b01.01དག་ལྷ་སྦྱིན་སྡིག་པ་མི་དགེ་བའི་ཆོས་གསུམ་དང་ལྡན་པས་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་ངོ་། །དགེ་སློང་དག་གསུམ་གང་ཞེ་ན། ཐོག་མ་ཉིད་ནས་ལྷ་སྦྱིན་སྡིག་པ་འདོད་པར་གྱུར་ཅིང་སྡིག་པ་འདོད་པའི་དབང་དུ་གྱུར་པ་སྟེ།
D1.004.0288b02.01གང་ལྷ་སྦྱིན་ཐོག་མ་ཉིད་ནས་སྡིག་པ་འདོད་པར་གྱུར་ཅིང་སྡིག་པ་འདོད་པའི་དབང་དུ་གྱུར་པ་དམ་པ་མ་ཡིན་པའི་ཆོས་དང་པོ་འདི་དང་ལྡན་པས། ལྷ་སྦྱིན་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་ངོ་། །དགེ་སློང་དག་གཞན་ཡང་ལྷ་
D1.004.0288b03.01སྦྱིན་སྡིག་པའི་བཤེས་གཉེན་ཅན། སྡིག་པའི་གྲོགས་ཅན། སྡིག་པ་དང་སྡོང་བ་སྟེ། གང་ལྷ་སྦྱིན་ཐོག་མ་ཉིད་ནས་སྡིག་པའི་བཤེས་གཉེན་ཅན། སྡིག་པའི་གྲོགས་ཅན། སྡིག་པ་དང་སྡོང་བ་དམ་པ་མ་ཡིན་པའི་ཆོས་གཉིས་པ་འདི་དང་ལྡན་པས་ལྷ་
D1.004.0288b04.01སྦྱིན་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་ངོ་། །གཞན་ཡང་ལྷ་སྦྱིན་ཁྱད་པར་ངན་ངོན་ཅུང་ཟད་ཙམ་ཞིག་རྟོགས་ནས་གོང་དུ་བྱ་བ་ཡོད་བཞིན་དུ་སྒྱིད་ལུག་པར་གྱུར་ཏེ། གང་ལྷ་སྦྱིན་གྱིས་ཁྱད་པར་ངན་ངོན་ཅུང་ཟད་རྟོགས་ནས་གོང་དུ་བྱ་བ་ཡོད་
D1.004.0288b05.01བཞིན་དུ་བར་དུ་སྒྱིད་ལུག་པ་དམ་པ་མ་ཡིན་པའི་ཆོས་གསུམ་པ་འདི་དང་ལྡན་པས་ལྷ་སྦྱིན་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་ངོ་ཞེས་སྨྲའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བདེ་བར་གཤེགས་པས་དེ་
D1.004.0288b06.01སྐད་ཅེས་གསུངས་ཏེ། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །འཇིག་རྟེན་འདི་ན་འགའ་ཡང་ནི། །ནམ་དུའང་སྡིག་འདོད་སྐྱེ་མ་གྱུར། །དེས་ན་སྡིག་པ་འདོད་རྣམས་ཀྱི། །འགྲོ་བ་གང་ཡིན་ཤེས་པར་གྱིས། །ལྷ་སྦྱིན་མཁས་པར་ཀུན་
D1.004.0288b07.01