完整藏文原文 · 德格版页 当前仅加载第 4 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
གཙོ་བོ་ཅིག་ཤོས་ཁྲོས་ནས་རང་གི་ཚོགས་རྣམས་ལ་སྨྲས་པ། ཤེས་ལྡན་དག་ཟླ་བའི་རྒྱབ་སུས་མཐོང་། འདི་དག་ཁལ་ཁྱེར་ལ་རག །ཡུ་པུས་ནི་མི་བསྐུར་རོ། །ཇི་ཙམ་ན་ཚོང་པ་རྣམས་ཀྱིས་གླང་རྣམས་གཏད་པར་བརྩམས་པ་ན་གླང་དེ་རྣམས་ཕྱི་
D1.004.0249a01.01ལང་བྱེད་ཅིང་འདུག་པ་དང་། ཚོང་པ་རྣམས་ཀྱིས་མང་དུ་བརྡེགས་ཤིང་ལྕག་གཟེར་བུ་ཅན་གྱིས་གཞུས་པས་ཁྲག་འཛག་ཅིང་ཤིང་རྟ་དང་སྦྱར་ཏོ། །གཞན་ནི་ཅང་མི་བྱེད་པར་ཁལ་མནོས་པས་དེ་དག་ལ་ཅུང་ཟད་ཀྱང་མ་བྱས་སོ། །ལྷས་ཚིགས་སུ་བཅད་དེ་སྨྲས་པ། གླང་གིས་
D1.004.0249a02.01བ་ལང་འདི་དག་ནི། །ལོག་པ་དག་ཏུ་བཏམས་པས་ན། །རྨ་དག་འབྱུང་ཞིང་ཁྲག་འཛག་ལ། །ལྟོགས་ཤིང་སྐོམ་པར་ལྡན་ལ་ལྟོས། །གླང་གིས་བ་ལང་འདི་དག་ནི། །ལེགས་པ་དག་ཏུ་བཏམས་པས་ན། །དེ་རྣམས་དགོན་པ་ལས་རྒལ་ནས། །བསིལ་བའི་
D1.004.0249a03.01ཆུ་ལ་འཐུང་ལ་ལྟོས། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་གླང་གཙོ་བོ་ལེགས་པར་སྟོན་པ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་གླང་གཙོ་བོ་བསླུ་བར་བྱེད་པ་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེ་ན་ཡང་ངའི་ཚིག་ཉན་པ་གང་ཡིན་པ་དེ་
D1.004.0249a04.01དག་ནི་བདེ་བ་དང་ལེགས་པར་དགོན་པ་ནས་རྒལ་ཏོ། །ལྷ་སྦྱིན་གྱི་ཚིག་ཉན་པ་གང་ཡིན་པ་དེ་དག་ནི་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་བདེ་བ་དང་ལེགས་པར་འཁོར་བའི་འབྲོག་དགོན་པ་ནས་རྒལ་ཏོ། །
D1.004.0249a05.01ལྷ་སྦྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་ཚུལ་མ་ཡིན་པས་སྡུག་བསྔལ་བར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷ་སྦྱིན་བླུན་ཞིང་འཁོར་བླུན་པ་ལ་གཟིགས།
D1.004.0249a06.01བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་ལྷ་སྦྱིན་བླུན་ཞིང་འཁོར་བླུན་པ་དེ་ཉོན་ཅིག །དགེ་སློང་དག་སྔོན་བྱུང་བ་དགོན་པའི་གནས་ཞིག་ན་སྤྲེའུའི་ཚོགས་ཤིག་གནས་ཏེ། དེ་འཁྱམས་པ་ན་
D1.004.0249a07.01