完整藏文原文 · 德格版页 当前仅加载第 4 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
བ་སངས་རྒྱས་རྣམས་འབྱུང་བ་མེད་པ་ན་འཇིག་རྟེན་དུ་རང་སངས་རྒྱས་དམན་པ་དང་ངན་པ་ལ་སྙིང་བརྩེ་བ་ཅན། བས་མཐའི་གནས་མལ་ལ་དགའ་བ། འཇིག་རྟེན་གྱི་ཡོན་གནས་གཅིག་པུ་དག་འབྱུང་བར་འགྱུར་བ་ཡིན་པས། ཇི་ཙམ་ན་རང་སངས་རྒྱས་ཞིག་
D1.004.0218b01.01ལྗོངས་རྒྱུ་ཞིང་སྤྱོད་པ་ན་བཱ་རཱ་ཎ་སཱིར་ཕྱིན་ནས་བཱ་རཱ་ཎ་སཱིའི་རྫ་མཁན་ཞིག་གི་ལས་ཁང་དུ་ནུབ་མོ་ཉེ་བར་བརྟེན་ཏེ་གནས་སོ། །འགྲོན་པ་ཞིག་ཀྱང་ལས་ཁང་དེ་ཉིད་དུ་གནས་བཏབ་པ་ལས་དེར་འགྲོན་པ་དེས་བཤང་བ་བྱས་ནས་ནུབ་མོ་ཉིད་ལངས་ཏེ་སོང་ངོ་། །དགྲ་བཅོམ་པ་རྣམས་
D1.004.0218b02.01དང་། རང་སངས་རྒྱས་རྣམས་ནི་མ་བསམས་པར་ཡེ་ཤེས་མཐོང་བ་མི་འཇུག་པ་ཡིན་པས་རང་སངས་རྒྱས་ཀྱིས་འདི་ཉིད་དུ་བསོད་སྙོམས་སྤྱད་པར་བྱའོ་སྙམ་ནས་དེ་ཉིད་དུ་འདུག་གོ། །ཇི་ཙམ་ན་རྫ་མཁན་ནམ་ནངས་ནས་ལས་ཀྱི་ཁང་པར་ཞུགས་ན་མི་གཙང་བས་མ་རུངས་པར་
D1.004.0218b03.01བྱས་པ་མཐོང་ངོ་། །མི་ཕལ་པ་རྣམས་ནི་མི་རྟོག་པ་ཡིན་པས་དེས་རང་སངས་རྒྱས་ལ་སེམས་རབ་ཏུ་གདུག་པར་བྱས་ཏེ་དེ་སེམས་རབ་ཏུ་སྡང་བས་སྨྲས་པ། རབ་ཏུ་བྱུང་བ་ཁྱོད་ཀྱི་རྐང་པ་གཉིས་སྤུ་གྲིས་དྲས་སམ་ཅིན་གང་གི་ཕྱིར་ཁྱོད་ཀྱིས་ལས་ཁང་དུ་བཤང་བ་བྱས་ཤིང་ཕྱི་རོལ་
D1.004.0218b04.01དུ་མ་སོང་། དེས་དེ་སྒོ་བཅད་ནས་འདི་ཉིད་དུ་སྐོམ་པ་དང་བཀྲེས་པས་ཤི་ཤིག་ཅེས་བཞག་གོ། །བདག་ཉིད་ཆེན་པོ་དེས་བསམས་པ། ཉོན་མོངས་པ་འདི་ནི་ཉམས་ཀྱིས་གལ་ཏེ་བདག་གིས་སྒོ་ཕྱེ་སྟེ་སོང་བར་གྱུར་ན་ལྷག་པར་ཡང་ཉམས་པར་འགྱུར་རོ་སྙམ་ནས་དེ་ཅང་མི་སྨྲ་བར་
D1.004.0218b05.01འདུག་གོ། །ཇི་ཙམ་ན་རྫ་མཁན་དྲོའི་དུས་ལ་བབ་ནས་དེའི་ཞེ་སྡང་གི་ཀུན་ནས་དཀྲིས་པ་དང་བྲལ་ནས་དེས་སྨྲས་པ། ཀྱེ་རབ་ཏུ་བྱུང་བ་གདུགས་ཚོད་གསོལ་གྱིས་ཚུར་སྤྱོན། རང་སངས་རྒྱས་ཀྱིས་སྨྲས་པ། བཞིན་{བཟངས་,བཟང་}ཁོ་བོ་དུས་སུ་ལོངས་སྤྱོད་པ་ཡིན་པ་ལས་དུས་ལས་ཡོལ་ཟིན་
D1.004.0218b06.01ཏོ། །དེས་སྨྲས་པ། གལ་ཏེ་དེ་ལྟ་ན་འདི་ཉིད་དུ་བཞུགས་ཏེ། སང་བཤོས་གསོལ་ལ་གཤེགས་ཤིག །དེས་དེ་ལ་སྙིང་བརྩེ་བའི་ཕྱིར་ཁས་བླངས་སོ། །དེས་དེ་ཕྱི་དེ་ཉིན་པར་ཁ་ཟས་བསོད་པས་ཚིམ་པར་བྱས་སོ། །བདག་ཉིད་ཆེན་པོ་དེ་དག་ནི་ལུས་ཀྱིས་ཆོས་སྟོན་གྱི་ངག་
D1.004.0218b07.01