完整藏文原文 · 德格版页 当前仅加载第 4 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་དགེ་སྦྱོང་གི་ཚུལ་གྱི་འབྲས་བུ་དྲིས་ན་འཁོར་བ་དག་ཉིད་ལུང་སྟོན་པར་བགྱིད་ནས། བཙུན་པ་དེ་ལ་བདག་འདི་སྙམ་དུ་སེམས་ཏེ། བདག་འདྲ་བའི་སྐྱེས་བུ་མཁས་པས་གཟུགས་མཛེས་པར་བཀུར་བ་ཡུལ་ན་གཉུག་མར་གནས་པའི་དགེ་སྦྱོང་ངམ་བྲམ་ཟེ་ལ་ད་ཇི་
D1.004.0265a01.01ལྟར་མངོན་སུམ་དུ་སྨད་པར་བྱ་སྙམ་ནས་མི་ཕམ་སྐྲའི་ལ་བ་ཅན་གྱིས་སྨྲས་པ་ལ་མངོན་པར་བསྟོད་པ་ཡང་མི་བགྱིད། སྨད་པ་ཡང་མི་བགྱིད་དེ། མངོན་པར་བསྟོད་པ་ཡང་མ་བགྱིས་སྨད་པ་ཡང་མ་བགྱིས་པར་སྟན་ལས་ལངས་ཏེ་མཆིས་ནས་བདག་གཅེར་བུ་པ་གཉེན་གྱི་བུ་གང་ན་བ་དེར་
D1.004.0265a02.01མཆིས་ནས། གཅེར་བུ་པ་གཉེན་གྱི་བུ་ལ་འདི་སྐད་ཅེས་བཙུན་པ་གཉེན་གྱི་བུ་འཇིག་རྟེན་གྱི་ལས་ཀྱི་གནས་དང་། བཟོའི་གནས་ཐ་དད་པ་གང་དག་ཡིན་པ་འདི་ལྟ་སྟེ། ཕྲེང་རྒྱུད་པ་དང་། སྨྱུག་མ་མཁན་དང་། གདན་པ་དང་། རྩྭ་ཐུན་དང་། འདུལ་མཁན་དང་། གླང་པོ་ཆེ་ལ་ཞོན་
D1.004.0265a03.01པ་དང་། རྟ་ལ་ཞོན་པ་དང་། ཤིང་རྟ་མཁན་དང་། རལ་གྲིའི་ཐབས་དང་། གཞུའི་འཛིན་སྟངས་པ་དང་། ཞམ་འབྲིང་བྱེད་པ་དང་། གོ་རེ་ལོང་དང་། བྲོ་ག་ལེན་པ་དང་། རྒྱལ་པོའི་བུ་རབ་གནོན་ཚན་པོ་ཆེ་དཔའ་བ་རྟུལ་ཕོད་པ་རྣམས་དང་། མཉེས་པར་བྱེད་པ་དང་། སྐྲ་མཁན་དང་
D1.004.0265a04.01ཁྲུས་མཁན་དེ་རྣམས་རང་རང་གི་བཟོའི་གནས་དང་། ལས་ཀྱི་གནས་རྣམས་ཀྱིས་བྱ་བ་བྱེད་ཅིང་སྦྱིན་པ་དག་གཏོང་། བསོད་ནམས་དག་བྱེད་ལ། གསོ་བ་ནི་གསོ་ཞིང་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ནས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་
D1.004.0265a05.01བྱེད་ན་དེ་ལྟ་བུ་རྣམས་ལ་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་གདགས་པ་འཐོབ་བམ་ཞེས་དྲིས་པ་ན། དེ་འདི་སྐད་ཅེས་རྒྱལ་པོ་ཆེན་པོ་བདག་ནི་འདི་ལྟར་ལྟ་ཞིང་འདི་སྐད་སྨྲ་སྟེ། སྐྱེས་བུ་གང་ཟག་འདིས་སོ་སོར་མྱོང་བ་གང་ཡིན་པ་ཅི་ཡང་རུང་སྟེ། དེ་ཐམས་ཅད་
D1.004.0265a06.01སྔོན་བྱས་པའི་རྒྱུ་ལས་བྱུང་བ་ཡིན་ནོ། །ལས་རྙིང་པ་རྣམས་ནི་དཀའ་ཐུབ་ཀྱིས་འབྱང་བར་འགྱུར་ལ། ལས་སར་པ་རྣམས་ནི་མི་བྱ་བའི་ཆུ་ལོན་གྱིས་བཟློག་པར་བྱའོ། །དེ་ལྟ་ན་ཕྱིན་ཆད་ཟག་པ་མེད་དོ། །ཟག་པ་མེད་ན་ལས་ཟད་དོ། །ལས་ཟད་ན་སྡུག་བསྔལ་ཟད་དོ། །
D1.004.0265a07.01