完整藏文原文 · 德格版页 当前仅加载第 4 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ན། འདི་དག་ལ་རང་གི་ཁྲག་གིས་ཚིམ་པར་བྱས་ནས་བརྟུལ་ཞུགས་ལྔའི་གཞི་རྣམས་ལ་བཀོད་པ་གང་ཡིན་པ་དེ་ཉོན་ཅིག །དགེ་སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ན་རྒྱལ་པོ་རྡོ་རྗེའི་དཔུང་པ་ཞེས་བྱ་བ་འབྱོར་བ་དང་ཞེས་བྱ་བ་ནས་སྐྱེ་བོ་དང་མི་མང་པོས་གང་
D1.004.0122a01.01བ་ན་རྒྱལ་སྲིད་བྱེད་དུ་འཇུག་སྟེ་ཞེས་བྱ་བའི་བར་དུ་སྟེ། རྒྱལ་པོ་དེ་ཡང་དད་པ་བཟང་བ། དགེ་བའི་རྩ་བ་ཅན། བདག་ལ་ཕན་པ་དང་གཞན་ལ་ཕན་པར་ཞུགས་པ། སྙིང་རྗེའི་བདག་ཉིད་ཆེན་པོ། ཆོས་འདོད་པ་སྐྱེ་དགུ་ལ་བྱམས་པ། ཐམས་ཅད་སྦྱིན་པ། ཐམས་ཅད་
D1.004.0122a02.01ཡོངས་སུ་གཏོང་བ། ཆགས་པ་མེད་པར་ཡོངས་སུ་གཏོང་བ། གཏོང་བ་ཆེན་པོ་ལ་གནས་པ་སྟེ། དེ་ལྷག་པར་བྱམས་པ་ལ་ཤིན་ཏུ་གོམས་པས་དེ་ཉིན་གཅིག་ལ་ལན་གསུམ་བྱམས་པ་ལ་སྙོམས་པར་འཇུག་པར་བྱེད་དེ། དེ་བྱམས་པ་ལ་སྙོམས་པར་ཞུགས་པ་ན།
D1.004.0122a03.01སློང་བའི་སྐྱེ་བོས་ཕོངས་པར་གྱུར་ནས་དེས་བློན་པོ་རྣམས་ལ་བསྒོ་བ། ཤེས་ལྡན་དག་གྲོང་ཁྱེར་བཱ་རཱ་ཎ་སཱིའི་གྲོང་ཁྱེར་གྱི་སྒོ་བཞི་རྣམས་སུ་སྦྱིན་གཏོང་གི་ཁང་པ་རྩིག་ཏུ་བཅུག་ལ་དགེ་སྦྱོང་དང་། བྲམ་ཟེ་དང་། བཀྲེན་པ་དང་། ཕོངས་པ་དང་། ལམ་དུ་འཇུག་པའི་སློང་
D1.004.0122a04.01མོ་པ་གང་དག་ཅི་དོན་དུ་གཉེར་བ་དེ་དག་བྱིན་ཅིག །ལྷ་བཀའ་བཞིན་འཚལ་ཟས་དང་། སྐོམ་དང་། གོས་དང་། གནས་མལ་དང་། དབྱིག་དང་། གསེར་དང་། ནོར་བུ་དང་། མུ་ཏིག་དང་། བཻཌཱུརྱ་དང་། མན་ཤེལ་དང་། བྱི་རུ་དང་། ས་ལེ་སྦྲམ་དང་།
D1.004.0122a05.01དངུལ་དང་། རྡོའི་སྙིང་པོ་དང་། སྤུག་དང་། པད་མ་རཱ་ག་དང་། གཡས་སུ་འཁྱིལ་བ་ལ་སོགས་ཏེ་ནོར་མང་པོས་སློང་མོ་པའི་སྐྱེ་བོ་ཚིམ་པར་བྱ་བའི་ཕྱིར་ཕུང་པོར་སྤུངས་སོ། །ཇི་ཙམ་དུས་གཞན་ཞིག་ན་རྒྱལ་པོ་རྣམ་ཐོས་ཀྱི་བུས་རྒྱལ་པོའི་ཕོ་བྲང་ལྕང་ལོ་ཅན་ནས་
D1.004.0122a06.01མདངས་འཕྲོག་པའི་གནོད་སྦྱིན་ལྔ་སྤྱུགས་ཏེ། ཕན་ཚུན་འཕྱན་པ་ལས་བཱ་རཱ་ཎ་སཱིར་ཕྱིན་ནས་དེ་རྣམས་ཀྱིས་བ་ལང་རྫི་དང་། ལུག་རྫི་དང་། རྩྭ་ཐུན་དང་། ཤིང་ཐུན་དང་། ལམ་གྱིས་འཚོ་བ་དང་། ལམ་གོལ་བས་འཚོ་བའི་མི་རྣམས་མཐོང་ནས་སྨྲས་པ། ཤེས་ལྡན་དག་
D1.004.0122a07.01