完整藏文原文 · 德格版页 当前仅加载第 4 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ནས་ས་གཞན་གྱི་རྒྱལ་པོ་རྣམས་དང་གཡུལ་སྤྲད་པའི་ཕྱིར་སྤགས་ཏེ་བསུའོ། །རྒྱལ་པོ་གད་རྒྱངས་ཅན་གྱིས་ས་གཞན་གྱི་རྒྱལ་པོ་རྣམས་བཅོམ། བྲེད་པར་
D1.004.0244a01.01བྱས། ཐག་བཅུག །པམ་པར་བྱས། རྒྱབ་ཀྱིས་བལྟས་པར་བྱས་ཏེ། རང་རང་གི་ཡུལ་དུ་དོང་ངོ་། །དེ་རྣམས་སླར་ཡང་འདུས་ནས་རྒྱལ་པོ་གད་རྒྱངས་ཅན་གྱི་བློན་པོ་ལྔ་བརྒྱ་ལ་ཁྱེད་ཅག་ཚུར་ཤེག་ཤིག་དང་། ཁྱེད་ཅག་ལས་ལོངས་སྤྱོད་ཆེས་ཁྱད་པར་དུ་འཕགས་པ་དག་གིས་བགོ་
D1.004.0244a02.01བཤའ་བྱའོ་ཞེས་ཡོ་བྱད་ཀྱིས་ཁ་དྲངས་པ་དང་དེ་རྣམས་ཀྱིས་ཁས་བླངས་སོ། །དེ་ནས་ས་གཞན་གྱི་རྒྱལ་པོ་རྣམས་ཀྱིས་སླར་ཡང་དཔུང་གི་ཚོགས་ཡན་ལག་བཞི་པོ་གླང་པོ་ཆེ་པའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ནས་
D1.004.0244a03.01རྒྱལ་པོ་གད་རྒྱངས་ཅན་དང་གཡུལ་སྤྲད་པའི་ཕྱིར་འོངས་སོ། །རྒྱལ་པོ་གད་རྒྱངས་ཅན་གྱིས་ཀྱང་དཔུང་གི་ཚོགས་ཡན་ལག་བཞི་པོ་གླང་པོ་ཆེ་པའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ནས་ས་གཞན་གྱི་རྒྱལ་པོ་རྣམས་དང་
D1.004.0244a04.01གཡུལ་སྤྲད་པའི་ཕྱིར་སྤགས་ཏེ་བསུའོ། །གད་རྒྱངས་ཅན་གྱི་བློན་པོ་ལྔ་བརྒྱ་གཡུལ་སྤྲད་པ་ན་ཕྱིར་ལོག་ནས་བྱ་མ་བུམ་གྱི་དབྱུག་གུ་ཅན་དམག་སྟོང་ཐུབ་དང་ལྷན་ཅིག་གཡུལ་འགྱེད་པར་བརྩམས་པ་རྒྱལ་པོས་མཐོང་ནས་བག་ཚ་བར་གྱུར་པ་དང་། བྱ་མ་བུམ་གྱི་དབྱུག་གུ་ཅན་དམག་སྟོང་
D1.004.0244a05.01ཐུབ་ཀྱིས་ཚིགས་སུ་བཅད་དེ་སྨྲས་པ། ཁྱེད་ནི་བྱ་མ་བུམ་གྱི་དབྱུག །གྲོགས་པོ་གཅིག་པུས་མ་བཏང་གི། །ཡུན་རིང་པོ་ནས་གནང་བ་ཡི། །གྲོགས་པོ་ཀུན་གྱིས་ཁྱོད་བཏང་ངོ་། །དེས་དེ་དག་ཐམས་ཅད་ཁ་བཏག་གོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་
D1.004.0244a06.01རྒྱལ་པོ་གད་རྒྱངས་ཅན་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་བྱ་མ་བུམ་གྱི་དབྱུག་གུ་ཅན་གང་ཡིན་པ་དེ་ནི་ཀུན་དགའ་བོ་ཡིན་ནོ། །བློན་པོ་ལྔ་བརྒྱ་པོ་གང་ཡིན་པ་དེ་དག་ནི་དགེ་སློང་ལྔ་བརྒྱ་པོ་འདི་དག་ཉིད་ཡིན་ཏེ། དེ་ན་ཡང་འདི་དག་གིས་ང་ཡོངས་སུ་བཏང་ངོ་། །ད་ལྟར་ཡང་འདི་
D1.004.0244a07.01