完整藏文原文 · 德格版页 当前仅加载第 4 函德格 211b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཐམས་ཅད་སྤངས་ནས་དགྲ་བཅོམ་པ་མངོན་སུམ་དུ་བྱས་སོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། གཅིག་ཏུ་དཀར་བ་རྣམས་ཀྱི་ནི་གཅིག་ཏུ་དཀར་བ་ཡིན། འདྲེན་མ་རྣམས་ཀྱི་ནི་འདྲེན་མ་ཡིན་པས།
D1.004.0211b01.01དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་ནི་སྤངས་ལ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །གང་གི་ཚེ་མ་སྐྱེས་དགྲ་མི་དགེ་བའི་བཤེས་གཉེན་ལྷ་སྦྱིན་གྱིས་ཟིན་པས་
D1.004.0211b02.01རྒྱལ་པོ་གཟུགས་ཅན་སྙིང་པོ་ལ་རྡོ་རྗེ་རྩེ་གཅིག་པ་འཕངས་པ་དེའི་ཚེ། རྒྱལ་པོའི་ཁབ་ན་གནས་པའི་གྲོང་མི་རྣམས་ཀྱིས་འཕྱ་བར་བརྩམས་ཏེ། དེ་ན་ཁ་ཅིག་ནི་རྒྱལ་པོ་ལ་མི་སྙན་པ་སྒྲོགས་པར་བྱེད་དེ། འདི་མ་བཙས་པ་ཉིད་ནས་ཡབ་ལ་དགྲར་འགྱུར་རོ་ཞེས་ལུང་
D1.004.0211b03.01བསྟན་ན། ཅིའི་ཕྱིར་མ་བཙས་པ་ཉིད་དུ་མི་བསད། གཞན་དག་གིས་སྨྲས་པ། ཤེས་ལྡན་དག་རྒྱལ་པོས་མཉེས་ཏེ་ཅི་ཐམས་ཅད་ཀྱི་ལུང་བསྟན་པ་(བདན་,བདེན་)པར་འགྱུར་རམ། གཞོན་ནུ་ཉིད་དུལ་བ་ཡིན་མོད་ཀྱི་འོན་ཀྱང་ལྷ་སྦྱིན་མི་དགེ་བའི་བཤེས་གཉེན་གྱིས་བསླུས་ནས་དེས་ན་བྱ་
D1.004.0211b04.01བ་ངན་པ་ལ་ཤིན་ཏུ་ཞུགས་པར་གྱུར་ཏོ། །གཞན་དག་གིས་སྨྲས་པ། ཤེས་ལྡན་དག་རྒྱལ་པོ་དང་ལྷ་སྦྱིན་གྱིས་ཀྱང་མ་ཉེས་ཏེ། འོན་ཀྱང་ལྷ་སྦྱིན་ཁྲིད་དེ་འཇིག་རྟེན་གྱི་ཁམས་ཀྱི་བར་དུ་མི་བཞག་པར་འདི་ལྟར་རབ་ཏུ་འབྱིན་པར་མཛད་པས་ན་བཅོམ་ལྡན་འདས་ཁོ་ནས་ནོངས་སོ། །
D1.004.0211b05.01ཁ་ཅིག་གིས་སྨྲས་པ། བཅོམ་ལྡན་འདས་ཀྱིས་མ་ནོངས་ཏེ། དེ་གང་གི་ཕྱིར་གནས་ནས་དབྱུང་བའི་ལས་མ་བྱས་པས་དགེ་འདུན་གྱིས་ཉེས་སོ། །དེ་ནས་གང་དག་རྒྱལ་པོ་ལ་མི་སྙན་པར་སྒྲོགས་པ་དེས་རྒྱལ་པོ་ངོ་ཚ་བར་མི་བྱེད་ཀྱི། སྔོན་གྱི་ཚེ་རབས་རྣམས་སུ་བདག་གིས་
D1.004.0211b06.01ལས་འདི་དག་བྱས་ཤིང་བསགས་པ་ཡིན་ནོ་སྙམ་མོ། །གང་དག་བཅོམ་ལྡན་འདས་དང་དགེ་འདུན་ལ་མི་སྙན་པ་སྒྲོགས་པ་དེས་ནི་རྒྱལ་པོ་ཤིན་ཏུ་ངོ་ཚ་བར་བྱེད་དེ། བདག་གི་ལུས་ངན་པ་གང་ཡིན་པ་དེས་འཇིག་རྟེན་བཅོམ་ལྡན་འདས་དང་དགེ་འདུན་གྱི་མི་སྙན་པ་
D1.004.0211b07.01