完整藏文原文 · 德格版页 当前仅加载第 4 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་རྐུན་པོ་ཅིག་ཤོས་ཀྱིས་ཐོས་ནས་དེས་བསམས་པ། བདག་གི་བུ་བཙས་པའི་དགའ་སྟོན་མ་བྱས་པར་མི་བཏང་ངོ་སྙམ་ནས། དེས་ནང་ཀོར་མའི་ཆ་བྱད་དུ་བྱས་ནས་རྒྱལ་པོའི་ཕོ་བྲང་ནས་ཕྱིར་བྱུང་སྟེ་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་ལྷའི་
D1.004.0135a01.01ཞལ་ནས་ཚོང་རྡལ་དུ་ཕྲོག་རློམ་གྱིས་ཤིག་ཅེས་བཀའ་སྩལ་ཏོ། །དེ་རྣམས་ཀྱིས་བསམས་པ། རྒྱལ་པོའི་དཔོན་པོ་བཙས་པས་དེས་ན་བདག་ཅག་ཚོང་རྡལ་དུ་ཕྲོག་རློམ་བྱེད་དུ་བཅུག་གོ་སྙམ་ནས། དེ་རྣམས་ཕྲོག་རློམ་བྱ་བར་བརྩམས་པ་ན་སྒྲ་མཐོན་པོ་དང་སྒྲ་ཆེན་པོ་བྱུང་ནས་རྒྱལ་
D1.004.0135a02.01པོས་སྨྲས་པ་དེ་ཅི་ཡིན། བློན་པོ་རྣམས་ཀྱིས་རྒྱས་པར་སྨྲས་སོ། །དེས་སྨྲས་པ། གལ་ཏེ་དེ་ལྟ་ན་ང་ཡང་དེས་བསླུས་པར་གྱུར་གྱིས། རྒྱལ་སྲིད་དོར་བའམ་དེ་ཆད་པས་གཅད་པ་ཞིག་བྱའོ། །སྙམ་དུ་བསམས་ནས། དེར་འཁོར་གྱི་ཁྱམས་རྩིག་ཏུ་བཅུག་སྟེ། དུས་
D1.004.0135a03.01ཆུང་ངུ་ཞིག་བསྡད་ནས་དེས་བློན་པོ་རྣམས་ལ་བསྒོ་བ། ཤེས་ལྡན་དག་ཡུལ་འཁོར་དུ་དྲིལ་འདི་སྐད་དུ་སྒྲོགས་སུ་ཆུག་ཤིག །ཡུལ་འཁོར་ན་སྐྱེས་པ་ཇི་སྙེད་གནས་པ་དེ་དག་ཐམས་ཅད་སྙད་མ་འདོགས་པར་འཁོར་གྱི་ཁྱམས་སུ་འདུས་ཤིག །སུ་མ་འདུས་པ་དེ་ནི་ཆད་
D1.004.0135a04.01པས་གཅད་དོ་ཞེས་སྒྲོགས་ཤིག །བློན་པོ་རྣམས་ཀྱིས་དྲིལ་སྒྲོགས་སུ་བཅུག་ནས་ཡུལ་འཁོར་ན་གནས་པའི་སྐྱེས་པ་ཐམས་ཅད་འདུས་པ་དང་། དེ་ནས་རྒྱལ་པོས་ཁྱེའུ་དེ་ལ་མེ་ཏོག་གི་ཕྲེང་བ་ཞིག་བྱིན་ནས་བསྒོ་བ། ཁྱོད་ཀྱི་ཕ་གང་ཡིན་པ་དེ་ལ་བྱིན་ཅིག །སྲུང་མའི་སྐྱེས་
D1.004.0135a05.01པ་རྣམས་ལ་བསྒོ་བ། ཁྱེའུ་འདིས་སུ་ལ་མེ་ཏོག་ཕྲེང་བ་བྱིན་པ་དེ་ཁྱེད་ཅག་གིས་ཟུང་ལ་ང་ལ་ཕུལ་ཅིག །དེ་ནས་ཁྱེའུ་དེ་མེ་ཏོག་གི་ཕྲེང་བ་དེ་ཁྱེར་ནས་སྐྱེ་བོའི་ཚོགས་ལ་རྟོག་ཅིང་རྒྱུ་བ་ན་དེས་རྐུན་པོ་ཅིག་ཤོས་པོ་དེ་མཐོང་ངོ་། །སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་ནི་
D1.004.0135a06.01བསམ་གྱིས་མི་ཁྱབ་པ་ཡིན་པས་དེས་དེ་ལ་མེ་ཏོག་ཕྲེང་བ་བྱིན་པ་དང་། རྒྱལ་པོའི་མི་རྣམས་ཀྱིས་རྐུན་པོ་ཅིག་ཤོས་པོ་དེ་བཟུང་ནས་རྒྱལ་པོ་ལ་ཕུལ་ལོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་འདི་ལ་ཇི་ལྟར་བསྒྲུབ་པར་བྱ། དེ་རྣམས་ཀྱིས་སྨྲས་པ།
D1.004.0135a07.01