完整藏文原文 · 德格版页 当前仅加载第 4 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
སྨད་ལ་མི་ཉལ་བར་བརྩོན་པ་དང་ལྡན་པའི་གནས་པས་བསམ་གཏན་དང་པོ་ལ་བརྟེན་ཏེ་རྫུ་འཕྲུལ་མངོན་པར་བསྒྲུབས་ནས། དེ་གཅིག་ཏུ་གྱུར་ཅིང་མང་པོར་འགྱུར་བ་དང་། མང་པོར་གྱུར་ཅིང་གཅིག་ཏུ་འགྱུར་བ་དང་། སྣང་བར་གྱུར་ཅིང་མི་སྣང་བར་འགྱུར་བ་ཤེས་པ་མཐོང་བས་
D1.004.0159b01.01ཉམས་སུ་མྱོང་བར་བྱེད་དོ། །རྩིག་པ་ལ་ཡང་ཐད་ཀར་འགྲོ། རི་ལ་ཡང་ཐད་ཀར་འགྲོ། རབ་ལ་ཡང་ལུས་ཀྱིས་མི་ཐོགས་པར་ཐད་ཀར་འགྲོའོ། །འདི་ལྟ་སྟེ། ནམ་མཁའ་དང་ས་ལ་ཡང་སྟེང་དུ་འབྱུང་བ་དང་བྱིའུ་ཟུལ་བྱེད་དེ་དཔེར་ན་ཆུ་ལ་བྱ་བ་བཞིན་ནོ། །ཆུ་ལ་ཡང་མི་
D1.004.0159b02.01ནུབ་པར་རྒྱུན་ཕྱོགས་སུ་འགྲོ་སྟེ། དཔེར་ན་ས་ལ་བྱ་བ་བཞིན་ནོ། །སྐྱིལ་མོ་ཀྲུང་གིས་ནམ་མཁའ་ལ་འགྲོ་བར་བྱེད་དེ། དཔེར་ན་འདབ་ཆགས་བྱ་བཞིན་ནོ། །ཟླ་བ་དང་། ཉི་མ་འདི་གཉིས་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ལ་ཡང་ལག་པས་ཉུག་ཅིང་ཀུན་དུ་ཉུག་
D1.004.0159b03.01པར་བྱེད་དོ། །དེ་ནས་ལྷ་སྦྱིན་འདི་སྙམ་དུ་སེམས་ཏེ། ཅི་བདག་གིས་འཛམ་བུ་ཞེས་བྱ་བའི་མིང་གིས་འཛམ་བུའི་གླིང་ཞེས་བྱ་བར་བཏགས་པ་གང་ཡིན་པ་དེ་ལས་འཛམ་བུའི་སྙེ་མ་ཁ་དོག་དང་དྲི་དང་རོ་ཕུན་སུམ་ཚོགས་པ་རྣམས་ལས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་
D1.004.0159b04.01སྤྱོད་ཅིང་། ལྷག་མ་ཡང་དགེ་སློང་ཡོད་པ་རྣམས་ལ་བགོ་བར་བྱའམ། གཞན་ཡང་འདིའི་ཉེ་འཁོར་ན་བིལ་བའི་ཚལ་ལམ། ཀ་པིད་ཐའི་ཚལ་ལམ། སྐྱུར་རྩིའི་ཚལ་གང་ཡིན་པ་དེ་ལས་སྐྱུར་རྩིའི་འབྲས་བུ་ཁ་དོག་དང་དྲི་དང་རོ་ཕུན་སུམ་ཚོགས་པ་རྣམས་ལས་ལྷུང་བཟེད་བཀང་
D1.004.0159b05.01སྟེ་བླངས་ནས་བདག་ཉིད་ལོངས་སྤྱོད་ཅིང་། ལྷག་མ་ཡང་དགེ་སློང་ཡོད་པ་རྣམས་ལ་བགོ་བར་བྱའམ། བྱང་གི་སྒྲ་མི་སྙན་གྱི་གླིང་དུ་སོང་ལ་མ་རྨོས་མ་བཏབ་པའི་འབྲས་སཱ་ལུའི་འབྲུ་ལས་ལྷུང་བཟེད་བཀང་སྟེ་བླངས་ནས་ཞེས་བྱ་བའི་བར་གོང་མ་བཞིན་དུའོ། །རྒྱལ་ཚེ་ན་
D1.004.0159b06.01བཞིའི་རིས་སམ། སུམ་བཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་ལ། ལྷའི་བདུད་རྩི་ལས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་ཅིང་། ལྷག་མ་ཡང་དགེ་སློང་ཡོད་པ་རྣམས་ལ་བགོ་བར་བྱའམ། ཡུལ་ལྗོངས་འབྱོར་པ་དང་ཞེས་བྱ་བ་ནས་སྐྱེ་བོ་དང་།
D1.004.0159b07.01