完整藏文原文 · 德格版页 当前仅加载第 4 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
བས་ནི། །དེ་ནི་ཁྱད་དུ་མི་གསད་ཅིང་། །དེ་ལ་ལེགས་པར་བག་ཀྱང་བྱ། །ལམ་གནག་བསྲེག་བྱ་ཟ་བའི་མེ། །ནགས་ཚལ་སྲེག་པ་གང་ཡིན་ཏེ། །ཞག་འདས་ནས་ནི་འགའ་ཞིག་ཏུ། །འདབ་མ་རྣམས་ནི་སྐྱེ་འགྱུར་གྱི། །དགེ་སློང་ཚུལ་
D1.004.0091a01.01ཁྲིམས་ལྡན་པ་ལ། །བརྟེན་ནས་གང་ཞིག་ཚིག་གྱུར་པ། །དེ་ལ་བུ་ཚ་ཡོད་མིན་པས། །བགོ་སྐལ་སྤྱོད་པ་འཐོབ་མི་འགྱུར། །ཏ་ལའི་མགོ་ནི་བཅད་པ་བཞིན། །རིང་པོར་མི་ཐོགས་རབས་ཀྱང་འཆད། །དེ་བས་རང་གི་སྲོག་བསྲུང་ཞིང་། །རང་གི་དོན་ལ་ལྟ་བས་ནི། །
D1.004.0091a02.01དེ་ནི་ཁྱད་དུ་མི་གསད་ཅིང་། །དེ་ལ་ལེགས་པར་བག་ཀྱང་བྱ། །རྒྱལ་རིགས་དཔེ་བྱད་ལྡན་པ་དང་། །དེ་བཞིན་བྲང་འགྲོ་མེ་དང་ནི། །དགེ་སློང་ཚུལ་ཁྲིམས་ལྡན་དེ་ལ། །བློ་དང་ལྡན་པས་བརྙས་མི་བྱ། །དེ་བས་རང་གི་སྲོག་བསྲུང་ཞིང་། །རང་གི་དོན་ལ་ལྟ་བས་ནི། །དེ་ལ་ཁྱད་དུ་
D1.004.0091a03.01མི་གསད་ཅིང་། །དེ་ལ་ལེགས་པར་བག་ཀྱང་བྱ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རངས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་
D1.004.0091a04.01སོང་ངོ་། །དེ་ནས་སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཀོ་ས་ལའི་རྒྱལ་པོ་གསལ་རྒྱལ་གྱིས་རྒྱལ་པོ་ཟས་གཙང་ལ་སྤྲིང་ཡིག་བསྐུར་བ། ལྷ་དགྱེས་པ་བསྐྱེད་དུ་གསོལ། ཁྱོད་ཀྱི་སྲས་ཀྱིས་
D1.004.0091a05.01བདུད་རྩི་ཐོབ་ནས་བདུད་རྩིས་འགྲོ་བ་ཚིམ་པར་བྱེད་དོ་ཞེས་སྤྲིང་བ་རྒྱལ་པོ་ཟས་གཙང་གིས་ཐོས་ནས་ཕོ་ཉ་བཏང་བ་ལས་དེ་དེ་ཉིད་དུ་རབ་ཏུ་བྱུང་ངོ་། །གཉིས་པ་བཏང་བ་དང་། དེ་ཡང་དེ་ཉིད་དུ་རབ་ཏུ་ཕྱུང་སྟེ། ཕོ་ཉ་གང་དང་གང་བཏང་བ་དེ་དང་དེ་དག་དེ་ཉིད་དུ་ལེགས་པར་གསུངས་
D1.004.0091a06.01པའི་ཆོས་འདུལ་བ་ཉིད་ལ་རབ་ཏུ་བྱུང་བར་གྱུར་ཏོ། །རྒྱལ་པོ་ཟས་གཙང་ལག་པ་ལ་འགྲམ་པ་གཏད་ནས་ཕོ་ཉ་གང་དང་གང་བཏང་བ་དེ་དང་དེ་དག་དེ་ཉིད་དུ་ལེགས་པར་གསུངས་པའི་ཆོས་འདུལ་བ་ཉིད་ལ་རབ་ཏུ་བྱུང་ངོ་སྙམ་མོ། །སེམས་ཁོང་དུ་ཆུད་ཅིང་འདུག་པ་འཆར་ཀས་
D1.004.0091a07.01