完整藏文原文 · 德格版页 当前仅加载第 4 函德格 187b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་སུ་སྤྲོ་བ་དེ་ཤོ་གམ་དང་། ལ་གཅན་དང་། གྲུ་བཙས་མེད་པར་འགྱུར་གྱིས། རྒྱ་མཚོ་ཆེན་པོར་འདོང་བའི་ཟོང་སྟ་གོན་གྱིས་ཤིག །ཚོང་པ་བརྒྱ་ཕྲག་དུ་མས་རྒྱ་མཚོ་ཆེན་པོར་འགྲོ་བའི་ཟོང་སྟ་གོན་བྱས་སོ། །དེ་ནས་དེད་དཔོན་དགེ་བྱེད་ནུ་བོ་སྡིག་བྱེད་དང་ལྷན་ཅིག་དགེ་
D1.004.0187b01.01མཚན་དང་བདེ་ལེགས་སུ་འགྱུར་བ་དག་བྱས་ནས་ཚོང་པ་བརྒྱ་ཕྲག་དུ་མས་ཡོངས་སུ་བསྐོར་ཏེ། ཤིང་རྟ་དང་། ཁུར་དང་། གཟེབ་དང་། པང་ཚད་དང་། རྔ་མོ་དང་། བ་ལང་དང་། བོང་བུ་དག་གིས་རྒྱ་མཚོ་ཆེན་པོར་འཇུག་པའི་ཟོང་མང་པོ་ཁྱེར་ནས་ཆས་ཏེ་དེ་རིམ་གྱིས་
D1.004.0187b02.01གྲོང་རྡལ་དང་། གྲོང་ཁྱེར་དང་། ཡུལ་དང་། རྒྱལ་པོའི་ཕོ་བྲང་དང་། ཚོང་རྡལ་རྣམས་ལ་ལྟ་ཞིང་རྒྱ་མཚོ་ཆེན་པོའི་འགྲམ་དུ་ཕྱིན་ནས། དེས་ཀཱརྵཱ་པ་ཎ་ལྔ་བརྒྱས་གྲུ་ཉོས་ཏེ་ཞོ་ཤས་འཚོ་བ་ལྔ་པོ་སྟོབས་པར་བྱེད་པ་དང་། སེལ་བར་བྱེད་པ་དང་། རྐྱལ་ཆེན་པ་དང་། གྲུ་
D1.004.0187b03.01པ་དང་། རླུང་ཡོར་ཐོགས་པ་ཁྲིད་ནས་ལན་གསུམ་དུ་དྲིལ་བསྒྲགས་ཏེ་རྒྱ་མཚོ་ཆེན་པོར་ཞུགས་ནས་གྲུ་སྤངས་པ་ན་ནུ་བོ་སྡིག་བྱེད་ལ་སྨྲས་པ། གལ་ཏེ་རྒྱ་མཚོ་ཆེན་པོའི་དབུས་སུ་གྲུ་ཆག་པར་གྱུར་ནམ་རྟབས་པར་ངའི་མགུལ་དུ་འཇུས་ཤིག །དེས་སྨྲས་པ། ལེགས་ཀྱིས་
D1.004.0187b04.01དེ་བཞིན་དུ་བགྱིའོ། །ཇི་ཙམ་ན་གྲུ་དེ་རྗེས་སུ་མཐུན་པའི་རླུང་གིས་རིན་པོ་ཆེའི་གླིང་དུ་ཕྱིན་ནས་རླུང་ཡོར་ཐོགས་པས་སྨྲས་པ། འཛམ་བུའི་གླིང་གི་ཚོང་པ་ཤེས་ལྡན་དག་ཉོན་ཅིག །རིན་པོ་ཆེའི་གླིང་ཞེས་བྱ་བ་རྡོ་རྗེ་དང་། བཻ་ཌཱུརྱ་དང་། ཨིནྡྲ་ནཱི་ལ་དང་། མ་རྒད་ལ་སོགས་
D1.004.0187b05.01པའི་རིན་པོ་ཆེ་སྣ་ཚོགས་ཀྱི་འབྱུང་གནས་ཤིག་ཡོད་དོ་ཞེས་ཐོས་པ་གང་ཡིན་པ་དེར་ཡུ་བུ་ཕྱིན་གྱིས། རིན་པོ་ཆེ་ཅི་འདོད་པ་ལོང་ཤིག །དེ་ནས་དེ་རྣམས་དགའ་བ་དང་མགུ་བས་བརྟགས་ཤིང་བརྟགས་ནས་རིན་པོ་ཆེ་རྣམས་ཀྱིས་གྲུ་དེ་དཔེར་ན་ཏིལ་ལམ། འབྲས་སམ།
D1.004.0187b06.01རྒྱ་སྲན་ནམ། སྲན་མ་ལ་སོགས་པ་བཞིན་དུ་བཀང་ངོ་། །བྱང་ཆུབ་སེམས་དཔའ་རྣམས་ནི་ཤིན་ཏུ་བརྟགས་པ་དང་མཁས་པ་ཡིན་པས་གཞོན་ནུ་དགེ་བྱེད་ཀྱིས་ཆེན་པོ་ལ་འོས་པའི་ནོར་བུ་ཆེན་པོ་རྣམས་རྐེད་ལ་བཏགས་སོ། །ཇི་ཙམ་ན་གྲུ་དེ་སླར་བསྒྱུར་བ་ལས་
D1.004.0187b07.01