完整藏文原文 · 德格版页 当前仅加载第 4 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་དུ་སེམས་ཏེ། ཆུ་འདི་སྔོན་ནི་མ་མཆིས་ན་ད་ལྟར་ཆུ་འདི་གང་ནས་བབ་སྙམ་བགྱིད་དོ། །འོད་སྲུང་རལ་པ་ཅན་འདིར་ཁྱོད་ལས་ངས་བསོད་སྙོམས་བཞེས་ནས་ཕྱོགས་འདིར་ཞུགས་ཏེ་ཞལ་ཟས་ཀྱི་བྱ་བ་མཛད་པ་ན་ང་ལ་ཆུས་ཆུའི་དགོས་པ་ཞིག་བྱུང་ངོ་། །དེ་ནས་ལྷ་རྣམས་
D1.004.0063a01.01ཀྱི་དབང་པོ་བརྒྱ་བྱིན་གྱིས་ང་ལ་ཆུས་ཆུའི་དགོས་པ་བྱུང་བར་ཤེས་ནས་ཕྱོགས་འདིར་ལག་པ་ས་ལ་བསྣུན་པ་ལས། དེ་ནས་བཀོད་མ་ཆེན་པོ་བྱུང་བ་དེ་ལ་ངས་ཆུས་ཆུའི་བྱ་བ་མཛད་དོ། །འོད་སྲུང་རྫིང་འདི་ནི་ལག་པས་བརྐོས་པ་ཞེས་བྱའོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་
D1.004.0063a02.01དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་བཅོམ་ལྡན་
D1.004.0063a03.01འདས་ཕྱི་འབྲེད་ནང་དུ་ཡང་དག་འཇོག་ལས་བཞེངས་ནས་རྫིང་ལག་པས་བརྐོས་པ་གང་ན་བ་དེར་གཤེགས་ཏེ་བྱོན་ནས། རྫིང་ལག་པས་བརྐོས་པའི་འགྲམ་གྱི་མཐའ་གཅིག་ཏུ་ན་བཟའ་ཆོས་གོས་རྣམས་བཞག་སྟེ། རྫིང་ལག་པས་བརྐོས་པར་ཞུགས་ནས་སྐུ་ཁྲུས་མཛད་ནས་རྫིང་ལག་
D1.004.0063a04.01པས་བརྐོས་པ་ནས་འབྱུང་བར་བཞེད་པ་ན་ཤིང་ཨརྫུ་ན་གང་ན་བ་དེ་ལོགས་སུ་ཕྱག་བརྐྱང་ངོ་། །དེ་ནས་ཨརྫུ་ནའི་ཡལ་ག་ཆེན་པོ་འདུད་པར་གྱུར་ཏེ། དེ་ལ་བཅོམ་ལྡན་འདས་ཀྱིས་བཟུང་ནས་རྫིང་ལག་པས་བརྐོས་པ་ནས་བྱུང་ངོ་། །ལྟེང་རྒྱས་འོད་སྲུང་རལ་པ་ཅན་བསྟི་གནས་ན་འཆག་པ་
D1.004.0063a05.01ན་རྫིང་ལག་པས་བརྐོས་པའི་འགྲམ་ན་ཨརྫུ་ནའི་ཡལ་ག་ཆེན་པོ་འདུད་པ་ཞིག་མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། ཨརྫུ་ནའི་ཡལ་ག་འདི་སྔོན་ནི་འདུད་པར་མ་གྱུར་ན། ཨརྫུ་ནའི་ཡལ་ག་ཆེན་པོ་འདི་ད་སུ་ཞིག་གིས་བཏུད་སྙམ་མོ། །དེ་ནས་ལྟེང་རྒྱས་འོད་སྲུང་རལ་
D1.004.0063a06.01པ་ཅན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། བདག་འདིར་བསྟི་གནས་ན་འཆག་པ་ན་རྫིང་ལག་པས་བརྐོས་པའི་འགྲམ་ན་ཨརྫུ་ནའི་ཡལ་ག་ཆེན་པོ་འདུད་པ་མཐོང་ངོ་། །
D1.004.0063a07.01