完整藏文原文 · 德格版页 当前仅加载第 4 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཤིང་སྟ་མོ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་{རི་དགས་,རི་དྭགས་}ཀྱི་དཔོན་པོ་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང་། བྱས་པ་མི་ཚོར་བ་ཡིན་ནོ། །
D1.004.0182a01.01ད་ལྟར་ཡང་འདི་བྱས་པ་མི་གཟོ་བ་དང་། བྱས་པ་མི་ཚོར་བ་ཡིན་ནོ། །གཞན་ཡང་ཇི་ལྟར་འདི་བྱས་པ་མི་གཟོ་བ་དང་། བྱས་པ་མི་ཚོར་བ་དེ་ཉོན་ཅིག །དགེ་སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ན་མི་དབུལ་པོ་ཞིག་གནས་པ་དེ་ཤིང་བཙོང་ཞིང་བཙོངས་པས་འཚོ་བར་བྱེད་
D1.004.0182a02.01དོ། །དེ་དུས་གཞན་ཞིག་ན་ནང་པར་སྔར་ལངས་ཏེ་སྟ་རེ་དང་ཁུར་ཤིང་དག་ཐོགས་ཏེ་ཤིང་གི་ཕྱིར་ནགས་ཁྲོད་དུ་སོང་བ་དང་། དུས་མ་ཡིན་པའི་ཆར་སྤྲིན་ཆེན་པོ་སྣ་ལ་རླུང་ལྡང་བ་ལངས་སོ། །མི་དེ་འདི་རུང་ངམ་འདི་རུང་ངམ་ཞེས་གནས་ཀྱི་ཁྱད་པར་ཚོལ་ཞིང་ཤིང་ནས་ཤིང་
D1.004.0182a03.01གཞན་གྱི་དྲུང་དུ་སོང་ན་འོན་ཀྱང་གཤེར་བར་གྱུར་པ་ཉིད་པས། དེས་ཤིང་དྲུང་བརྒྱུས་ཏེ་རིམ་གྱིས་བྲག་ཕུག་ཅིག་ཏུ་ཞུགས་པ་དང་། དེས་བྲག་ཕུག་དེ་ན་དོམ་ཞིག་གནས་པ་དེ་མཐོང་ནས་སྔངས་ཏེ་འབྲོས་པར་བརྩམས་པ་ལས། དོམ་གྱིས་སྨྲས་པ། བུ་ཅིའི་ཕྱིར་སྡངས་བུ་
D1.004.0182a04.01མ་འཇིགས་པར་ཁོ་བོའི་དྲུང་ན་འདུག་ཤིག །དེ་བག་ཚ་བཞིན་དུ་བྲེད་ནས་འགྲོ་མ་ནུས་སོ། །དེ་ནས་དོམ་དེས་དབུགས་ཕྱུང་སྟེ། ལག་པ་གཉིས་ཀྱིས་པང་དུ་འཁྱུད་ནས་རྩ་བ་དང་འབྲས་བུས་ཚིམ་པར་བྱས་སོ། །ཡུལ་ངན་ཡང་ཞག་བདུན་དུ་བྱུང་ལྷས་ཀྱང་ཆར་པ་མ་བཅད་
D1.004.0182a05.01དོ། །ཞག་བདུན་འདས་ཏེ་ཞག་བརྒྱད་པའི་ཉིན་པར་ཆར་སྤྲིན་སངས་ནས་དོམ་གྱིས་ཕྱོགས་བཞིར་བལྟས་ཏེ་རྩ་བ་དང་། འབྲས་བུ་རབ་ཏུ་མང་པོ་བྱིན་ནས་མི་དེ་ལ་སྨྲས་པ། བུ་ཆར་སྤྲིན་སངས་ཏེ་ཡུལ་ངན་མེད་ཀྱིས་ཅི་བདེར་སོང་ཤིག །མི་དེས་རྐང་པ་ལ་གཏུགས་ཏེ་སྨྲས་པ།
D1.004.0182a06.01ཡབ་མཆི་ན་བདག་གིས་ཁྱེད་ལ་ལན་ཅི་ཞིག་གླན། དེས་སྨྲས་པ། བུ་ཅི་ནས་ཀྱང་ཁོ་བོ་སུ་ལ་ཡང་མ་སྨྲས་ན་དེ་ཉིད་ཀྱིས་ལན་གླན་པ་ཡིན་ནོ། །དེས་སྨྲས་པ། ཡབ་དེ་བཞིན་དུ་བགྱིའོ་ཞེས་དེས་དེ་ལ་བསྐོར་བ་བྱས་ནས་རྐང་པ་ལ་ཕྱག་བྱས་ནས་ཆས་སོ། །དེ་བཱ་རཱ་ཎ་སཱིར་ཞུགས་
D1.004.0182a07.01