完整藏文原文 · 德格版页 当前仅加载第 4 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་དགའ་བོས་ལས་ཅི་ཞིག་བགྱིས་ན། དེས་ན་སྤྱི་བོར་ཕོལ་མིག་བྱུང་བར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་
D1.004.0148b01.01ཀུན་དགའ་བོ་འདི་ཉིད་ཀྱིས་ལས་བྱས་ཤིང་བསགས་པ་དག་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་ཡུལ་མཐའ་འཁོབ་ཅིག་ན་རྒྱལ་པོ་ཀི་ར་ཏ་ཞེས་བྱ་བ་གནས་སོ། །སངས་རྒྱས་རྣམས་
D1.004.0148b02.01འབྱུང་བ་མེད་པ་ན་འཇིག་རྟེན་དུ་རང་སངས་རྒྱས་དམན་པ་དང་ངན་པ་ལ་སྙིང་བརྩེ་བ་ཅན། བས་མཐའི་གནས་མལ་ལ་དགའ་བ། འཇིག་རྟེན་གྱི་ཡོན་གནས་གཅིག་པུ་བ་དག་འབྱུང་བར་འགྱུར་བས་དེ་ནས་རང་སངས་རྒྱས་ཞིག་དེ་དེར་རྒྱུ་བ་ན་ཀི་ར་ཏའི་གྲོང་ཁྱེར་དུ་ཕྱིན་ནས་དེ་དེར་
D1.004.0148b03.01བསོད་སྙོམས་ཀྱི་ཕྱིར་ཀི་ར་ཏའི་རྒྱལ་པོའི་ཁྱིམ་དུ་ཞུགས་པ་དང་། དེ་དེ་ལ་མི་བཟོད་པ་སྐྱེས་ཏེ་སེམས་གདུག་པས་འཇིམ་རིལ་གྱི་ངན་ཀོང་གིས་རྒྱབ་ཏུ་བསྣུན་པ་ལས་བདག་ཉིད་ཆེན་པོ་དེ་དྲེགས་པ་དང་ང་རྒྱལ་བཅོམ་པ་ཡིན་པས་དེ་སྣོད་དུ་མ་གྱུར་པར་ཤེས་ནས་སོང་ངོ་། །དགེ་
D1.004.0148b04.01སློང་དག་ཇི་སྙམ་དུ་སེམས། ཀི་ར་ཏའི་རྒྱལ་པོ་གང་ཡིན་པ་དེ་ནི་དགེ་སློང་ཀུན་དགའ་བོ་དེ་ཉིད་ཡིན་ཏེ། གང་འདིས་རང་སངས་རྒྱས་ལ་མི་བཟོད་པ་སྐྱེས་ཏེ་སེམས་གདུག་པས་འཇིམ་རིལ་གྱི་ངན་ཀོང་གིས་རྒྱབ་ཏུ་བསྣུན་པ་དེའི་ལས་ཀྱི་རྣམ་པར་སྨིན་པས་ཚེ་རབས་ལྔ་བརྒྱར་གང་དང་
D1.004.0148b05.01གང་དུ་སྐྱེས་པ་དེ་དང་དེར་སྤྱི་བོར་ཕོལ་མིག་བྱུང་བར་གྱུར་ཏོ། །འདི་ལྟར་ད་ལྟར་འདིའི་སྲིད་པ་ཐ་མ་ལ་ཡང་སྤྱི་བོར་ཕོལ་མིག་བྱུང་ངོ་། །གང་གི་ཚེ་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་དང་ཐབས་ཅིག་འགྲོ་བ་དེའི་ཚེ་བཅོམ་ལྡན་འདས་ལ་ལྷག་པར་དད་པ་དང་། གུས་
D1.004.0148b06.01པ་དང་། ཁྲེལ་ཡོད་པ་དང་། ངོ་ཚ་ཤེས་པ་དང་། འཛེམ་པ་ཉིད་ཀྱིས་ཉེ་བར་གནས་སོ། །གང་གི་ཚེ་སྤྲུལ་པ་ཡིན་ན་ནི་དད་པ་དང་། གུས་པ་དང་། ངོ་ཚ་ཤེས་པ་དང་། ཁྲེལ་ཡོད་པ་དང་། འཛེམ་པ་དེ་འདྲ་བ་དག་གིས་མི་གནས་སོ། །ཇི་ཙམ་ན་ཁྱིམ་བདག་ཅིག་གིས་སངས་
D1.004.0148b07.01