完整藏文原文 · 德格版页 当前仅加载第 4 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
ནོ། །དེ་ནས་རྫ་མཁན་དགའ་སྐྱོང་ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེར་སོང་སྟེ་ཕྱིན་ནས་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་གི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་
D1.004.0125b01.01དང་། ཡང་དག་པར་རྫོགས་པའི་སངས་རྒྱས་འོད་སྲུང་གིས་རྫ་མཁན་དགའ་སྐྱོང་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ།
D1.004.0125b02.01རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་། །དེ་ནས་རྫ་མཁན་དགའ་སྐྱོང་ཡང་དག་པར་རྫོགས་པའི་སངས་རྒྱས་
D1.004.0125b03.01འོད་སྲུང་གིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རངས་ནས་ཞབས་གཉིས་ལ་མགོ་བོས་ཕྱག་འཚལ་ཏེ་སྟན་ལས་ལངས་ནས་སོང་ངོ་། །དེའི་ཚེ་བྲམ་ཟེའི་ཁྱེའུ་བླ་མ་ཤིང་རྟ་ཐམས་ཅད་ནས་དཀར་བ་རྟ་རྒོད་མ་དང་ལྡན་པའི་ནང་དུ་ཞུགས། གསེར་གྱི་ཁར་བ་དང་རིལ་བ་
D1.004.0125b04.01ཐོགས་ཏེ། བྲམ་ཟེའི་ཁྱེའུའི་ཚོགས་ཀྱིས་ཡོངས་སུ་བསྐོར་ཅིང་བྲམ་ཟེའི་ཁྱེའུའི་ཚོགས་ཀྱིས་མདུན་གྱིས་བལྟས་ཏེ། བཻ་བྷི་ཊིང་གའི་ཕྱི་རོལ་དུ་བྲམ་ཟེའི་ཁྱེའུ་རྣམས་གསང་ཚིག་ཀློག་ཏུ་གཞུག་པར་འདོད་ནས་བཻ་བྷི་ཊིང་ག་ནས་བྱུང་བ་དང་བྲམ་ཟེའི་ཁྱེའུ་བླ་མས་རྫ་མཁན་དགའ་སྐྱོང་
D1.004.0125b05.01རྒྱང་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་འདི་སྐད་ཅེས་སྨྲས་སོ། །དེས་པ་དགའ་སྐྱོང་ཁྱོད་གང་ནས་འདིར་འོངས། དེས་པ་བླ་མ་བདག་ནི་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱས་ནས་ད་གཟོད་འདིར་འོངས་ཀྱིས། དེས་པ་བླ་མ་ཚུར། བདག་
D1.004.0125b06.01ཅག་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱེད་དུ་འདོང་ངོ་། །དེས་པ་དགའ་སྐྱོང་ཡང་དག་པར་རྫོགས་པའི་སངས་རྒྱས་འོད་སྲུང་ལ་ལྟ་བ་ཐོང་ཤིག །བསྙེན་བཀུར་བྱ་བ་ཐོང་ཤིག །དེ་ཅིའི་ཕྱིར་ཞེ་ན། དགེ་སྦྱོང་མགོ་རེག་དེ་ལ་བྱང་ཆུབ་ག་ལ་ཡོད།
D1.004.0125b07.01