完整藏文原文 · 德格版页 当前仅加载第 4 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་རོ་ལ་ཡིད་ནི་མི་དགའ་ན། །ལྷ་མི་འཇིག་རྟེན་ལ་ཅི་ཁྱོད་ཀྱི་ཡིད། །དགའ་བ་ཡིན་ནམ་འོད་སྲུང་དྲི་ཡིས་སྨྲོས། །ཕུང་པོ་མ་མཆིས་ཞི་བ་ཅི་མ་མཆིས། །འདོད་སྲེད་མ་ཆགས་གཞན་དུ་འགྱུར་མ་མཆིས། །གཞན་གྱིས་མི་བཀྲིའི་གོ་འཕང་མཆོག་མཐོང་སྟེ། །དེས་
D1.004.0071b01.01བདག་མཆོད་སྦྱིན་མི་དགའ་སྲེག་བླུགས་མིན། །གོ་འཕང་མི་ཉམས་མཆོག་ནི་མ་མཐོང་བས། །མཆོད་སྦྱིན་བརྟུལ་ཞུགས་དང་ནི་ཞུགས་དག་གིས། །གྲོལ་སྙམ་བདག་གི་ཡིད་ནི་རྨོངས་གྱུར་ཏེ། །དམུས་ལོང་གྱུར་ནས་སྐྱེ་ཤི་རྗེས་བཞིན་འཐོམ། །སྐྱོབ་པ་གཙོ་བོ་མཆོག་གིས་ལེགས་
D1.004.0071b02.01བཤད་པ། །གོ་འཕང་འདུས་མ་བྱས་ཏེ་གཟོད་མཐོང་ན། །ཐུབ་པ་གཽ་ཏམ་རྣམ་པར་འདྲེན་ཁྱོད་ནི། །སྐྱེ་བོ་ཕལ་ཆེན་དོན་བརྩོན་བདེན་ལ་ཞུགས། །བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱི་རྟོགས་པ་ལེགས་རྟོགས་ཏེ། །ཁྱོད་ཀྱིས་ཉེས་པར་བསམས་མ་ཡིན། །རབ་
D1.004.0071b03.01ཏུ་ཕྱེ་བའི་ཆོས་རྣམས་ལ། །གཙོ་བོ་གང་ཡིན་དེ་བླངས་སོ། །འོད་སྲུང་འཁོར་སྐྱོ་བ་སྐྱེད་ཅིག །དེ་ནས་ཚེ་དང་ལྡན་པ་ལྟེང་རྒྱས་འོད་སྲུང་བཅོམ་ལྡན་འདས་ཀྱིས་སྐབས་ཕྱེ་ནས་ཇི་ལྟར་སེམས་མཉམ་པར་བཞག་ན་རང་གི་སྟན་གྱི་ནང་དུ་མི་སྣང་བར་གྱུར་ཅིང་། ཤར་ཕྱོགས་
D1.004.0071b04.01ཀྱི་སྟེང་གི་བར་སྣང་ལ་མངོན་པར་འཕགས་ནས་སྤྱོད་ལམ་རྣམ་པ་བཞི་བྱེད་དེ། འདི་ལྟ་སྟེ། འཆག་པ་དང་། འགྲེང་བ་དང་། འདུག་པ་དང་། ཉལ་བ་བྱེད་དོ། །མེའི་ཏིང་ངེ་འཛིན་ལ་ཡང་སྙོམས་པར་འཇུག་པར་བྱེད་དེ། མེའི་ཏིང་ངེ་འཛིན་ལ་སྙོམས་པར་ཞུགས་པ་ན་ཚེ་
D1.004.0071b05.01དང་ལྡན་པ་ལྟེང་རྒྱས་འོད་སྲུང་གི་ལུས་ལས་འོད་ཟེར་རྣམ་པ་སྣ་ཚོགས་འབྱིན་པར་བྱེད་དེ། འདི་ལྟ་སྟེ་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་། ཤེལ་གྱི་ཁ་དོག་དག་གོ། །ཆོ་འཕྲུལ་ཟུང་དུ་ཡང་སྟོན་པར་བྱེད་དེ། ལུས་ཀྱི་སྨད་ནས་འབར་
D1.004.0071b06.01བར་བྱེད་ལ་ལུས་ཀྱི་སྟོད་ནས་ཆུ་གྲང་མོའི་རྒྱུན་འབེབས་པར་བྱེད་དོ། །ལུས་ཀྱི་སྟོད་ནས་འབར་བར་བྱེད་ལ་ལུས་ཀྱི་སྨད་ནས་ཆུ་གྲང་མོའི་རྒྱུན་འབེབས་པར་བྱེད་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །ཤར་ཕྱོགས་ལ་ཇི་ལྟ་བ་བཞིན་དུ་ལྷོ་དང་། ནུབ་དང་། བྱང་
D1.004.0071b07.01