完整藏文原文 · 德格版页 当前仅加载第 4 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
ཕུལ་བ་ལས། དེ་ལས་གཅིག་ནི་ལྷུང་བཟེད་དུ་ལྷུང་ངོ་། །ཅིག་ཤོས་ནི་ས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱིམ་བདག་གང་ཡིན་པ་དེ་ནི་རྒྱལ་པོ་གསལ་རྒྱལ་འདི་ཉིད་ཡིན་ཏེ། འདིས་རང་སངས་རྒྱས་
D1.004.0150b01.01ལ་འབྲས་སཱ་ལུའི་ཆན་དང་། བུ་རམ་ཤིང་གི་སྡོང་བུ་དང་། སྲེག་པ་གཉིས་ཕུལ་བ་དེའི་ལས་ཀྱི་རྣམ་པར་སྨིན་པས་ལོ་མང་པོ་དང་། ལོ་བརྒྱ་ཕྲག་མང་པོ་དང་། ལོ་སྟོང་ཕྲག་མང་པོ་དང་། ལོ་བརྒྱ་སྟོང་ཕྲག་མང་པོར་མིའི་བདེ་བ་ཉམས་སུ་མྱོང་ངོ་། །ད་ལྟར་ཡང་འདིའི་ཟས་
D1.004.0150b02.01ཀྱི་དུས་སུ་གཞོང་པར་འབྲས་སཱ་ལུའི་ཆན་དང་། བུ་རམ་ཤིང་གི་སྡོང་བུ་དང་། སྲེག་པ་གཉིས་ལྷུང་སྟེ། དེ་ལས་གཅིག་ནི་གཞོང་པའི་སྟེང་དུ་ལྷུང་ལ། ཅིག་ཤོས་ནི་ས་ལའོ། །ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ཀྱིས་བདག་གི་ལས་ཀྱི་རྒྱུ་བ་
D1.004.0150b03.01གཅིག་ལུང་བསྟན་པས་སྔོན་གྱི་མཐའི་ནི་ལས་ཀྱི་རྣམ་པར་སྨིན་པའི་འབྲས་བུ་ནི་ཡོད་དོ་སྙམ་དུ་རིག་ནས་ཉན་ཐོས་ཀྱི་དགེ་འདུན་དང་བཅས་པ་ལ་མངོན་པར་དད་དེ་དེ་ལྟར་ལས་ཀྱི་རྣམ་པར་སྨིན་པ་ལ་ཡིད་ཆེས་པའི་བློ་གྲོས་ཀྱིས་གནས་སོ། །ལྟས་མཁན་རྣམས་ཀྱིས་
D1.004.0150b04.01འཕགས་པ་ཀུན་དགའ་བོ་ནི་ཅོད་པན་གྱིས་བཅིངས་པར་འགྱུར་རོ་ཞེས་ལུང་བསྟན་པས་ཅི་ཙམ་ནམ་ནངས་པ་དང་། ཚེ་དང་ལྡན་པ་ཀུན་དགའ་བོའི་འཕྲལ་བར་ཕོལ་མིག་བྱུང་ངོ་ཞེས་ཀོ་ས་ལའི་རྒྱལ་པོ་གསལ་རྒྱལ་གྱིས་ཐོས་ནས་དེ་འདི་སྙམ་དུ་སེམས་ཏེ། ཡོན་
D1.004.0150b05.01གནས་རྣམས་ལ་བྱ་བ་བྱས་ན་བསོད་ནམས་ཀྱི་འབྲས་བུ་ཁྱད་པར་མེད་པར་མི་འགྱུར་བས་མ་ལ་བདག་གིས་འདི་ལ་རང་ཉིད་ཀྱིས་བཀུར་སྟི་བྱའོ་སྙམ་ནས། དེས་སྨན་པ་ཐམས་ཅད་བཀུག་སྟེ། འཕགས་པ་ཀུན་དགའ་བོའི་དཔྱད་གྱིས་ཤིག །དེའི་དཔྱད་གསལ་བ་ན་བྱ་བར་
D1.004.0150b06.01བརྩམས་པ་དང་། ཀོ་ས་ལའི་རྒྱལ་པོ་གསལ་རྒྱལ་གྱིས་ཚེ་དང་ལྡན་པ་ཀུན་དགའ་བོ་ལ་རང་ཉིད་ཀྱིས་རྩིབས་བརྒྱ་ཡོད་པའི་གདུགས་བཟུང་ཞིང་། འཕྲལ་བའི་རྩ་འདེབས་པ་ན་ཅོད་པན་གྱིས་བཅིངས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་
D1.004.0150b07.01