完整藏文原文 · 德格版页 当前仅加载第 4 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པ་གསུས་པོ་ཆེ་དང་། ཚེ་དང་ལྡན་པ་ཀ་པི་ན་ཆེན་པོ་དང་། ཚེ་དང་ལྡན་པ་མ་འགགས་པ་དང་། དགའ་ཡོད་དང་། ཀིམ་པི་ལ་དང་། ས་ལ་ན་གནས་པའི་གནས་བརྟན་གྲགས་པ་དང་། ཡུལ་ཆུ་མིག་ཅན་གྱི་གནས་བརྟན་གང་པོ་སྟན་ལས་
D1.004.0152a01.01ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ནི་བཅོམ་ལྡན་འདས་ལ་ཐུགས་ལ་མི་འཐད་པ་མ་ལགས་ཀྱི་ཐུགས་ལ་འཐད་པས་རིམ་གྲོ་བགྱིད་
D1.004.0152a02.01ཅིང་། བཀའ་སྩལ་པ་འཛིན་པ་དང་། བདག་གི་དོན་ཡང་ཉམས་པར་མི་འགྱུར་བ་ལགས་སོ། །གང་པོ་ཁྱོད་ཀྱང་རྒས་འཁོགས་གཏུགས་ཏེ། ཁྱོད་ཉིད་ལ་རིམ་གྲོ་པ་དགོས་ཀྱིས་རེ་ཞིག་གང་པོ་ཁྱོད་ཉིད་ཀྱི་སྟན་ཇི་ལྟ་བ་བཞིན་ལ་འདུག་ཤིག །ཚེ་དང་ལྡན་པ་གང་པོ་རང་གི་
D1.004.0152a03.01སྟན་ཇི་ལྟ་བ་ལ་འདུག་གོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་འདི་སྙམ་དུ་སེམས་ཏེ། བཅོམ་ལྡན་འདས་དགེ་སློང་གང་ཞིག་རིམ་གྲོ་པར་བཞེད་པར་འགྱུར། མ་ལ་བདག་གིས་ཇི་ལྟར་སེམས་མཉམ་པར་གཞག་ན་བཅོམ་ལྡན་འདས་ཀྱི་ཐུགས་ལ་ལྟ་བར་འགྱུར་བ་དེ་ལྟ་བུའི་
D1.004.0152a04.01ཏིང་ངེ་འཛིན་ལ་སྙོམས་པར་འཇུག་པར་བྱའོ་སྙམ་མོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོས་ཇི་ལྟར་སེམས་མཉམ་པར་བཞག་ན་བཅོམ་ལྡན་འདས་ཀྱི་ཐུགས་ལ་ལྟ་བར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། ཚེ་དང་ལྡན་པ་མཽད་གལ་གྱི་བུ་ཆེན་པོས་
D1.004.0152a05.01བཅོམ་ལྡན་འདས་ཀྱི་ཐུགས་ལ་བལྟས་ན་ངའི་རིམ་གྲོ་དགེ་སློང་ཀུན་དགའ་བོས་བྱས་ན་ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པ་དང་། བཀའ་སྩལ་པ་འཛིན་པ་དང་། རང་གི་དོན་ཡང་ཉམས་པར་མི་འགྱུར་བ་ཡིན་ནོ་ཞེས་བཅོམ་ལྡན་འདས་ཀྱི་ཐུགས་ཚེ་དང་ལྡན་པ་ཀུན་དགའ་
D1.004.0152a06.01བོ་ལ་གཏད་པ་མཐོང་ངོ་། །མཐོང་ནས་ཀྱང་ཏིང་ངེ་འཛིན་དེ་ལས་ལངས་ཏེ་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རིའི་བུ་ཤེས་པར་གྱིས་ཤིག །བཅོམ་ལྡན་འདས་ཀྱི་ཐུགས་ལ་བལྟས་ན་དགེ་སློང་ཀུན་དགའ་བོས་ངའི་རིམ་གྲོ་བྱས་ན་ཐུགས་ལ་མི་འཐད་པ་མ་
D1.004.0152a07.01