完整藏文原文 · 德格版页 当前仅加载第 4 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡིན་པ་དེ་དང་ཧ་ཅང་ཡང་མི་རིང་བ་ཞིག་ན་ཨ་རུ་ར་ཆེན་པོའི་ཚལ་ཡོད་དེ། དེ་ནས་ཁ་དོག་དང་། དྲི་དང་། རོ་དང་ལྡན་པའི་ཨ་རུ་ར་བླངས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་
D1.004.0037b01.01ཏུ་འདུག་གོ། །ཕྱོགས་གཅིག་ཏུ་འདུག་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བསེར་མའི་སྙུན་ནད་ཀྱིས་ཐེབས་པར་བདག་གིས་འཚལ་ནས་ཤིང་འཛམ་བུ་ཞེས་བགྱི་བས་འཛམ་བུའི་གླིང་དུ་བཏགས་པ་གང་
D1.004.0037b02.01ལགས་པ་དེ་དང་ཧ་ཅང་ཡང་མི་རིང་བ་ན་ཨ་རུ་ར་ཆེན་པོའི་ཚལ་མཆིས་ཏེ། དེ་ནས་བདག་གིས་ཁ་དོག་དང་། དྲི་དང་། རོར་ལྡན་པའི་ཨ་རུ་ར་འདིར་འཚལ་ཏེ་མཆིས་ཀྱིས་དེ་བཅོམ་ལྡན་འདས་ཀྱིས་གསོལ་ཅིག །བཅོམ་ལྡན་འདས་ཀྱིས་དེ་གསོལ་དང་། བསེར་མ་དང་མཐུན་པར་འགྱུར་
D1.004.0037b03.01ཞིང་བསེར་མའི་སྙུན་ཉེ་བར་ཞི་བར་འགྱུར་རོ། །བཅོམ་ལྡན་འདས་ཀྱིས་དེ་གསོལ་བ་དང་རླུང་དང་མཐུན་པར་གྱུར་ནས་རླུང་ནད་ཀྱི་སྙུན་ཉེ་བར་ཞི་བར་གྱུར་ཏོ། །དེས་ན་བཅོམ་ལྡན་འདས་ཤིན་ཏུ་བཟོད་ཅིང་ལྷག་པར་འཚོ་བར་གྱུར་ཏོ། །དེ་ནས་བཅོམ་ལྡན་འདས་ཇི་ཙམ་དགྱེས་ཀྱི་བར་
D1.004.0037b04.01དུ་བྱང་ཆུབ་ཀྱི་ཤིང་དྲུང་དུ་བཞུགས་ནས་ཀླུའི་རྒྱལ་པོ་བཏང་བཟུང་གི་གནས་གང་ན་བ་དེར་གཤེགས་ཏེ་བྱོན་ནས་ཤིང་ཞིག་གི་དྲུང་དུ་བརྟེན་ཏེ་སྐྱིལ་མོ་ཀྲུང་བཅས་ནས་སྐུ་དྲང་པོར་བསྲང་སྟེ་དྲན་པ་མངོན་དུ་ཕྱོགས་པར་བཞག་ནས་བཞུགས་སོ། །དེའི་ཚེ་ཀླུའི་རྒྱལ་པོ་བཏང་བཟུང་གི་
D1.004.0037b05.01གནས་སུ་ཞག་བདུན་དུ་དུས་མ་ཡིན་པའི་སྤྲིན་ཆགས་པར་གྱུར་ཏོ། །དེ་ནས་ཀླུའི་རྒྱལ་པོ་བཏང་བཟུང་གིས་ཞག་བདུན་དུ་དུས་མ་ཡིན་པའི་སྤྲིན་ཆགས་པར་རིག་ནས་གནས་ནས་མངོན་པར་འཕགས་ཏེ། བཅོམ་ལྡན་འདས་ཞག་བདུན་པོ་འདི་ལ་བསེར་བར་འགྱུར་དུ་འོང་། ཚ་བ་དང་། སྦྲང་
D1.004.0037b06.01མ་དང་། ཤ་སྦྲང་དང་། རླུང་དང་། ཉི་མ་དང་། སྡིག་སྦྲུལ་གྱི་རེག་པས་སྐུ་ལ་གནོད་པར་འགྱུར་དུ་འོང་ཞེས་ལུས་ཀྱིས་བཅོམ་ལྡན་འདས་ལ་ལན་བདུན་དུ་དཀྲིས་ཏེ་སྟེང་དུ་མགོའི་གདེངས་ཀ་ཆེན་པོ་བྱས་ནས་འདུག་གོ། །དེ་ནས་ཀླུའི་རྒྱལ་པོ་བཏང་བཟུང་གིས་ཞག་བདུན་གྱི་དུས་མ་ཡིན་
D1.004.0037b07.01