完整藏文原文 · 德格版页 当前仅加载第 4 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
མ་བཏུབ་སྟེ། དེར་ཐོག་མར་བཅོམ་ལྡན་འདས་ཀྱི་བཀའ་ལྷ་སྦྱིན་གྱིས་བཅག་གོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཤཱཀྱའི་རྒྱལ་པོ་བཟང་ལྡན་གྱིས་ཉེ་བ་འཁོར་
D1.004.0107a01.01ལ་ཕྱག་བགྱིས་པ་དང་ས་ཆེན་པོ་འདི་རྣམ་པ་དྲུག་ཏུ་གཡོས་པར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། འདི་ནི་ཆོས་ཉིད་ཡིན་ཏེ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད། འདི་ལྟར་འདས་པའི་དུས་ན་ཡང་འདིས་དེའི་རྐང་པ་ལ་གཏུགས་པ་
D1.004.0107a02.01ན་ས་ཆེན་པོ་རྣམ་པ་དྲུག་ཏུ་གཡོས་པ་དེ་ཉོན་ཅིག །དགེ་སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ན་རྒྱལ་པོ་ཚངས་སྦྱིན་ཞེས་བྱ་བ་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ། སྐྱེ་བོ་དང་། མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་བཅུག་གོ། །དེའི་ཚེ་
D1.004.0107a03.01བཱ་རཱ་ཎ་སཱིའི་གྲོང་ཁྱེར་ན་སྨད་འཚོང་མ་བཟང་མོ་ཞེས་བྱ་བ་ཞིག་གནས་པ་དེའི་དྲུང་དུ་བྲམ་ཟེའི་ཁྱེའུ་མཛེས་དགའ་ཞེས་བྱ་བ་སོང་ནས་སྨྲས་པ། བཟང་མོ་དགའ་མགུར་སྤྱད་ཀྱིས་ཚུར་ཤོག །དེས་སྨྲས་པ། ཁྱོད་ལ་ཀཱར་ཥཱ་པཱ་ཎ་ལྔ་བརྒྱ་ཡོད་དམ། དེས་སྨྲས་པ་མེད་དོ། །སོང་
D1.004.0107a04.01ལ་ཀཱར་ཥཱ་པ་ཎ་ལྔ་བརྒྱ་ཁྱེར་ཏེ་ཤོག་ཤིག །དེ་ལ་འབྱོར་པ་མེད་ཀྱང་དེ་དེ་ལ་ལྷག་པར་ཆགས་པས་དུས་དུས་སུ་མེ་ཏོག་དང་འབྲས་བུ་རྣམ་པ་སྣ་ཚོགས་སྐྱེལ་བར་བྱེད་པ་དང་། དེ་དེ་ལ་སྡུག་པ་སྐྱེས་སོ། །ཇི་ཙམ་དུས་གཞན་ཞིག་ན་བཱ་རཱ་ཎ་སཱིར་དུས་སྟོན་བྱུང་ནས་བུད་མེད་ཐམས་ཅད་གོས་
D1.004.0107a05.01དང་། ཕྲེང་བ་དང་། རྒྱན་རྣམས་ཀྱིས་བཀླུབས་ནས་རང་གི་ཁྱིམ་ན་རྩེ་ཞིང་དགའ་བ་མང་པོས་གནས་པ་དེ་བྲམ་ཟེའི་ཁྱེའུ་མཛེས་{དགའས་,དགས་}མཐོང་ནས་ཡི་ཆད་པར་གྱུར་ཏེ། སྨད་འཚོང་མ་བཟང་མོས་བསམས་པ། དེ་རིང་བཱ་རཱ་ཎ་སཱིའི་མི་རྣམས་གོས་དང་། ཕྲེང་བ་དང་། རྒྱན་རྣམས་
D1.004.0107a06.01ཀྱིས་བཀླུབས་ནས་རང་རང་གི་ཆུང་མ་རྣམས་དང་ལྷན་ཅིག་དགའ་མགུར་སྤྱོད་པར་འགྱུར་ན། བྲམ་ཟེའི་ཁྱེའུ་མཛེས་དགའ་སུ་ཞིག་དང་དགའ་མགུར་སྤྱོད་པར་འགྱུར་ཞེས་དེ་དེ་སྙམ་དུ་སེམས་ཤིང་བྲམ་ཟེའི་ཁྱེའུ་མཛེས་དགའ་གང་ན་ཡོད་པའི་ཕྱོགས་དེར་འོངས་ནས། དེས་དེ་མཐོང་བ་དང་།
D1.004.0107a07.01