完整藏文原文 · 德格版页 当前仅加载第 4 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་ཆོས་འཆད་པ་དེ་བདག་གིས་བལྟའོ་སྙམ་པའི་འདོད་པ་སྐྱེས་སོ། །དེ་ནས་རྒྱལ་པོ་ཟས་གཙང་ཞུམ་པའི་རྒྱུད་གང་ཡིན་པ་དེ་དང་བྲལ་བར་གྱུར་ཏོ། །བཅོམ་ལྡན་འདས་ཀྱིས་དགོངས་པ། རྒྱལ་པོ་ཟས་གཙང་གིས་གལ་ཏེ་ང་མ་མཐོང་ན་ཁྲག་དྲོན་མོ་སྐྱུགས་ནས་འཆི་བར་འགྱུར་
D1.004.0100b01.01བའི་གནས་སྐབས་གང་ཡིན་པ་དེ་ཡོད་པས་དེ་ལ་ཐབས་ཤིག་བཤམ་པར་བྱའོ་སྙམ་ནས། བཅོམ་ལྡན་འདས་ཀྱིས་རིན་པོ་ཆེ་སྣ་བཞིའི་ཁང་པ་བརྩེགས་པ་གང་ཡིན་པ་དེ་ཤེལ་ལས་བྱས་པར་སྤྲུལ་པ་དང་། དེས་ན་རྒྱལ་པོ་ཟས་གཙང་གིས་སངས་རྒྱས་ཀྱི་སྐུ་སྒྲིབ་པ་མེད་པར་མཐོང་ངོ་། །
D1.004.0100b02.01མཐོང་ནས་ཀྱང་དགའ་བ་དང་མགུ་བ་སྐྱེས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཟས་གཙང་གི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་མཁྱེན་ནས་འཕགས་
D1.004.0100b03.01པའི་བདེན་པ་བཞི་སོ་སོར་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་མཛད་དེ། དེ་ཐོས་པས་རྒྱལ་པོ་ཟས་གཙང་གིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེ་བདེན་པ་མཐོང་
D1.004.0100b04.01ནས་ལན་གསུམ་དུ་ཆེད་དུ་བརྗོད་པ་ཆེད་དུ་བརྗོད་པ། བཙུན་པ་བཅོམ་ལྡན་འདས་བདག་ལ་ཕས་མ་བགྱིས། མས་མ་ལགས། རྒྱལ་པོས་མ་ལགས། ལྷ་རྣམས་ཀྱིས་མ་ལགས། སྔོན་གྱི་འདས་པ་རྣམས་ཀྱིས་མ་ལགས། དགེ་སྦྱོང་དང་བྲམ་ཟེ་རྣམས་ཀྱིས་མ་ལགས།
D1.004.0100b05.01སྡུག་པ་དང་། རང་གི་སྐྱེ་བོ་དང་། གཉེན་གྱི་ཚོགས་ཀྱིས་མ་ལགས་པ་གང་ལགས་པ་དེ་ནི་བཅོམ་ལྡན་འདས་ཀྱིས་བདག་ལ་མཛད་དེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་བོ་དག་ལས་ནི་བསྒྲལ། ངན་སོང་གི་སྒོ་རྣམས་ནི་བཀུམ། མཐོ་རིས་དང་ཐར་པའི་སྒོ་རྣམས་
D1.004.0100b06.01ནི་ཕྱེ། བདག་ལྷ་དང་མི་རྣམས་སུ་ནི་བཞག་གོ། །ཡང་གསོལ་པ། ཕ་ལ་ལན་དུ་ཕན་གདགས་པ། །དམ་པའི་བུས་ནི་བགྱི་བ་གང་། །ཁྱོད་ཀྱིས་བདག་ལ་མཛད་ལགས་ཏེ། །སེམས་ནི་གྲོལ་བར་གཞོལ་བར་བགྱིས། །ཁྱོད་ཀྱིས་བདག་ནི་ངན་འགྲོ་ལས། །དྲངས་ཏེ་
D1.004.0100b07.01