完整藏文原文 · 德格版页 当前仅加载第 4 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ནི་བྱེད་པར་འགྱུར། །ཇི་ལྟར་སྙན་དངགས་མཁན་དེ་གླགས་རྙེད་ནས། །སྲ་རྩི་ཅན་བུ་ལྟ་བུ་དེ་བསད་ཡིན། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རྒྱལ་པོ་སྲ་རྩི་ལྡན་གྱི་བུ་ཉི་མའི་མུ་ཁྱུད་ཅེས་བྱ་བ་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་སྙན་
D1.004.0236b01.01དངགས་མཁན་གང་ཡིན་པ་དེ་ནི་ང་ཉིད་ཡིན་ཏེ། དེ་ན་ཡང་འདིས་ང་ལ་ཤར་གཉེར་ལ་ད་ལྟར་ཡང་འདིས་ཤར་གཉེར་རོ། །གཞན་ཡང་ཇི་ལྟར་འདིས་ང་ལ་ཤར་གཉེར་བ་དེ་ཉོན་ཅིག །དགེ་སློང་དག་སྔོན་བྱུང་བ་རི་འོར་ཞིག་ན་ནོར་བུ་མཁན་གཉིས་ཤིག་གནས་ཏེ་དེ་གཉིས་ཀྱིས་ལམ་པོ་ཆེ་
D1.004.0236b02.01དང་གྲོང་བགོས་སོ། །དེའི་ཚེ་ཚོང་པ་འབྱོར་པ་ཡོངས་སུ་ཟད་པ་ཞིག་ཡོད་པ་དེ་ནོར་བུའི་སྣོད་ཁྱེར་ནས་རི་འོར་དེར་ཕྱིན་ཏོ། །ད་ནས་ལམ་གྱིས་དུབ་པ་ངལ་སོས་ནས་ནོར་བུ་མཁན་གཅིག་གི་དྲུང་དུ་སོང་སྟེ་སྨྲས་པ། ནོར་བུའི་སྣོད་འདི་རིན་ཐང་ཆོད་ཅིག །དེས་དེའི་རིན་ཐང་ཆུང་ངུ་ཞིག་ཏུ་
D1.004.0236b03.01བཅད་པ་དང་། དེས་སྨྲས་པ། འདི་ལྟར་ཁོ་བོ་ལོངས་སྤྱོད་ལས་ཉམས་ཀྱང་ཤེས་རབ་ལས་མ་ཡིན་པས་ཁོ་བོས་འདི་ཅི་རི་བ་ལྟ་ཤེས་ན། དེ་སྐད་དུ་སྨྲ་བ་ཅིའི་ཐ་ཚིག །དེ་དེའི་དྲུང་ནས་ལོག་པ་སྟེ། ཅིག་ཤོས་ཀྱི་དྲུང་དུ་སོང་ནས་སྨྲས་པ། ནོར་བུའི་སྣོད་འདི་རིན་ཐང་ཆོད་ཅིག །
D1.004.0236b04.01དེས་དེའི་རིན་ཐང་ཐོག་ཏུ་བབ་པར་བཅད་ནས་དེས་སྨྲས་པ། འདི་སྙེད་ཀྱི་རིན་ཐང་རེ་ཞིག་བདག་ལ་མི་བདོག་གོ། །དེས་སྨྲས་པ། ཅི་བདོག་པ་དེ་བྱིན་ལ་ཁྱེར་ཅིག །དེས་བླངས་སོ། །ནོར་བུ་མཁན་ཅིག་ཤོས་པོ་དེས་ཐོས་ནས། དེ་མི་བཟོད་པ་སྐྱེས་ཏེ། དེའི་དྲུང་དུ་སོང་ནས་བདག་
D1.004.0236b05.01གིས་འདི་ཐོག་མར་ཁྱིམ་དུ་ཁྲིད་ཅིང་བདག་གིས་འདིའི་རིན་ཐང་ཡང་བཅད་ན་ཁྱོད་ཀྱིས་ཅིའི་ཕྱིར་བཀུར། དེ་གཉིས་ཕན་ཚུན་འཁོན་བྱུང་བར་གྱུར་ཏོ། །དགེ་སློང་དག་དེ་ཇི་སྙམ་དུ་སེམས། དེའི་ཚེ་དེའི་དུས་ཀྱི་ནོར་བུ་མཁན་ནོར་བུའི་སྣོད་རིན་ཐང་ཆུང་ངུར་གཅོད་པ་གང་ཡིན་པ་དེ་ནི་ལྷ་སྦྱིན་
D1.004.0236b06.01འདི་ཉིད་ཡིན་ནོ། །དེའི་ཚེ་དེའི་དུས་ཀྱི་ནོར་བུ་མཁན་ཅིག་ཤོས་རིན་ཐང་ཐོག་ཏུ་བབ་པར་གཅོད་པ་གང་ཡིན་པ་དེ་ནི་ང་ཉིད་ཡིན་ཏེ། དེ་ན་ཡང་ངེད་ཕན་ཚུན་མི་མཐུན་པར་གྱུར་ཏེ། ད་ལྟར་ཡང་ངེད་ཕན་ཚུན་མི་མཐུན་པར་གྱུར་ཏོ། །གཞན་ཡང་ཇི་ལྟར་ངེད་མི་མཐུན་པར་གྱུར་པ་
D1.004.0236b07.01