完整藏文原文 · 德格版页 当前仅加载第 4 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །འགྲོ་བར་ལྷ་མིན་ལྷ་དང་མིས་མཆོད་པ། །སྐྱེ་དང་རྒ་དང་ན་འཆི་བྲལ་བ་པོ། །སྲིད་པ་སྟོང་དུ་མཐོང་བར་རབ་དཀའ་བ། །ཐུབ་པ་དེང་ཁྱོད་མཐོང་བའི་འབྲས་བུ་མཆིས། །དེ་ནས་དོ་ཤལ་རབ་འཕྱང་དག་འགྱུར་པ། །ཞབས་གཉིས་ལ་ནི་མངོན་པར་ཕྱག་
D1.004.0225a01.01འཚལ་ནས། །དགྲ་ཐུབ་པ་ལ་གཡས་ནས་བསྐོར་བྱས་ནས། །ལྷ་ཡི་འཇིག་རྟེན་མངོན་ཕྱོགས་མཁའ་ལ་སོང་། །དེ་ནས་སྔོན་གནོད་སྦྱིན་བྱེད་བྱེད་པའི་ལྷའི་བུ་ཚོང་བ་ཁེ་སྤོགས་རྙེད་པ་ལྟ་བུ་དང་། ཞིང་པ་ལོ་ཐོག་ལེགས་པ་ལྟ་བུ་དང་། དཔའ་བོ་གཡུལ་ངོ་རྒྱལ་བ་ལྟ་བུ་དང་། ནད་པ་
D1.004.0225a02.01ནད་ཐམས་ཅད་ལས་ཡོངས་སུ་ཐར་བ་ལྟ་བུར་འབྱོར་བ་གང་གིས་བཅོམ་ལྡན་འདས་ཀྱི་སྤྱན་སྔར་སོང་བའི་འབྱོར་བ་དེ་ཉིད་ཀྱིས་རང་གི་གནས་སུ་སོང་ངོ་། །དགེ་སློང་རྣམས་ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་རྣལ་འབྱོར་ལ་རྗེས་སུ་བརྩོན་པས་གནས་པ་ན། དེ་རྣམས་ཀྱིས་བཅོམ་ལྡན་འདས་ཀྱི་
D1.004.0225a03.01སྤྱན་སྔ་ན་སྣང་བ་རྒྱ་ཆེན་པོ་དེ་མཐོང་ངོ་། །མཐོང་ནས་ཐེ་ཚོམ་སྐྱེས་ཏེ་བཅོམ་ལྡན་འདས་ལ་ཞུས་པ། བཅོམ་ལྡན་འདས་ཅི་ལགས། མདང་སུམ་བཅོམ་ལྡན་འདས་ལ་བལྟ་བའི་སླད་དུ་མི་མཇེད་ཀྱི་བདག་པོ་ཚངས་པའམ། ལྷ་རྣམས་ཀྱི་དབང་པོ་བརྒྱ་བྱིན་ནམ། འཇིག་རྟེན་སྐྱོང་བ་བཞི་མཆིས་
D1.004.0225a04.01ལགས་སམ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ངལ་བལྟ་བའི་ཕྱིར་འོངས་པ་ནི་མི་མཇེད་ཀྱི་བདག་པོ་ཚངས་པ་ཡང་མ་ཡིན། ལྷ་རྣམས་ཀྱི་དབང་པོ་བརྒྱ་བྱིན་ཡང་མ་ཡིན། འཇིག་རྟེན་སྐྱོང་བ་བཞི་ཡང་མ་ཡིན་ཏེ། དེ་ལྟ་མོད་ཀྱི་ལྷ་སྦྱིན་ང་བསད་པའི་ཕྱིར་འབད་
D1.004.0225a05.01པས་བྱ་རྒོད་ཀྱི་ཕུང་པོའི་རི་ལས་སྒྱོགས་ཀྱི་རྡོ་འཕངས་པ་གང་ཡིན་པ་དེ་བར་སྣང་ཉིད་ལ་གནོད་སྦྱིན་ལག་ན་རྡོ་རྗེས་ཕྱེ་མར་བྱས་པ་དེའི་ཕྱེད་ངའི་སྟེང་དུ་ལྷུང་བ་གནོད་སྦྱིན་ཀུམ་བི་རས་གཟུང་ཉེས་པས་དེ་དེས་བསད་དོ། །ང་ལ་སེམས་མངོན་པར་དད་པར་བྱས་ནས་ཤི་བས་སུམ་བཅུ་རྩ་གསུམ་པའི་ལྷ་གྱ་
D1.004.0225a06.01ནོམ་པ་རྣམས་ཀྱི་ནང་དུ་སྐྱེས་པ་ཡིན་ཏེ། དེ་མདང་སུམ་ངའི་སྤྱན་སྔར་འོངས་ནས་ངས་དེ་ལ་ཆོས་བཤད་དེ་བདེན་པ་མཐོང་བར་བྱས་ནས་རང་གི་གནས་སུ་སོང་བ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། གཅིག་
D1.004.0225a07.01