完整藏文原文 · 德格版页 当前仅加载第 4 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་གཞི་ན་བུད་མེད་ཡིད་འཕྲོག་པ་གཟུགས་བཟང་བ་རྣམས་དང་། གར་དང་གླུ་དང་། རོལ་མོ་རྣམས་ཀྱི་སྤྱོད་པས་བསྙེན་བཀུར་བྱེད་དུ་བཅུག་གོ། །བློན་པོ་རྣམས་ནི་དཔུང་གི་ཚོགས་ཡན་ལག་བཞི་དང་ལྷན་ཅིག་ར་བའི་ཕྱི་རོལ་ཁོ་ར་ཁོར་ཡུག་ཏུ་གཅན་པ་བྱེད་དུ་
D1.004.0008a01.01བཅུག་གོ། །སྐས་སྤོར་རུང་བ་མི་ལྔ་བརྒྱས་ཚུགས་པ་ཡང་བྱས་སོ། །བཙུན་མོའི་འཁོར་གྱི་སྒོར་ཡང་སྒོ་ཕྱེ་ན་དེའི་སྒྲས་རྒྱལ་པོ་ཟས་གཙང་གི་ཕོ་བྲང་དུ་གྲག་ཅིང་དེ་ཐོས་ནས་བཙུན་མོའི་འཁོར་གྱི་མི་དང་། གྲོང་ཁྱེར་གྱི་སྒོ་སྲུང་རྣམས་དང་། ཕོ་བྲང་འཁོར་གྱི་མི་གྲོང་ཁྱེར་གྱི་ཕྱི་རོལ་
D1.004.0008a02.01ནས་སྲུང་དུ་བཅུག་པ་རྣམས་བག་དང་ཆས་ཏེ་འདུག་པར་འགྱུར་བ་དེ་ལྟ་བུ་བཏགས་སོ། །བྱང་ཆུབ་སེམས་དཔའ་ནི་སྟེང་གི་ཁང་{བཟངས་ཀྱི་,བཟང་གི་}གཞི་སྐྱེས་པ་མེད་པར་ཞུགས་ནས་པི་བང་དང་། གླིང་བུ་དང་། འཁར་རྔ་དང་། སྒྲ་སྙན་ལ་སོགས་པ་རོལ་མོའི་ཆ་སྤྱད་དག་ཉེ་བར་ལེན་ཅིང་འབྱོར་
D1.004.0008a03.01པ་ཆེན་པོས་བཞུགས་སོ། །མཚན་མོ་ནི་རྒྱལ་པོ་ཟས་གཙང་ཡང་དཔུང་གི་ཚོགས་ཡན་ལག་བཞི་དང་ཤར་སྒོའི་ཕྱི་རོལ་ན་འདུག་གོ། །ལྷོ་ཕྱོགས་ན་ནི་བྲེ་བོ་ཟས་སོ། །ནུབ་ཕྱོགས་ན་ནི་ཟས་དཀར་རོ། །བྱང་ཕྱོགས་ན་ནི་ཚད་མེད་ཟས་སོ། །གྲོང་ཁྱེར་གྱི་དབུས་ཀྱི་འགྲམ་པོ་བྱེད་པ་ནི་
D1.004.0008a04.01ཤཱཀྱ་མིང་ཆེན་ནོ། །དེ་ཤར་སྒོར་སོང་ནས་སྨྲས་པ། སུ་ཞིག་མེལ་ཚེ་བྱེད། སུ་ཞིག་མེལ་ཚེ་བྱེད་རྒྱལ་པོ་ཟས་གཙང་གིས་སྨྲས་པ། ཁོ་བོ་མེལ་ཚེ་བྱེད་དོ། །ལྷ་མེལ་ཚེ་མཛོད་ཅིག །མེལ་ཚེ་མཛད་དང་ཁྱོད་ལ་ལེགས་པར་འགྱུར་རོ་ཞེས་སྨྲས་ཏེ། ཚིགས་སུ་བཅད་དེ་སྨྲས་པ། འཇིག་
D1.004.0008a05.01རྟེན་གཉིད་ལོག་རོ་དང་མཚུངས། །གཉིད་ལོག་བདུད་ཀྱི་དབང་དུ་སོང་། །འདི་ན་མི་ཉལ་རྟག་ཏུ་མཁས། །དེ་བས་མ་ཉལ་མེལ་ཚེ་བྱོས། །ལྷོ་སྒོར་སོང་ནས་སྨྲས་པ། སུ་ཞིག་མེལ་ཚེ་བྱེད། སུ་ཞིག་མེལ་ཚེ་བྱེད། བྲེ་བོ་ཟས་ཀྱིས་སྨྲས་པ། ཁོ་བོ་མེལ་ཚེ་བྱེད་དོ། །ལྷ་མེལ་ཚེ་
D1.004.0008a06.01མཛོད་ཅིག །མེལ་ཚེ་མཛད་དང་ཁྱོད་ལ་ལེགས་པར་འགྱུར་རོ་ཞེས་སྨྲས་ནས་ཚིགས་སུ་བཅད་དེ་སྨྲས་པ། འཇིག་རྟེན་གཉིད་ལོག་རོ་དང་མཚུངས། །གཉིད་ལོག་བདུད་ཀྱི་དབང་དུ་སོང་། །གཉིད་ལོག་འཆི་བདག་དབང་དུ་སོང་། །དེ་བས་མ་ཉལ་མེལ་ཚེ་བྱོས། །ནུབ་སྒོར་སོང་ནས་
D1.004.0008a07.01