完整藏文原文 · 德格版页 当前仅加载第 4 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་གྱི་དབྱེན་དུ་མི་འགྱུར་རོ། །གང་ན་གཉིས་དང་གསུམ་ནས་བརྒྱད་ཀྱི་བར་གནས་པ་དེ་ན་ཡང་དགེ་འདུན་གྱི་དབྱེན་དུ་མི་འགྱུར་རོ། །གང་ན་དགེ་སློང་དགུ་འམ་ལྷག་པ་ཡོད་པ་དེ་ན་རྒྱུ་གཉིས་ཀྱིས་དགེ་འདུན་གྱི་དབྱེན་དུ་འགྱུར་ཏེ། གསོལ་བའི་ལས་དང་ཚུལ་
D1.004.0297b01.01ཤིང་ལེན་པས་སོ། །གསོལ་བའི་ལས་ཇི་ལྟ་བུ་ཞེ་ན་འདི་ལྟར་ལྷ་སྦྱིན་གྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་དེ། ཚེ་དང་ལྡན་པ་དགེ་སྦྱོང་གཽ་ཏ་མ་ནི་འདི་སྐད་ཅེས་བརྟུལ་ཞུགས་ཀྱི་གཞི་
D1.004.0297b02.01ལྔས་དགེ་སློང་དག་པ་དང་། གྲོལ་བ་དང་། ངེས་པར་འབྱུང་བ་དང་། བདེ་བ་དང་། སྡུག་བསྔལ་ལས་འདའ་བར་འགྱུར། བདེ་བ་དང་སྡུག་བསྔལ་ལས་འདས་པ་ཐོབ་པར་གྱུར་ཏེ། ཚེ་དང་ལྡན་པ་དག་ལྔ་གང་ཞེ་ན། དགེ་སློང་དགོན་པ་ཉིད་ནི་
D1.004.0297b03.01དག་པ་དང་། གྲོལ་བ་དང་། ངེས་པར་འབྱུང་བ་དང་། བདེ་བ་དང་། སྡུག་བསྔལ་ལས་འདའ་བར་འགྱུར། བདེ་བ་དང་སྡུག་བསྔལ་ལས་འདས་པ་ཐོབ་པར་འགྱུར་རོ། །ཚེ་དང་ལྡན་པ་དག་དགེ་སློང་ཤིང་དྲུང་ཉིད་དང་། བསོད་སྙོམས་པ་ཉིད་
D1.004.0297b04.01དང་། ཆོས་གོས་གསུམ་པ་ཉིད་དང་། ཕྱག་དར་ཁྲོད་པ་ཉིད་ནི་དག་པ་དང་། གྲོལ་བ་དང་། ངེས་པར་འབྱུང་བ་དང་། བདེ་བ་དང་སྡུག་བསྔལ་ལས་འདའ་བར་འགྱུར། བདེ་བ་དང་སྡུག་བསྔལ་ལས་འདས་པ་ཐོབ་པར་འགྱུར་རོ་ཞེས་ཟེར་ན། ཚེ་དང་
D1.004.0297b05.01ལྡན་པ་དག་ཁྱེད་ཅག་ལས་གང་བརྟུལ་ཞུགས་ཀྱི་གཞི་ལྔ་པོ་འདི་དག་གིས་དག་པ་དང་། གྲོལ་བ་དང་། ངེས་པར་འབྱུང་བར་མི་བཟོད་པ་དེ་དག་དགེ་སྦྱོང་གཽ་ཏ་མ་ལས་རིང་དུ་གྱིས་ཤིག །ཐ་དད་པར་གྱིས་ཤིག །རྒྱང་སྲིངས་ཤིག་ཅེས་ཟེར་བ་འདི་ནི་
D1.004.0297b06.01གསོལ་བ་སྟེ། དེ་ལྟ་བུ་ནི་གསོལ་བའི་ལས་ཀྱིས་ཡིན་ནོ། །ཚུལ་ཤིང་ལེན་པ་ཇི་ལྟ་བུ་ཞེ་ན། འདི་ལྟར་ལྷ་སྦྱིན་གྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་དེ། ཚེ་དང་ལྡན་པ་དག་དགེ་
D1.004.0297b07.01