完整藏文原文 · 德格版页 当前仅加载第 4 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས་སོ། །དེར་རང་སངས་རྒྱས་དེ་རྣམས་ལ་སྨྲས་པ། འཕགས་པ་རྣམས་བཞུགས་ཤིག་ཁྱེད་ཀྱི་གདུགས་ཚོད་ཀྱི་དུས་གང་ལགས། དེ་རྣམས་ཀྱིས་སྨྲས་པ། ཁྱིམ་བདག་ཉི་མ་ཕྱེད་མ་ཡོལ་བར་རོ། །དེ་ནས་ཁྱིམ་བདག་སྡུམས་བྱེད་ཀྱིས་སྦྱིན་གཏོང་
D1.004.0120a01.01གི་ཁང་པ་རྩིག་ཏུ་བཅུག་ནས་སྦྱིན་གཏོང་གི་ཞལ་ཏ་བྱེད་པའི་མི་དང་དུས་ཚོད་སྦྲོན་པ་ཡང་བཞག་ནས་དེ་རྣམས་ཉི་མ་རེ་རེ་ཞིང་ལྷགས་ནས་ཟས་ཀྱི་བྱ་བ་བྱེད་དོ། །དགྲ་བཅོམ་པ་སྟོང་པོ་དེའི་དགེ་འདུན་གྱི་གནས་བརྟན་གང་ཡིན་པ་དེ་ལྷག་པར་མཛེས་པ་མགོ་གདུགས་ལྟར་འདུག་
D1.004.0120a02.01པས་འཁོར་དེ་ལ་གདུགས་ལྟར་བྱས་ཏེ་གནས་སོ། །ཁྱིམ་བདག་སྡུམས་བྱེད་ཀྱི་བུ་མོས་དགེ་འདུན་གྱི་གནས་བརྟན་དེའི་མགོ་གདུགས་ལྟར་འདུག་ཅིང་ཁ་དོག་རྒྱས་པ་མཆོག་དང་ལྡན་པར་མཐོང་ནས་ཀྱང་ལྷག་པར་དད་པ་སྐྱེས་སོ། །ཇི་ཙམ་དུས་གཞན་ཞིག་ན་དྲོལ་བབ་པ་དང་
D1.004.0120a03.01ལྷས་ཆར་དབབ་པར་བརྩམས་སོ། །དེ་ནས་བུ་མོ་དེས་དགེ་འདུན་གྱི་གནས་བརྟན་གྱི་སྤྱི་བོར་གདུགས་བཟུང་ནས་ཟན་ཟོས་ཟིན་པ་དང་། རྐང་པ་གཉིས་ལ་གཏུགས་ཏེ་སྨོན་ལམ་བཏབ་པ། དགེ་བའི་རྩ་བ་འདིས་ཇི་ལྟར་འཕགས་པ་འདི་ཡོན་ཏན་གྱི་ཚོགས་ཅི་འདྲ་བའི་རྣམ་པ་འདི་
D1.004.0120a04.01ལྟ་བུ་དག་ཐོབ་པས་འདི་འཁོར་ལ་གདུགས་ལྟ་བུར་བྱས་ཏེ་གནས་པ་དེ་བཞིན་དུ་བདག་ཀྱང་འཁོར་ལ་གདུགས་ལྟ་བུར་བྱས་ཏེ་གནས་པར་གྱུར་ཅིག་ཅེས་བཏབ་བོ། །དགེ་སློང་དག་ཇི་སྙམ་དུ་སེམས། ཁྱིམ་བདག་སྡུམས་བྱེད་ཀྱི་བུ་མོ་གང་ཡིན་པ་དེ་དགེ་སློང་ཀུན་ཤེས་ཀཽཎྜི་ནྱ་འདི་ཉིད་
D1.004.0120a05.01ཡིན་ཏེ། དེ་ན་འདི་གཞོན་ནུ་མར་གྱུར་པ་ན་རང་སངས་རྒྱས་ཀྱི་དགེ་འདུན་གྱི་གནས་བརྟན་གྱི་གདུགས་བཟུང་ནས་སྨོན་ལམ་དུ་ཡོན་ཏན་གྱི་ཚོགས་འདི་ལྟ་བུ་ཐོབ་ནས་འཁོར་ལ་གདུགས་ལྟ་བུར་བྱས་ཏེ་གནས་པར་གྱུར་ཅིག་ཅེས་བཏབ་བོ། །དེས་ན་ད་ལྟར་ཉོན་མོངས་པ་ཐམས་ཅད་
D1.004.0120a06.01སྤངས་ཏེ་དགྲ་བཅོམ་པ་མངོན་སུམ་དུ་བྱས་ནས་ཀྱང་འཁོར་ལ་གདུགས་ལྟ་བུར་བྱས་ཏེ་གནས་སོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ་ཞེས་བྱ་བ་ནས་དགེ་སློང་དག་དེ་ལྟ་བུ་ལ་ཁྱེད་ཀྱིས་བསླབ་པར་བྱའོ་ཞེས་
D1.004.0120a07.01