完整藏文原文 · 德格版页 当前仅加载第 4 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་པ་དེའི་ཚེ་བསྡིགས་ཀྱང་བརྙས་ཐབས་བྱེད་དོ། །ཇི་ཙམ་དུས་གཞན་ཞིག་ན་དྲང་སྲོང་དེས་དྲག་ཏུ་བསྡིགས་པ་དང་དྲང་སྲོང་དེ་ཉིད་བསད་པར་བརྒྱུགས་པ་དང་། དྲང་སྲོང་དེས་སྤྱིལ་བུའི་གློ་ཕུག་ནས་བྲོས་སོ། །ལྷས་ཚིགས་སུ་བཅད་པས་སྨྲས་པ། སེམས་
D1.004.0176b01.01ཅན་རབ་གདུག་བྱས་པ་ཆུད་གསོན་པའི། །སྐྱེས་བུ་ངན་དང་འགྲོགས་པ་བཟང་པོ་མིན། །ཇི་ལྟར་ཀཽ་ཤི་ཀའི་བསྟི་གནས་སུ། །ཡུན་རིང་བསྐྱེད་པའི་གླང་ཆེན་སྡིག་བྱེད་བཞིན། །གུས་པས་ཟས་དང་སྐོམ་དང་གཉི་ག་ཡིས། །སྐྱེ་བོ་ངན་བསྟེན་ཁྱོད་ལ་ཅི་ཞིག་དགོས། །
D1.004.0176b02.01ངེས་པར་ཀཽ་ཤི་ཀའི་བསྟི་གནས་སུ། །གླང་ཆེན་བཞིན་དུ་དེ་ཡིས་མཐར་གྲོགས་གསོད། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་གླང་པོ་ཆེ་དམ་པ་
D1.004.0176b03.01གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེའི་ཚེ་དེའི་དུས་ན་ཡང་འདི་བྱས་པ་མི་གཟོ་ཞིང་བྱས་པ་མི་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་ཞིང་བྱས་པ་མི་ཚོར་བ་ཡིན་ནོ། །གཞན་ཡང་འདི་ལྟར་འདི་བྱས་པ་མི་གཟོ་ཞིང་བྱས་པ་མི་ཚོར་བ་དེ་ཉོན་ཅིག །
D1.004.0176b04.01དགེ་སློང་དག་སྔོན་བྱུང་བ་འདས་པའི་དུས་ན་གྲོང་ཁྱེར་བཱ་རཱ་ཎ་སཱིར་རྒྱལ་པོ་དབང་ཕྱུག་ཆེན་པོའི་སྡེ་ཞེས་བྱ་བ་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ། །དེའི་བཙུན་མོ་ཟླ་
D1.004.0176b05.01འོད་མ་ཞེས་བྱ་བ་རྨི་ལམ་རྣོ་བ་ཡིན་ཏེ། རྨི་ལམ་དུ་གང་ཅི་མཐོང་བ་དེ་ཐམས་ཅད་དེ་བཞིན་དུ་འགྱུར་གྱི་གཞན་དུ་མ་ཡིན་པ་ཞིག་ཡོད་དོ། །རྒྱལ་པོ་དེའི་ཡུལ་དུ་བྱང་ཆུབ་སེམས་དཔའ་{རི་དགས་,རི་དྭགས་}རྣམས་ཀྱི་ནང་དུ་སྐྱེས་ནས་གསེར་གྱི་གློ་ཞེས་བྱ་སྟེ། {རི་དགས་,རི་དྭགས་}རྣམས་
D1.004.0176b06.01ཀྱི་དཔོན་པོར་གྱུར་ཏོ། །དེ་ཡང་ལུས་ཀྱི་གཟི་བརྗིད་བསམ་གྱིས་མི་ཁྱབ་པ་དང་ལྡན་ཞིང་འཇིག་རྟེན་ཐམས་ཅད་ཀྱི་ཡིད་དང་། མིག་ཏུ་སྡུག་པར་བྱེད་པས་འདོད་པ་སྐྱེད་པར་བྱེད་དོ། །གང་གིས་དེ་མཐོང་ན་དེ་རྟོག་ཅིང་དེ་ཉིད་དུ་སྡོད་པར་བྱེད་དོ། །དེ་ལྷག་པར་
D1.004.0176b07.01