完整藏文原文 · 德格版页 当前仅加载第 4 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཡང་དུ་སྨྲས་སོ། །དགེ་སློང་དག་ད་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ་ཞེས་བྱ་བ་ནས་དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་དུའོ། །གང་གི་ཚེ་བཅོམ་ལྡན་འདས་ཀྱིས་ལྷ་བརྒྱད་ཁྲི་ཆོས་ཀྱི་རོས་ཡང་དག་
D1.004.0116b01.01པར་བསྡུས་བདེན་པ་རྣམས་ལ་རབ་ཏུ་བཀོད་པ་དེའི་ཚེ་དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ལྷ་བརྒྱད་ཁྲི་ཆོས་ཀྱི་རོས་ཡང་དག་པར་བསྡུས་ཏེ་བདེན་པ་རྣམས་ལ་རབ་ཏུ་བཀོད་
D1.004.0116b02.01པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་ངས་འདི་རྣམས་ཚོང་པ་བརྒྱད་ཁྲིར་གྱུར་པ་ན་ཟང་ཟིང་གིས་ཡང་དག་པར་བསྡུས་ནས་བརྟུལ་ཞུགས་ལྔའི་གཞི་རྣམས་ལ་རབ་ཏུ་བཀོད་པ་
D1.004.0116b03.01དེ་ཉོན་ཅིག །དགེ་སློང་དག་སྔོན་བྱུང་བ་དེད་དཔོན་གཉིས་ཞིག་བྱུང་སྟེ། ཐམས་ཅད་སྐྱོབ་དང་། ལེགས་གྲུབ་ཅེས་བྱ་སྟེ། རེ་རེ་ལ་ཡང་ཚོང་པའི་འཁོར་བཞི་ཁྲི་བཞི་ཁྲི་ཡོད་དོ། །དེ་ལ་ལེགས་གྲུབ་ངེས་པར་འབྱུང་བ་ལ་མངོན་པར་དགའ་ནས་དེ་དྲང་སྲོང་རྣམས་ཀྱི་ནང་དུ་རབ་
D1.004.0116b04.01ཏུ་བྱུང་སྟེ། དེས་མཐའ་གཅིག་ཏུ་བརྩོན་འགྲུས་ལ་གནས་ནས་མཁན་པོ་དང་སློབ་དཔོན་མེད་པར་རང་བྱང་ཆུབ་མངོན་སུམ་དུ་བྱས་སོ། །དེའི་ཚོང་པ་དེ་རྣམས་དེད་དཔོན་མ་མཐོང་ནས་ཕན་ཚུན་དུ་བཙལ་བར་བརྩམས་པ་ན། གང་གི་ཚེ་རྣམ་པ་ཐམས་ཅད་དུ་མ་རྙེད་པ་དེའི་ཚེ་དེད་
D1.004.0116b05.01དཔོན་ཐམས་ཅད་སྐྱོབ་ཀྱི་དྲུང་དུ་དོང་ནས་སྨྲས་པ། དེད་དཔོན་དེད་དཔོན་དེས་ནི་བདག་ཅག་ལ་མ་བལྟས་པར་མཆིས་ཏེ། བདག་ཅག་གིས་བཙལ་ན་ཡང་མ་རྙེད་ན་དེ་ལ་ཇི་ལྟར་བསྒྲུབ་པར་བགྱི། དེས་སྨྲས་པ། ཡི་བློང་བར་མ་བྱེད་པར་འཁོད་ཅིག་དེད་དཔོན་དེ་བཙལ་ལོ། །
D1.004.0116b06.01དེ་ནས་དེད་དཔོན་ཐམས་ཅད་སྐྱོ་བ་ཚོང་པ་བརྒྱད་ཁྲིས་ཡོངས་སུ་བསྐོར་ནས། དེད་དཔོན་ལེགས་གྲུབ་སྐྱེད་མོས་ཚལ་དང་། འདུག་གནས་དང་། དཀའ་ཐུབ་ཀྱི་ནགས་སུ་བཙལ་བར་བརྩམས་པ་ན་དེས་དེ་མཐོང་ནས་དྲིས་པ། ཁྱོད་ཀྱིས་ཅིའི་ཕྱིར་ཚོང་པ་རྣམས་སྤངས་ཏེ་རབ་
D1.004.0116b07.01