完整藏文原文 · 德格版页 当前仅加载第 4 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ཀྱིས་ཇི་ལྟར་བཟོད་པ་བཞིན་དེའི་ལན་ཐོབ་ཤིག །གྲོ་བཞིན་སྐྱེས་ཇི་སྙམ་དུ་སེམས་ཁྱོད་སྔོན་ཁྱིམ་པར་གྱུར་པ་ན་པི་བང་གི་རྒྱུད་ཀྱི་སྒྲ་ལ་མཁས་པ་ཡིན་ནམ། བཙུན་པ་བདག་སྔོན་ཁྱིམ་པར་གྱུར་པ་ན་པི་བང་གི་རྒྱུད་ཀྱི་སྒྲ་ལ་མཁས་པ་མད་ལགས་སོ། །གྲོ་
D1.004.0207a01.01བཞིན་སྐྱེས་ཇི་སྙམ་དུ་སེམས། གང་གི་ཚེ་པི་བང་གི་རྒྱུད་ཤིན་ཏུ་བསྡམས་པར་གྱུར་པ་དེའི་ཚེ་ཇི་ག་པི་བང་གི་སྒྲ་སྙན་པར་འགྱུར་བའམ། སྒྲ་ཡིད་དུ་འོང་བའམ། སྒྲ་དང་ལྡན་པའམ། ལས་སུ་རུང་བར་འགྱུར་རམ། བཙུན་པ་མ་ལགས་སོ། །འོ་ན་གང་གི་ཚེ་པི་བང་གི་རྒྱུད་
D1.004.0207a02.01ལྷག་པར་ལྷོད་པར་གྱུར་པ་དེའི་ཚེ་ཇི་ག་པི་བང་གི་སྒྲ་སྙན་པར་འགྱུར་བའམ། སྒྲ་ཡིད་དུ་འོང་བའམ། སྒྲ་དང་ལྡན་པའམ། ལས་སུ་རུང་བར་འགྱུར་རམ། བཙུན་པ་མ་ལགས་སོ། །གང་གི་ཚེ་པི་བང་གི་རྒྱུད་ཤིན་ཏུ་བསྡམས་པ་མ་ཡིན་ཞིང་ལྷག་པར་ལྷོད་པ་མ་ཡིན་པར་གྱུར་ཏེ་རྒྱུད་རན་པར་
D1.004.0207a03.01འདུག་པ་དེའི་ཚེ་པི་བང་གི་སྒྲ་སྙན་པར་འགྱུར་བའམ། སྒྲ་ཡིད་དུ་འོང་བའམ། སྒྲ་དང་ལྡན་པའམ། ལས་སུ་རུང་བར་འགྱུར་བ་མ་ཡིན་ནམ། བཙུན་པ་དེ་ལྟ་ལགས་སོ། །གྲོ་བཞིན་སྐྱེས་དེ་བཞིན་དུ་ཧ་ཅང་བརྩོན་འགྲུས་བརྩམས་པ་ནི་རྒོད་པར་འགྱུར་རོ། །ཧ་ཅང་ཞན་ན་ནི་ཞུམ་
D1.004.0207a04.01པར་འགྱུར་རོ། །གྲོ་བཞིན་སྐྱེས་དེ་ལྟ་བས་ན་ཁྱོད་ཀྱིས་རན་པ་ཉིད་རྟོགས་པར་བྱ་སྟེ། དེས་ཀྱང་ང་རྒྱལ་དུ་མི་བྱ་ཞིང་དེ་ལ་ཡང་བག་ཡོད་པར་བྱ། དེའི་ཚེ་མཚན་མ་ཡང་གཟུང་བར་བྱ། གྲོ་བཞིན་སྐྱེས་ཁྱོད་གནས་པ་འདིས་གནས་ན་རིང་པོ་མི་ཐོགས་པ་ཁོ་ནར་ཟག་པ་རྣམས་ཟད་
D1.004.0207a05.01ནས་ཟག་པ་མེད་པ་རྣམ་པར་གྲོལ་བའི་སེམས་དང་། རྣམ་པར་གྲོལ་བའི་ཤེས་རབ་མཐོང་བའི་ཆོས་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ནས་རྫོགས་པར་བྱས་ཏེ། བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་
D1.004.0207a06.01གཞན་མི་ཤེས་སོ་ཞེས་སྒྲོགས་པར་འགྱུར་རོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རངས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་
D1.004.0207a07.01