完整藏文原文 · 德格版页 当前仅加载第 4 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །བཙུན་པ་འདི་ན་ཁ་ཅིག་འདི་སྙམ་དུ་ཀྱེ་མ་ཚེ་དང་ལྡན་པ་འདི་དད་པ་ཙམ་ཁོ་ན་ལ་གནས་པས་ངེས་པར་འབྱུང་བ་ལ་མོས་སོ་སྙམ་དུ་སེམས་ན། བཙུན་པ་དེ་ལྟར་བལྟ་བར་མི་བགྱི་སྟེ། འདོད་ཆགས་ཟད་པ་དང་། ཞེ་སྡང་ཟད་པ་དང་། གཏི་མུག་ཟད་
D1.004.0208a01.01པས་ངེས་པར་འབྱུང་བ་ལ་མོས་པར་འགྱུར་ལགས་སོ། །བཙུན་པ་འདི་ན་ཁ་ཅིག་འདི་སྙམ་དུ་ཀྱེ་མ་ཚེ་དང་ལྡན་པ་འདི་ཚུལ་ཁྲིམས་ཙམ་ཁོ་ན་ལ་བརྟེན་ནས་མི་འཚེ་བ་ལ་མོས་སོ་སྙམ་དུ་སེམས་ན། བཙུན་པ་དེ་ལྟར་བལྟ་བར་མི་བགྱི་སྟེ། འདོད་ཆགས་ཟད་པ་དང་། ཞེ་སྡང་
D1.004.0208a02.01ཟད་པ་དང་། གཏི་མུག་ཟད་པས་མི་འཚེ་བ་ལ་མོས་པར་འགྱུར་ལགས་སོ། །བཙུན་པ་འདི་ན་ཁ་ཅིག་འདི་སྙམ་དུ་ཀྱེ་མ་ཚེ་དང་ལྡན་པ་འདི་རྙེད་པ་དང་། བཀུར་སྟི་དང་། ཚིགས་སུ་བཅད་པ་ཙམ་ཁོ་ན་ཚོལ་བའི་སླད་དུ་རབ་ཏུ་དབེན་པ་ལ་མོས་སོ་སྙམ་དུ་སེམས་ན། བཙུན་པ་
D1.004.0208a03.01དེ་ལྟར་བལྟ་བར་མི་བགྱི་སྟེ། འདོད་ཆགས་ཟད་པ་དང་། ཞེ་སྡང་ཟད་པ་དང་། གཏི་མུག་ཟད་པ་དང་། སྲེད་པ་ཟད་པ་དང་། ལེན་པ་ཟད་པ་ལས་མི་བརྗེད་པའི་སེམས་ལ་ཡང་མོས་པར་འགྱུར་ལགས་ཏེ། བཙུན་པ་དགེ་སློང་དགྲ་བཅོམ་པ་ཟག་པ་ཟད་པ། བྱ་བ་བྱས་
D1.004.0208a04.01པ། བྱེད་པ་བྱས་པ། ཁུར་བོར་བ། རང་གི་དོན་རྗེས་སུ་ཐོབ་པ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བར་གྱུར་པ་གང་ལགས་པ་དེ་དེའི་ཚེ་དེ་གནས་དྲུག་པོ་འདི་དག་ལ་མོས་པར་འགྱུར་ལགས་སོ། །བཙུན་པ་
D1.004.0208a05.01དགེ་སློང་སློབ་པ་གང་ཡིན་པ་མ་ཐོབ་པ་གང་ལགས་པ་དེ་གོང་མའི་གྲུབ་པ་དང་བདེ་བའི་མྱ་ངན་ལས་འདས་པ་དོན་དུ་གཉེར་བའི་ཚུལ་ལ་ལན་མང་དུ་གནས་ཏེ། དེ་དེའི་ཚེ་སློབ་པའི་ཚུལ་ཁྲིམས་དང་། སློབ་པའི་དབང་པོ་དང་ལྡན་པ་ལགས་སོ། །དེ་དུས་གཞན་ན་ཟག་པ་རྣམས་
D1.004.0208a06.01ཟད་ནས་ཟག་པ་མེད་པའི་རྣམ་པར་གྲོལ་བའི་སེམས་དང་། རྣམ་པར་གྲོལ་བའི་ཤེས་རབ་མཐོང་བའི་ཆོས་ཉིད་ལ་རང་གི་མངོན་པར་ཤེས་པས་མངོན་སུམ་དུ་བགྱིས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །སྲིད་པ་འདི་ལས་གཞན་མི་ཤེས་
D1.004.0208a07.01