完整藏文原文 · 德格版页 当前仅加载第 4 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
གཞོན་ནུ་མ་དེ་པི་ཝང་གི་སྒྲས་སེམས་བསྡུས་པས་དགེ་བྱེད་པི་ཝང་ལེན་པ་ལ་ཆགས་ནས་དེས་དེ་ལ་འདི་བདག་གི་ཁྱིམ་ཐབ་བོ་ཞེས་མེ་ཏོག་གི་ཕྲེང་བ་བོར་རོ། །སྐྱེ་བོའི་ཚོགས་ཡིད་མི་བདེ་བར་གྱུར་ཅིང་ཁ་ཅིག་སྙིང་ན་ནས་མོད་ལ་འཕྱ་བར་བརྩམས་པ།
D1.004.0189a01.01རྒྱལ་པོའི་གཞོན་ནུ་མ་འདི་ལྟར་གཟུགས་བཟང་བ་དར་ལ་བབ་པ་སྒྱུ་རྩལ་ཕུན་སུམ་ཚོགས་པ་དང་ལྡན་པས་ཡུལ་སྣ་ཚོགས་ནས་ལྷགས་པའི་རྒྱལ་པོ་དང་། བློན་པོ་དང་། མདུན་ན་འདོན་གྱི་བུ་རྣམས་དང་། གཞན་ཡང་གྲོང་ཁྱིམ་ན་གནས་པའི་སྐྱེས་པའི་གཙོ་བོ་རྣམས་
D1.004.0189a02.01སྤངས་ཏེ་ལོང་བ་ལ་ཁྱིམ་ཐབ་ཏུ་འདམ་པ་ཅི་ཐ་ཚིག །ཞོ་ཤས་འཚོ་བ་རྣམས་ཡིད་མི་བདེ་ཞིང་མི་དགའ་བས་རྒྱལ་པོ་ལ་སྨྲས་པ། ལྷ་གཞོན་ནུ་མ་རང་ཉིད་ཀྱིས་ཁྱིམ་ཐབ་བདམས་ལགས་སོ། །རྒྱལ་པོས་སྨྲས་པ། ཅི་འདྲ་བ་ཞིག །ལྷ་ལོང་བ་ཞིག་ལགས་སོ། །དེ་
D1.004.0189a03.01ཡང་ཐོས་ནས་ཡིད་མི་བདེ་བར་གྱུར་ཏེ་དེ་ནས་དེ་བཀུག་ནས་སྨྲས་པ། བུ་རྒྱལ་པོ་དང་། ནོར་ཅན་དང་། ཚོང་དཔོན་དང་། དེད་དཔོན་དང་། བློན་པོའི་བུ་དང་། མདུན་ན་འདོན་གྱི་བུ་གཟུགས་བཟང་བ་དང་དར་ལ་བབ་པ་འབྱོར་པ་ཕུན་སུམ་ཚོགས་པ་དག་ཡོད་ན། ཁྱོད་
D1.004.0189a04.01ཀྱིས་ཅིའི་ཕྱིར་འདི་འདྲ་བ་ཞིག་ཁྱིམ་ཐབ་ཏུ་བདམས། དེས་སྨྲས་པ། ཡབ་འདི་ཁོ་ན་བདག་འཚལ་ལགས་སོ། །རྒྱལ་པོས་སྨྲས་པ། བུ་གལ་ཏེ་དེ་ལྟར་ན་དེ་ཉིད་ཀྱི་ཐད་དུ་སོང་ཤིག་ཅིའི་ཕྱིར་འདུག །དེ་དེའི་དྲུང་དུ་སོང་ནས་སྨྲས་པ། བདག་གི་ཁྱིམ་ཐབ་ཏུ་ཁྱོད་
D1.004.0189a05.01འདམས་སོ། །དེས་སྨྲས་པ། ཁྱོད་ཀྱིས་མ་ལེགས་པ་ཞིག་བྱས་ཏེ་དེ་ལྟ་མོད་ཀྱི་འདི་ནི་ལོང་བ་ཡིན་པས། བདག་སྐྱེས་པ་གཞན་དང་ལྷན་ཅིག་དགའ་མགུར་སྤྱད་པར་བྱའོ་སྙམ་དུ་བསམས་པ་ལྟ་ཞིག །དེས་སྨྲས་པ། བདག་ནི་དེ་ལྟ་བུའི་ལས་བྱེད་པ་མ་ཡིན་ནོ། །
D1.004.0189a06.01དེས་སྨྲས་པ། ཅི་མངོན་དེས་བདེན་པ་གསོལ་བར་བརྩམས་ཏེ། བདེན་པ་དང་བདེན་པའི་ཚིག་གང་གིས་རྒྱལ་བུ་གཞོན་ནུ་དགེ་བྱེད་དེ་དང་ཁྱོད་ལ་འདོད་ཆགས་སྐྱེས་ཀྱི་གཞན་སུ་ལ་ཡང་མ་ཡིན་ཞེ་ན། བདེན་པ་དང་བདེན་པའི་ཚིག་དེས་ཁྱོད་ཀྱི་མིག་གཅིག་སྔོན་གྱི་ཇི་ལྟ་བ་བཞིན་
D1.004.0189a07.01