完整藏文原文 · 德格版页 当前仅加载第 4 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
པས་གཞན་ཡང་འདི་སྐད་ཅེས་གསོལ་ཏོ། །ངེས་པར་འབྱུང་ལ་མོས་པ་དང་། །སེམས་ནི་འཚེ་བ་མེད་པ་དང་། །རབ་ཏུ་དབེན་ལ་མོས་པ་དང་། །སྲེད་པ་ཟད་ལ་དགའ་བ་དང་། །ལེན་པ་ཟད་ལ་མོས་པ་དང་། །སེམས་ནི་བརྗེད་པ་མེད་གྱུར་པ། །སྐྱེ་མཆེད་སྐྱེ་
D1.004.0209b01.01བ་ཤེས་ནས་སུ། །སེམས་ནི་རྣམ་པར་གྲོལ་བར་འགྱུར། །དེ་ནས་སེམས་ནི་རྣམ་གྲོལ་ཞིང་། །སེམས་ཞི་བ་ཡི་སྐྱོབ་པ་ཡིས། །བྱ་བ་དག་ནི་བྱས་ཟིན་པས། །བྱ་བ་ཡོད་པ་མ་ཡིན་ནོ། །ཇི་ལྟར་བྲག་གི་རི་བོ་ལ། །རླུང་གིས་རབ་ཏུ་མི་གཡོས་པ། །དེ་བཞིན་
D1.004.0209b02.01སྡུག་དང་མི་སྡུག་པའི། །གཟུགས་རྣམས་དང་ནི་སྒྲ་དག་དང་། །དྲི་དང་རོ་དང་རེག་པ་དང་། །ཆོས་ཀྱིས་སྐྱོབ་པ་མི་གཡོ་སྟེ། །བཀྲིར་མི་བཏུབ་པའི་སེམས་གནས་ཤིང་། །དེ་ལའང་ཟད་པར་རྗེས་སུ་ལྟ། །དགེ་སློང་རྣམས་ཐེ་ཙོམ་སྐྱེས་ཏེ་ཐེ་ཙོམ་ཐམས་ཅད་གཅོད་
D1.004.0209b03.01པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་ཕྱུག་ཅིང་ནོར་མང་བ་ལོངས་སྤྱོད་ཆེ་བའི་རིགས་སུ་སྐྱེས་ཤིང་རྐང་པའི་མཐིལ་གཉིས་སུ་སྤུ་གསེར་གྱི་ཁ་དོག་འདྲ་བ་
D1.004.0209b04.01སྐྱེས་པ་དང་། གདུགས་རེ་རེ་ཞིང་ལྔ་བརྒྱའི་སྟོན་མོ་སྣོད་ནས་སྒྲོལ་ཞིང་སྦྱོར་བ་དང་། འདི་ནས་བཟུང་སྟེ་བསྐལ་པ་དགུ་བཅུ་རྩ་གཅིག་གི་བར་དུ་ལན་འགའ་ཡང་གདིང་བ་མ་མཆིས་པའི་ས་ཕྱོགས་སུ་རྐང་པ་མ་བཞག་པ་དང་། བཙས་མ་ཐག་ཏུ་དཀན་དབབ་པའི་རིན་གསེར་བྱེ་བ་
D1.004.0209b05.01ཕྲག་ཉི་ཤུ་ཐོབ་ཅིང་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་ཀྱང་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གྲོ་བཞིན་སྐྱེས་བྱེ་བ་ཉི་ཤུ་པ་འདི་ཉིད་ཀྱིས་ལས་ཚོགས་རྙེད་
D1.004.0209b06.01པ་རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས་གྲོ་བཞིན་སྐྱེས་འདི་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་
D1.004.0209b07.01