完整藏文原文 · 德格版页 当前仅加载第 4 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་དུ་འཇུག་གོ། །དེ་དུས་གཞན་ཞིག་ན་བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད་དེ། དགའ་བར་བྱེད། དགའ་མགུར་སྤྱོད་པར་བྱེད་པ་ན་བཙུན་མོ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་ལོན་པ་
D1.004.0186b01.01ན་ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ། པགས་པའི་མདོག་གསེར་འདྲ་བ། མགོ་གདུགས་ལྟར་འདུག་པ། ལག་པ་རིང་བ། འཕྲལ་བའི་དབྱེས་ཆེ་བ། སྨིན་མ་འཇར་བ། སྣའི་གཟངས་མཐོ་བ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་
D1.004.0186b02.01བཙས་ཏེ། དེ་བཙས་པ་ན་དགེ་བ་སྟོང་ཕྲག་དུ་མ་བྱུང་བར་གྱུར་ཏོ། །དེའི་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དེ། བློན་པོ་རྣམས་ཀྱིས་སྨྲས་པ། ལྷ་འདི་བཙས་པས་ན་དགེ་བ་སྟོང་ཕྲག་དུ་མ་བྱུང་བས་ཁྱེའུ་མིང་དགེ་བྱེད་དུ་
D1.004.0186b03.01གདགས་སོ་ཞེས་དེའི་མིང་དགེ་བྱེད་དུ་བཏགས་ཏེ། ཁྱེའུ་དགེ་བྱེད་མ་མ་བརྒྱད་པོ་པང་ན་འཚོ་བའི་མ་མ་གཉིས་དང་། ནུ་མ་སྣུན་པའི་མ་མ་གཉིས་དང་། དྲི་མ་འཕྱི་བའི་མ་མ་གཉིས་དང་། རྩེན་གྲོགས་ཀྱི་མ་མ་གཉིས་ལ་རྗེས་སུ་གཏད་དེ། དེ་མ་མ་བརྒྱད་པོ་དག་གིས་
D1.004.0186b04.01འོ་མ་དང་། ཞོ་དང་། མར་དང་། ཞུན་མར་གྱི་སྙིང་པོ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང་རྫིང་ན་གནས་པའི་པད་མ་བཞིན་མྱུར་དུ་སྐྱེད་པར་བྱེད་དོ། །རྒྱལ་པོ་དེ་ཡང་བཙུན་མོ་དང་ལྷན་ཅིག་རྩེ་བར་བྱེད་དེ།
D1.004.0186b05.01དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་བཙུན་མོ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་ལོན་པ་ན་ཁྱེའུ་ཞིག་བཙས་ཏེ། དེ་བཙས་པ་ན་མི་དགེ་བ་སྟོང་ཕྲག་དུ་མ་བྱུང་
D1.004.0186b06.01ནས་དེའི་མིང་ནི་སྡིག་བྱེད་ཅེས་བྱ་བར་བཏགས་ཏེ། དེ་ཡང་བསྲིངས་བསྐྱེད་དེ་ཆེན་པོར་གྱུར་ཏོ། །གཞོན་ནུ་དགེ་བྱེད་ནི་བྱམས་པའི་བདག་ཉིད་སྙིང་རྗེ་ཅན་སེམས་ཅན་ཐམས་ཅད་ལ་བརྩེ་བ་ཅན། སྦྱིན་འདོད་པ། སྦྱིན་པ་ལ་དགའ་བ་ཡིན་པས་དེ་དགེ་སྦྱོང་དང་། བྲམ་ཟེ་
D1.004.0186b07.01