完整藏文原文 · 德格版页 当前仅加载第 4 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
གྲོང་ཁྱེར་བཱ་རཱ་ཎ་སཱི་ན་རྒྱལ་པོ་བྱམས་པའི་སྟོབས་ཞེས་བྱ་བ་འབྱོར་པ་དང་ཞེས་བྱ་བ་ནས་སྐྱེ་བོ་དང་མི་མང་པོ་ཡོད་པ་རྒྱལ་སྲིད་བྱེད་དུ་འཇུག་སྟེ་ཞེས་བྱ་བའི་བར་དུ་སྟེ། བྱམས་པའི་བདག་ཉིད་སྙིང་རྗེ་ཅན་བདག་ཉིད་ཆེན་པོ་སེམས་ཅན་ཐམས་ཅད་ལ་བྱམས་པ་དང་ལྡན་པ་
D1.004.0123b01.01ཞིག་ཡོད་དེ། ཇི་ཙམ་དུས་གཞན་ཞིག་ན་རྒྱལ་པོ་རྣམ་ཐོས་ཀྱི་བུས་རྒྱལ་པོའི་ཕོ་བྲང་ལྕང་ལོ་ཅན་ནས་མདངས་འཕྲོག་པའི་གནོད་སྦྱིན་ལྔ་ཉེས་པ་འགའ་ཞིག་གི་ཕྱིར་སྤྱུགས་ནས། དེ་རྣམས་ལྗོངས་དེ་ནས་རྒྱུ་ཞིང་བཱ་རཱ་ཎ་སཱིར་ཕྱིན་ནས་དེ་རྣམས་ལ་སུས་ཀྱང་གཏོར་
D1.004.0123b02.01མ་འམ། མེ་ཏོག་ཕྲེང་དང་། ཡོ་བྱད་དག་མ་བྱིན་ནས། དེ་རྣམས་ཁྲོས་པས་ཡམས་ཀྱི་ནད་བཏང་སྟེ་བཱ་རཱ་ཎ་སཱིའི་སྐྱེ་བོའི་ཚོགས་ཤི་བར་གྱུར་ཏོ། །བློན་པོ་རྣམས་ཀྱིས་རྒྱལ་པོ་བྱམས་པའི་སྟོབས་ལ་སྨྲས་པ། ལྷ་བཱ་རཱ་ཎ་སཱིའི་སྐྱེ་བོའི་ཚོགས་ཏེ་པོར་འགུམ་ལགས་
D1.004.0123b03.01སོ། །རྒྱལ་པོས་དེ་རྣམས་ལ་བསྒོ་བ། དེང་ལ་བཱ་རཱ་ཎ་སཱི་ཁོ་ནར་དྲིལ་སྒྲོགས་སུ་བཅུག་ལ། ཤེས་ལྡན་དག་རྒྱལ་པོ་བྱམས་པའི་སྟོབས་ཀྱིས་བཀའ་སྩལ་པ། ང་སེམས་ཅན་ཐམས་ཅད་ལ་ཕན་པའི་བསམ་པ་ལ་ལྷག་པར་རྩོམ་པའི་ཡིད་ཀྱིས་ཉིན་མཚན་འདའ་བར་
D1.004.0123b04.01བྱེད་ཀྱིས། དེ་ལ་ཁྱེད་ཅག་གིས་ཀྱང་སེམས་ཅན་ཐམས་ཅད་ཀྱི་རྗེས་སུ་སོང་བའི་བྱམས་པ་ཡིད་ལ་བྱོས་ཤིག་དང་། དེ་ལྟ་ན་ཞི་བར་འགྱུར་རོ། །དེ་རྣམས་སེམས་ཅན་ཐམས་ཅད་ཀྱི་རྗེས་སུ་སོང་བའི་བྱམས་པ་ཡིད་ལ་བྱེད་པ་ལ་ཞུགས་པ་ན་མདངས་འཕྲོག་པའི་གནོད་
D1.004.0123b05.01སྦྱིན་རྣམས་ཀྱིས་བཱ་རཱ་ཎ་སཱིའི་ཉེ་འཁོར་དུ་རྒྱུ་བར་བརྩམས་ན་འཇུག་མ་ནུས་སོ། །དེ་རྣམས་ཀྱིས་འཇུག་མ་ནུས་པས་གླགས་མ་རྙེད་དོ། །གླགས་མ་རྙེད་པས་བ་ལང་རྫི་དང་། ལུག་རྫི་དང་། རྩྭ་ཐུན་དང་། ཤིང་ཐུན་དང་། ལམ་གྱིས་འཚོ་བ་དང་། ལམ་གོལ་བས་འཚོ་བའི་མི་རྣམས་མཐོང་
D1.004.0123b06.01ནས་དྲིས་པ། ཤེས་ལྡན་དག་ཁྱེད་ཅག་ཁོ་བོ་ཅག་གིས་མི་འཇིགས་སམ། དེ་རྣམས་ཀྱིས་སྨྲས་པ། མི་འཇིགས་སོ། །ཅིའི་ཕྱིར། འདི་ལྟར་བདག་ཅག་གི་རྒྱལ་པོ་བྱམས་པའི་སྟོབས་དགོངས་པ་གང་ཡིན་པ་དེ་སེམས་པས་སོ། །རྒྱལ་པོ་བྱམས་པའི་སྟོབས་ཅི་
D1.004.0123b07.01