完整藏文原文 · 德格版页 当前仅加载第 4 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡོད་དམ། འོན་ཏེ་ཚེ་དང་ལྡན་པ་འདི་ལ་གཏི་མུག་གང་གིས་ཟིལ་གྱིས་ནོན་ཅིང་སེམས་ལ་ཁྱབ་ན་མི་ཤེས་བཞིན་ཁོ་ནར་ཤེས་སོ་ཞེས་སྨྲ། མ་མཐོང་བཞིན་ཁོ་ནར་མཐོང་ངོ་ཞེས་སྨྲ་ཞིང་གཞན་དག་ལ་ཡང་གང་དག་དེ་དག་ལ་ཡུན་རིང་པོར་གནོད་པ་དང་། ཕན་པ་མ་ཡིན་
D1.004.0269b01.01པ་དང་། སྡུག་བསྔལ་བར་གྱུར་པ་དེ་ལྟ་དེ་ལྟར་སྟོན་པའི་གཏི་མུག་མ་སྤངས་པ་དང་། ཡོངས་སུ་མ་ཤེས་པ་དང་། མ་བཀག་པ་དང་། མ་བསལ་བའི་གཏི་མུག་དེ་མེད་སྙམ་ན། དེ་འདི་སྙམ་དུ་སེམས་ཏེ། ཚེ་དང་ལྡན་པ་འདི་ལ་གཏི་མུག་གང་གིས་ཟིལ་གྱིས་ནོན་ཅིང་སེམས་ལ་
D1.004.0269b02.01ཁྱབ་ན་མི་ཤེས་བཞིན་ཁོ་ནར་ཤེས་སོ་ཞེས་སྨྲ། མ་མཐོང་བཞིན་ཁོ་ནར་མཐོང་ངོ་ཞེས་སྨྲ་ཞིང་གཞན་དག་ལ་ཡང་གང་དག་དེ་དག་ལ་ཡུན་རིང་པོར་གནོད་པ་དང་། ཕན་པ་མ་ཡིན་པ་དང་། སྡུག་བསྔལ་བར་འགྱུར་བ་དེ་ལྟ་དེ་ལྟར་སྟོན་པའི་གཏི་མུག་མ་སྤངས་པ་དང་། ཡོངས་
D1.004.0269b03.01སུ་མ་ཤེས་པ་དང་། མ་བཀག་པ་དང་། མ་བསལ་བའི་གཏི་མུག་དེ་མེད་དོ། །དེ་ཅིའི་ཕྱིར་ཞེ་ན། གཏི་མུག་མེད་པའི་ལུས་ཀྱི་འདུ་བྱེད་དང་། ངག་གི་འདུ་བྱེད་དང་། ཡིད་ཀྱི་འདུ་བྱེད་གང་དག་ཡིན་པ་དེ་དག་ཚེ་དང་ལྡན་པ་འདི་ལ་ཡོད་ལ། འདི་ཆོས་གང་མདོར་བསྡུས་
D1.004.0269b04.01པའམ། རྒྱས་པར་འཆད་ཀྱང་རུང་། འདིའི་ཆོས་ནི་ཞི་བ། གྱ་ནོམ་པ། ཟབ་པ་ཟབ་པར་སྣང་བ། མཐོང་བར་དཀའ་བ། རྟོགས་པར་དཀའ་བ། བརྟག་པར་བྱ་བ་མ་ཡིན་པ། རྟོག་གེའི་སྤྱོད་ཡུལ་མ་ཡིན་པ། ཞིབ་མོ་བརྟགས་པའི་མཁས་པ་དང་མཛངས་པས་
D1.004.0269b05.01རིག་པར་བྱ་བ་ཡིན་ན། དེ་ཡང་འདི་ལྟར་ཚེ་དང་ལྡན་པ་འདི་གཅིག་པུ་གཏི་མུག་པས་ནི་ཤེས་པར་སླ་བ་མ་ཡིན་པས་ཚེ་དང་ལྡན་པ་འདི་གཏི་མུག་པ་མ་ཡིན་ཏེ། ཚེ་དང་ལྡན་པ་འདི་ནི་གཏི་མུག་མེད་པ་ཡིན་ནོ་སྙམ་མོ། །གང་གི་ཚེ་འདི་གསུམ་པ་གཏི་མུག་གི་ཆོས་ལ་རྣམ་པར་
D1.004.0269b06.01དག་པར་མཐོང་ནས་དེའི་འོག་ཏུ་འདི་ལ་རྣམ་པ་དང་ལྡན་པའི་དད་པ་སྐྱེད་པར་བྱེད་དོ། །དད་པ་སྐྱེས་ནས་འདི་ལྟར་སློབ་པར་བྱེད་དེ། ཁྱིམ་ན་གནས་པ་ནི་གནོད་པ་ཅན་དང་། རྡུལ་ཁྲོད་ན་གནས་པ་ཡིན་ལ། རབ་ཏུ་བྱུང་བ་ནི་མངོན་པར་སྐབས་ཡོད་པ་ཡིན་ཏེ། ཁྱིམ་པ་
D1.004.0269b07.01